Tomar uma decisão
Tomar decisões com sabedoria é um dos maiores desafios da vida. A Bíblia nos ensina a buscar a Deus em oração, na Palavra e no conselho, confiando que Ele dirige os nossos passos.
Buscar a Deus
Se algum de vós tem falta de sabedoria, peça a Deus. Ele dá generosamente e sem repreensão a todos os que pedem.
पन अगर तुसन मरां कोन्ची अक्लरी घटी भोए, त तै परमेशरे करां मग्गे, ज़ै बगैर दोष लेइतां सेब्भन खुशी सेइं देते, त मगने बाले दित्ती गाली।
ते असन परमेशरेरे सामने ई दिलेरी भोतीए, तै ईए; कि अगर अस तैसेरे मेर्ज़ी सेइं किछ मगतम, त तै इश्शी शुनते।
अगर अस अपने पाप मन्तम, त तै इश्शे पाप माफ़ केरने, ते असन सेब्भी अधर्मे करां शुद्ध केरने मां वफादार ते धर्मीए।
तू अपनि समझ़रो सहारो न नेइयां,
बल्के पूरे मने सेइं यहोवा पुड़ भरोसो रेखां।
तैस्से याद केरतां सब कम्मां केरनां,
तैखन तै तेरे लेई सिद्धी बत कढेलो।
तैस्से याद केरतां सब कम्मां केरनां,
तैखन तै तेरे लेई सिद्धी बत कढेलो।
किजोकि यहोवा एन ज़ोते, कि ज़ैन-ज़ैन अवं तुश्शे लेई सोचताईं तैन अवं ज़ानताईं, तैन नुक्सानेरे लेई नईं, बल्के सुखेरू आहे ते आखरी मां तुश्शी उमीद पूरी केरेलो।
Conselho e direção
Onde não há conselho os planos se frustam. Toda Escritura é útil para nos guiar nas decisões da vida.
ज़ैड़ी अक्लरी सलाह नईं, तैड़ी आवाम मुसीबती मां पेतीए;
पन बड़े सलहकारां केरे वजाई सेइं बच़ाव भोते।
चिट्ठी छ़डी गाती त आहे,
पन तैसेरू कढनू यहोवारे तरफां भोते।
ज़ै होरन करां अलग भोइ गाते, तै अपनि इच्छा पूरी केरनेरे लेई एरू केरते,
ते हर किसमेरे रोड़ी अक्ली सेइं बैर केरते।
बेवकूफेरो मन समझ़रे गल्लन मां न लग्गे,
तै सिर्फ अपने मनेरी गल बांदी केरनी चाते।
ज़ैड़ी बुराई एइतीए, तैड़ी बेइज़्ज़ती भी एइती;
ते बेइज़्ज़ती सेइं साथी निन्दा एइतीए।
मैन्हेरे ज़बानरां निस्सने बैली गल्लां डुग्घे पैनेरी ज़ेरि भोतिन;
अक्लरो नाग बगते गड्डरो ज़ेरो भोते।
दुष्टेरे पासे भोनू,
ते धेर्मेरू हक़ मारनू, रोड़ू नईं।
गल बधाने सेइं बेवकूफ मुकदमो खड़ो केरते,
ते अपने आपे मार खानेरे काबल हिराते।
बेवकूफेरो नाश तैसेरी गल्लन सेइं भोते,
ते तैसेरी गल्लां तैसेरे प्राणेरे लेई फंदे भोतिन।
चोगली केरनेबालेरी गल्लां सुवैदली रोट्टरी ज़ेरि लेगतिन;
तैना पेटे मां पेच़ी गैतिन।
ज़ै कम्मे मां आलस केरते,
तै बिगाड़ने बालेरो ढ्ला ठहरते।
यहोवारू नवं मज़बूत क़िलोए;
धर्मी तैस मां नेशतां सब हादसन करां बच़ते।
अमीरेरी दौलत तैसेरी नज़री मां शेक्ति बालू नगरे,
ते तैसेरे खियाल उच्ची शहरपनाहरे ज़ेरे आन।
नाश भोने करां पेइलू मैन्हेरे मने मां घमण्ड,
ते आदर मैल्हने करां पेइले नम्रता भोतीए।
ज़ै गल शुन्ने बगैर जुवाब देते, तै बेवकूफ ठहरते,
ते तै बेइज़्ज़त भोते।
रोगे मां मैन्हु अपनि आत्माई सेइं सम्भलते;
पन ज़ैखन आत्मा हारतीए तैखन इस कौन झ़ेल्ली सकते?
सारू पवित्रशास्त्र परमेशरेरे अगवैई सेइं लिखोरू, ते इन लोकन शिखालनेरे लेई मद्दतगारे, तैन ज़ोनेरे लेई कि ज़ैन तैनेईं कियूं तैन गलते, तैन केरि गेलती सुधारनेरे लेई, ते तैन केरनेरे लेई शिखालनेरे लेई ज़ैन सही आहे।
ताके परमेशरेरो मैन्हु हर किसमेरां रोड़ां कम्मां केरनेरे लेई तियार भोए।
ते तैना मूसिया इलाकेरे नेड़े पुज़तां, बितूनिया इलाके मां गानू चाते थिये, पन यीशुएरे आत्मा गाने न दित्ते।
अन्ताकिया नगरेरे कलीसियाई मां काई नबी ते उपदेशक थिये, मतलब बरनबास, शमौन ज़ैस जो नीगर भी ज़ोतन, लूकियुस कुरेनी, ते मनाहेम ज़ै मुल्खेरे च़ेवरोवं हिस्से पुड़ हाकिम थियो ज़ै हेरोदेसेरो दुद्ध ढ्ला थियो, ते शाऊल थियो। ज़ैखन तैना बरत रेखतां प्रभुएरी आराधना केरने लग्गोरो थिये, त पवित्र आत्मा तैन सेइं ज़ोवं, "ज़ैस सेवारे लेई बरनबास ते शाऊल मीं कुजेवरेन, तैसेरेलेइ तैन अलग केरा।" तैखन तैनेईं बरत रेखतां प्राथना की, ते तैन पुड़ हथ रेखतां तैना परमेशरेरे कम्मेरे लेई भेज़े।
Confiar e seguir
Seja o que for que façais, fazei tudo para a glória de Deus. O sábio ouve a Deus antes de agir.
आखरी मां अवं इन ज़ोताईं, तुस चाए खाथ, चाए पीथ, या चाए ज़ैन किछ केरा परमेशरेरी महिमारे लेई केरा।
एल्हेरेलेइ ज़ैखन गवाहां केरे एत्रो बड्डो घाने असां घेरोरेम, त अस भी सैरी रुकावटां ते तैस पापे दूर केरम ज़ै असन उलझाते, ते तैस दौड़ी ज़ै असेईं दौड़नीए बल्हे सेइं दौड़म।
गिबोन नगरे मां यहोवा तैस्से राती सुपने मां सुलैमाने दर्शन देइतां ज़ोवं, "ज़ैन किछ तू चातस कि अवं तीं देईं, तैन मग।" सुलैमाने जुवाब दित्तो, "तू अपने दास मेरे बाजी दाऊदे पुड़ अपनि बड़ी दया केरतो राव, किजोकि तै अपनो आप तेरे सामने रेखतां तीं सेइं सच़्च़ैई ते धार्मिकताई ते साफ मने सेइं च़लतो राव; ते तीं एड़ी तगर तैस पुड़ दया कियोरी थी कि तैस तैसेरे तखते पुड़ बिशने बालू अक मट्ठू दित्तू, ज़ेन्च़रे अज़ आहे। ते हुनी हे मेरे परमेशर यहोवा! तीं अपनो दास अवं मेरे बाजी दाऊदेरी ठैरी पुड़ राज़ो बनेवरोइं, पन अवं निकड़ू मट्ठू आईं ज़ैस नईं पतो कि केन्च़रे राज़ केरे। फिरी तेरो दास तेरे च़ुनोरे बड़े लोकां केरे दरमियान, ज़ैन केरि गिनती हछ्छे भोनेरे वजाई सेइं न भोइसखे। तू अपने दासे अपने लोकां केरो न्याय केरनेरे लेई समझ़नेरी एरी शक्ति दे, कि अवं भले बुरेरी पिशान केरि सेखी; किजोकि कौन एरहो आहे कि ज़ै तेरे एत्रे लोकां केरो न्याय केरि सके?" एस गल्ली सेइं प्रभु यहोवा खुशी भोव, कि सुलैमाने एरू वरदान मग्गु। तैखन परमेशरे तैस सेइं ज़ोवं, "एल्हेरेलेइ कि तीं एरू वरदान मग्गु, कि न त लम्मी उमर ते न दौलत ते न अपने दुशमनां केरो नाश मगोरोए, पन समझ़नेरे लेई ज़मीरेरू वरदान मगोरूए, एल्हेरेलेइ शुन, अवं तैन्ने केरेलो, ज़ैन तीं मगोरूए, अवं तीं अक्लमन्द ते समझ़ने बालो मन देताईं, इड़ी तगर कि तेरो ज़ेरो न त पेइलो कोई भोव, ते न कोई तेरे बाद भोल्हो।
तैखन अय्यूबेरी कौन्श अय्यूबे जो ज़ोने लगी, "कुन हेजू भी तू परमेशरे पुड़ भरोसो केरने लगोरोस? अपने परमेशरेरी निन्दा केर, ते मेरि गा।"
अय्यूब तैस सेइं ज़ोने लगो, "तू बेवकूफ कौन्शां केरि ज़ेरि गल्लां केरने लगोरिस, कुन अस ज़ैना परमेशरेरे हथ्थे सेइं सुख नेतम, दुख न नेम?" एन सेभी गल्लन मां भी अय्यूबे ज़ोने मां कोई पाप न कियो।