Tomar uma decisão

5 पर थारे म्ह तै जै किसे नै बुद्धि की कमी सै, तो परमेसवर तै माँग्गै, जो बिना उल्हाणा दिये, सारया नै बड़ी उदारता तै देवै सै, अर उस ताहीं दी जावैगी।

14 हमनै परमेसवर कै स्याम्ही यो होसला मिलै सै, वो होसला यो सै, के जो हम उसकी इच्छा के मुताबिक माँग्गा सां, तो वो म्हारी सुणै सै।

9 जै हम अपणे पाप नै परमेसवर के स्याम्ही मान ल्या, तो वो म्हारे पाप नै माफ करण म्ह भरोसेमन्द अर धर्मी सै, अर वो हमनै सारे अधर्म तै शुद्ध करै सै।

5 तू अपणी समझ का सहारा ना लिये,

बल्के सारे मन तै यहोवा पै भरोस्सा राखिये।

6 उस्से नै याद करकै सारे काम करिये,

फेर वो तेरे खात्तर सीध्धा राह लिकाड़ैगा।

6 उस्से नै याद करकै सारे काम करिये,

फेर वो तेरे खात्तर सीध्धा राह लिकाड़ैगा।

11 क्यूँके यहोवा की या वाणी सै, के जो कल्पना मै थारै बारै म्ह करुँ सूं उन ताहीं मै जाणु सूं, वे नुकसान की न्ही, बलके सलामती ए की सैं, अर अन्त म्ह थारी उम्मीद पूरी करुँगा।

14 जड़ै बुद्धि की युक्ति न्ही, ओड़ै प्रजा बिप्दा म्ह पड़ै सै;

पर घणे सलाहकारां कै कारण बचाव* होवै सै।

33 चिट्ठी लिकाड़ी जावै तो सै,

पर उसका लिकड़णा यहोवा ए कै ओड़ तै होवै सै।

1 जो दुसरयां तै अलग हो जावै सै, वो अपणी ए इच्छा पूरी करण कै खात्तर इसा करै सै,

अर सब ढाळ की खरी बुद्धि तै बैर करै सै।

2 मूर्ख का मन समझ की बात्तां म्ह न्ही लागदा,

वो बस अपणे मन की बात जाहिर करणा चावै सै।

3 जड़ै दुष्टता आवै सै, ओड़ै अपमान भी आवै सै;

अर निरादर के गैल बुराई आवै सै।

4 माणसां के मुँह के वचन गहरा पाणी हो सै;

बुद्धि का चोवा बहन्दी होई धारा के जिसा सै।

5 दुष्ट का पक्ष करणा,

अर धर्मी का हक मारणा, आच्छा कोनी।

6 बात बढ़ाण तै मूर्ख मुकद्दमा खड्या करै सै,

अर खुद नै मार खाण कै जोग्गा दिखावै सै।

7 मूर्ख का विनाश उसकी बात्तां तै होवै सै,

अर उसकी बात उसकै प्राण कै खात्तर फंदा होवै सै।

8 कानाफूसी करण आळे की बात सुवाद खाणे की ढाळ लाग्गै सै;

वे पेट म्ह हजम हो जावै सै।

9 जो काम म्ह आलस करै सै,

वो बिगाड़ण आळे का भाई ठहरै सै।

10 यहोवा का नाम मजबूत गढ़ सै;

धर्मी उस म्ह भाग कै सारी मुसीबतां तै बच जावै सै।

11 धनी का धन उसकी नजर म्ह मजबूत नगर सै,

अर उसकी कल्पना ऊँच्‍ची शहरपनाह के समान सै।

12 नाश होण तै पैहला माणस कै मन म्ह घमण्ड,

अर महिमा पाण तै पैहल्या नम्रता होवै सै।

13 जो बिना बात सुणे जवाब देवै सै, वो बेकूफ ठहरै सै,

अर उसका अनादर होवै सै।

14 रोग म्ह माणस अपणी आत्मा तै सम्भलै सै;

पर जब आत्मा हार जावै सै जिब इसनै कौण सह सकै सै?

16 साब्ता पवित्र ग्रन्थ परमेसवर की प्रेरणा तै रच्या गया, अर म्हारे ताहीं सिखाण खात्तर उपयोगी सै, के सच के सै, अर म्हारे ताहीं यो महसूस करण खात्तर के म्हारी जिन्दगी म्ह के गलत सै। यो म्हारी गलतियाँ नै सुधारै, जिब हम गलत होवां सां, अर वोए करणा सिखावै सै जो सही सै।

17 ताके परमेसवर का जन हरेक भले काम करण खात्तर त्यार अर सिध्द बण जावै।

7 उननै मूसिया परदेस कै लोवै पोहचकै, बिथुनिया परदेस म्ह जाणा चाह्या, पर पवित्र आत्मा नै उन ताहीं जाण कोनी दिया।

बरनबास अर शाऊल का भेज्या जाणा

1 अन्ताकिया नगर की कलीसिया म्ह कई नबी अर उपदेशक थे, यानी बरनबास, शमौन जो नीगर (काळा आदमी) कुह्वावै सै, अर शाऊल अर कुरेनी लूकियुस, मनाहेम जिसका पालन-पोषण चौथाई देश के राजा हेरोदेस कै गैल होया था। 2 जिब ये लोग प्रभु की आराधना अर उपवास करण लागरे थे, तो पवित्र आत्मा नै उनतै कह्या, "मेरै खात्तर बरनबास अर शाऊल नै उस काम कै खात्तर न्यारा करो जिसकै खात्तर मन्‍नै उन ताहीं बुलाया सै।" 3 फेर उननै उपवास अर प्रार्थना करकै अर उनपै हाथ धरकै उन ताहीं परमेसवर के काम खात्तर बिदा करया।

31 सारी बात्तां का निचोड़ यो सै के थम चाहे खाओ, चाहे पीओ, चाहे जो किमे करो, सारा किमे परमेसवर की महिमा कै खात्तर करो।

धीरज की बुलाहट

1 इस बजह तै जिब घणखरे माणसां के बिश्वास की गवाही जो उनकी जिन्दगी म्ह सै, म्हारे बारें म्ह बड़े बाद्दळ की तरियां घेरे होए सै, तो आओ, हरेक रोकणआळी चीज अर उलझाण आळे पाप ताहीं दूर करकै, अर राह पै हमनै चालणा सै, धीरज तै चाल्‍ला।

5 गिबोन म्ह यहोवा नै रात म्ह सपने के जरिये सुलैमान तै दर्शन देकै कह्या, "जो कुछ तू चावै के मै तन्‍नै देऊँ, वो माँग।" 6 सुलैमान नै कह्या, "तू अपणे दास मेरे पिता दाऊद पै बड़ी करुणा करदा रह्या, क्यूँके वो अपणे-आपनै तेरै स्याम्ही जाणकै तेरे गैल सच्‍चाई अर धार्मिकता अर मन की सिधाई तै चालदा रह्या; अर तन्‍नै उरै ताहीं उसपै करुणा करी थी के उसतै उसकी गद्दी पै बैठण आळा एक बेट्टा दिया सै, जिसा के आज वर्तमान म्ह सै। 7 अर इब हे मेरे परमेसवर यहोवा! तन्‍नै अपणे दास ताहीं मेरे पिता दाऊद की जगहां पै राजा बणाया सै, पर मै छोट्टा छोरा सा सूं जो भित्तर-बाहर आणा-जाणा न्ही जाणदा। 8 फेर तेरा दास तेरी चुणी होई प्रजा के भोत-से माणसां कै बिचाळै सै, जिनकी गिणती बहुतायत के मारे न्ही हो सकदी। 9 तू अपणे दास नै अपणी प्रजा का न्याय करण कै खात्तर समझण की इसी शक्ति दे, के मै भले-बुरे नै परख सकूँ; क्यूँके कौण इसा सै के तेरी इतणी बड़ी प्रजा का न्याय कर सकै?" 10 इस बात तै प्रभु खुश होया, के सुलैमान नै इसा वरदान मांग्या सै। 11 फेर परमेसवर नै उसतै कह्या, "ज्यांतै के तन्‍नै यो वरदान मांग्या सै, अर ना तो लाम्बी उम्र अर ना धन अर ना अपणे बैरियाँ का नाश मांग्या सै, पर समझण के विवेक का वरदान मांग्या सै ज्यांतै सुण, 12 मै तेरी बिनती कै मुताबिक करुँ सूं, तन्‍नै बुद्धि अर विवेक तै भरया मन देऊँ सूं, उरै ताहीं के तेरै बराबर ना तो तेरे तै पैहल्या कोए कदे होया, अर ना बाद म्ह कोए कदे होवैगा।

9 फेर उसकी घरआळी उसतै कहण लाग्गी, "के तू इब भी अपणी खराई पै बण्या सै? परमेसवर की बुराई कर, अर मर जा।"

10 उसनै उसतै कह्या, "तू एक मूर्ख जनान्‍नी की तरियां बात करै सै, के हम जो परमेसवर के हाथ तै सुख लेवां सां, दुख न्ही लेवां?" इन सारी बात्तां म्ह भी अय्यूब नै अपणे मुँह तै कोए पाप न्ही करया।