Dar

7 Әрқайсың жүректеріңнің шешіміне сай, еш ренішсіз, зорлықсыз барларыңмен бөлісіңдер! Құдай қуанышпен* беретіндерді ұнатады.

8 Ал сендерді бүкіл игілікке молынан кенелтуге Құдайдың құдіреті жетеді! Сонда әрдайым, қандай жағдайда да қажеттеріңнің бәрімен қамтамасыз етіліп, әр қилы игі істерді молынан жасай аласыңдар.

10 Егіншіге себуге тұқым, ашыққанға жеуге нан беретін Құдай сендерге «игіліктің тұқымын» ағыл-тегіл мол сыйлап, әділ істеріңнің өнімін молайта түспек.

11 Ондағы көздегені — сендердің әр жағдайда жомарттық жасай алатындай дәулетті болуларың, әрі біз арқылы жіберген көмектерің үшін көп адамдардың Құдайға шүкірлік етуі.

12 Біреу беруге ынталы болса, Тәңір Ие оның тарту-таралғысын қолындағы жоғына емес, барына қарай ризашылықпен қабылдайды.

38 Беріңдер, сонда сендерге де беріледі: шайқап, нығыздап толтырып, тасып-төгілген мөлшерде салып беріледі. Сендер өзгелерге қолданған өлшем өздерің үшін де қолданылмақ.*

9 Жаратқанды құрметтеп сыйға бер мал-мүлкіңнен,

Алған бар өніміңнің алғашқы түсімінен.

Қатыгездіктен сақтандыру

27 Қолыңнан келіп тұрғанда мұқтаждарға

Жақсылық көрсет, соған лайық жандарға.

25 Жомарт жан игілікке кенелер,

Басқаны сергіткен өзі де сергір.*

16 Сый-тартуы берушінің жолын ашар,

Әкімдер алдына дейін апарар.

26 Жалқау жан күні бойы алуды көксер,

Ал әділ жан мұқтажға аямай берер.

9 Анық сөйлеп, әділ үкім шығаршы,

Жарлы мен мұқтаждың мүддесін қорғашы!

Жазбаның соңындағы мақтау жыры

10 Киелі үйімде әрдайым тамақ болуы үшін қоймама өнімнің он бөлігінің бірін толықтай алып келіңдер! Менің не істейтінімді осы арқылы сынап көріңдер! — деп ұсынады Әлемнің Иесі. — Сонда Менің аспаннан мол жауын-шашын жаудырып, сендерді жарылқауымның ағыл-тегіл болатыны соншама, оның бәрін жайғастыратын орындарыңның да болмай қалғанын көресіңдер!

2 Сондықтан қайыр бергенде оны екі жүзділер секілді жұрт мақтасын деп мәжілісханалар мен көшелерде жариялатпаңдар!* Сендерге шындығын айтамын: олар алмақ сыйларын осымен-ақ алып қойды.

3 Ал сендер қайыр бергенде, не істегендеріңді сырлас достарың да білмесін!*4 Осылайша жасаған қайырымдылықтарың құпия болмақ. Сонда құпия істердің бәрін көретін Әкелерің сендерге сыйын бермек.*

8 Ауруларды сауықтырып, өлгендерді қайта тірілтіңдер, алапестерді құлантаза айықтырып, жындарды қуып шығарыңдар.* Тегін алдыңдар, тегін беріңдер де!*

21 Иса оған былай жауап берді:

— Егер мүлтіксіз болғың келсе, барып, мал-мүлкіңді сатып, түскен ақшаны мұқтаждарға үлестіріп бер. Сонда сенің қазынаң көкте болады. Өзің қайтып келіп, шәкіртім болып соңымнан ер!*

30 Сұраған әркімге мұқтажын бер,*

өзіңдікін тартып алғаннан оны қайта сұрама!

4 Қаһарыңнан денемде сау жерім жоқ,

Күнәмнан жан-тәнімде тыныштық жоқ.

21 Жақсылығыма олар жамандық қайырады,

Ізгі жолмен жүргеніме қарсы шығады.

14 Ал енді, Саған осындай мол сый-тарту беретіндей біз кім едік сонша?! Әлемдегінің барлығы да Сенен келген. Өз қолыңның бізге сыйлағандарын ғана Өзіңе тарту етіп отырмыз.

10 Нехемия: «Осымен барыңдар, дәмді тамақ жеп, тәтті сусын ішіңдер! Мерекелік ас дайындамағандарға үлестерін беріп жіберіңдер! Өйткені бүгінгі күн — Иемізге бағышталған қасиетті күн. Сонымен қайғырмаңдар! Себебі Жаратқан Иеге деген қуаныштарың сендерге күш-қуат беріп, паналарың болады!»* — деп қосты.

3 Егер үлестірсем бар байлығымды

Бейшара жарлы-жақыбайларға,

Тіпті құрбан қылсам да жанымды,

Тәнімді қисам отқа жағуға,

Бірақ егер сүйіспеншілігім болмаса,

Маған келер пайда жоқ бұдан да.