7 Lunti líchugun kada aban hídangiñe, keisi lasandiruni tidan lanigi; mama lau magundani ni ladüga lariñawagún hun lun híchugun, lugundun hínsiñehabuti Bungiu lun le íchugubei lau ugundani.

8 Gayaraati líchugun Bungiu sun luwuyeri abiniruni hun, lun ñein lan le habusenrubei huma súnwandan lun habagaridun, ñein ligíame giñe saragu huma lun hídehan lidan sun katei buiti.

10 Bungiu, le íchugubalin ilaü lun ábunaguti tuma fein lun leigin, líchuguba giñe hun lun gayaraabei lan hedewehan saragu houn gudemetiña kéisigubeirügü ilaü le abunúbei. Ábame laweiridagüdüni Bungiu murusun fulesei le hadügübei houn, darime lun habihin óunwenbu abiniruni lúmagiñe Bungiu keisi aban óunwenbu alubahani.

11 Ítara luba gama humá sun luwuyerigu irisini ani gayaraabei híchugun lau tubuidun anigi, ani danme le heresibiruni waduheñu idewesei le lunbei hóunahani houn wama, wéiribei heteingiruni Bungiu.

12 Lugundun anhein íchiga aban gürigia sun le liyaraati según le lúmabei, lau sun lugundan, gúndaati Bungiu lau, ani resibi lumuti le líchugubei gürigia ligia; mamuriahan lumuti Bungiu le úati hama gürigia.

38 Ru humá, rúa láamuga giñe hun. Líchuguba Bungiu saragu hun; ladügüba hun kéigubeirügü hadüga houn amu».

9 Ruba inebesei lun Bungiu lau birisin

luma lau furumiñeti balubahan bicharirugugiñe;

27 Mamaharabá badügün fulesei lun le amuriahati buma

dan le gayara lan badügüni.

25 Ha gareinibaña, awansetiña;

ha íchugubaña, ibihatiña giñe.

16 Lau aban edewehani darati sun bena,

ani chülüwati hamoun gürigia íñugubutiña.

26 sun weyu hau ayumaha.

Ánhañati ha richaguabaña, mángitiña.

9 Inurabéi bumala, rubei haricha houn;

sefubáña gudemetiña hama ǘnabugutiña!

10 Barǘ huméi diisi lídangiñe san lidoun tirisin ténpulu, ítara luba ñeinbei lan éigini núbiñe. Hóuchagua humana lidan katei le, ábame nadaaraguni lubenari sielu lun nóunahani lubuidun-agei abiniruni huagun.

2 Ligía, danme lubéi híderagun aban gudemeti, masubudiragüda huméi lun sun ubóu kei hadüga ha biánguabaña igibu ligilisirugu luma ǘmadarugu. Hagía, hadügüni lira lúnrügü hadimurehan gürigia buidu hawagu. Ninarün hau luagu lau lan hadügüni lira, ibiha hamaali hafayeiruáha.

3 Dan le híchugun aban katei lun gudemeti, masubudiraléi ni besi humada; 4 adüga huméi lábugiñe libidiñewa. Húguchi Bungiu le arihubalin le hadügübei lábugiñe libidiñewa, líchuguba hafayeiruáha.

8 Areidaguagüda humaña ha gawagutiña lépüra, hama ha gawagutiña amu luwuyeri sandi; saragüda humá hilaaña, sagá humaña sífirigu wuribatiña. Mafayeihantün lun hibihini ubafu le, maguburaha humá giñe luagu.

21 Aba lariñagun Hesusu lun:

—Anhein busén bubéi buidu ban sunsuinagubei, alugurabéi sun le búmabei, ábame bíchuguni lebegi houn gudemetiña, ábame bibihin irisini sielu; ábameti biabin, ábame bafalarunina.

30 Furumiñeguarügü le amuriahati buma, ruba lun; le anügüti bumegen, málugabei luma.

4 Gundaabá le tímatimaati lidan Aburemei,

ábame lagunfuliruni tayumahan banigi.

21 Amuriahatiña ha salufuribaña furedeiti, ani mafayeihantiña,

ánhañati ha buídubaña, gudemehabutiña, areidatiña giñe.

14 lugundun, kátañadinagia ani kátañanu numutuniña lun wíchuguba lan katei gíbeti bun? Lidan linarün katei, búmagiñe liabin sun katei, le wibihibei búmagiñe ligía wíchugubei bun.

10 Ariñagati giñe Ésüdürasi houn: "Heiba, hou huméi lubuidun-agei éigini, gurá hugíame diwéin bímetu. Agunbiraha humañame ha úabei ni kata aranseti hama, lugundun luéyuri Wabungiute uguñe. Meredera humá lau íruni, ladüga ugundani le líchugubei Bungiu waramudaguagülebei".

3 Anhein níchiga sun le númabei murusun murusun houn gudemetiña, ani lun hamuga nederegeruni núgubu lun gayara lan napantan luagu,* meseriwidunga nuguya lau ínsiñehabuni, málati giñe nun.