Tomar uma decisão
Tomar decisões com sabedoria é um dos maiores desafios da vida. A Bíblia nos ensina a buscar a Deus em oração, na Palavra e no conselho, confiando que Ele dirige os nossos passos.
Buscar a Deus
Se algum de vós tem falta de sabedoria, peça a Deus. Ele dá generosamente e sem repreensão a todos os que pedem.
Te varekaske tumendar kampel goďi, mi mangel peske le Devlestar a ela leske diňi. Bo ov del ščirones sakones a na čhivkerel pro jakha.
A kada hin amari istota paš o Del, hoj sar mangas vareso pal leskri voľa, ov amen šunel.
Ale te viznavinas amare bini, verno hino the čačipnaskro, hoj amenge te odmukel o bini a te obžužarel amen andral savore nalačhipena.
Pača cale jileha le RAJESKE
a ma muk tut pre tiri goďi.
Pridžan tut ke leste pre savore tire droma
a ov tuke rovňinela avri o chodňiki.
Pridžan tut ke leste pre savore tire droma
a ov tuke rovňinela avri o chodňiki.
Bo me džanav, save plani man hin tumenca," phenel o RAJ, „mire plani tumenca hine lačhe a nane nalačhe. Kamav tumen te del e lačhi buducnosť the e naďej.
Conselho e direção
Onde não há conselho os planos se frustam. Toda Escritura é útil para nos guiar nas decisões da vida.
O narodos perela, te les na ela, ko te ľidžal:
Leskri zachrana hin andro but lačhe vodci.
O manuša roden prekal o losos so te kerel,
ale o RAJ phenel, so pes ačhela.
Kaske džal ča pal peskre veci, pes odďelinel avrendar
a na ačhel ňisava lačha radatar.
Le dilineske na džal pal oda, či achaľol vaj na;
ča kamel te phenel peskro.
O binos the e ladž aven jekhetane,
te našaveha e pačiv, aveha teledikhlo.
O goďaver lav hin sar o moros, andre savo našťi te dodžal dži tele,
del dživipen sar o paňi, so čuľal avri andral o prameňis.
Nane mištes te chudel paš o vinnovato
a le čačipnaskres pro sudos te odčhivel.
O lava le dilineskre les dochuden furt andro vesekedišagi,
mangel peske te chudel mariben.
Oda, so o dilino vakerel, les zňičinel;
leskre lava les zachuden andre pasca.
O lava le pľetkariskre hine gulore
a džan dži tele andre džombra.
O leňivo andre buči
hino phral oleske, so savoro musarel.
Le RAJESKRO nav hin e zoraľi veža;
o čačipnaskro andre denašel a hino garudo.
O barvaľipen hin le barvaleske sar o ohradzimen foros;
hin andre leskri goďi sar o učo muros.
Angloda, sar o manuš perel, hin o baripen andro jilo;
e pokora hin anglal e slava.
Te odphenel varekaske, medik les na šunďal avri,
hin diliňipen a pre ladž.
O manušeskro duchos šaj zľidžal peskro nasvaľiben,
ale ko birinela te zľidžal le dukhade duchos?
Sa, so hin pisimen andre le Devleskro lav, avel andral le Devleskro muj a hino lačho pre oda, hoj le manušes te sikavel, te dovakerel leske andro dživipen, te karhinel les a te bararel les avri andro spravodľišagos,
hoj o manuš le Devleskro te avel pripravimen the vizbrojimen pre dojekh lačhi buči.
Sar avle andre phuv Mizija, kamenas te džal dureder andre Bitinija, ale o Duchos le Ježišoskro lenge na domukľa.
Andre khangeri andre Antiochija sas kala proroka the učiťeľa: o Barnabaš, o Šimon, saves vičinen Kalo, o Lucius andral e Cirenija, o Manahem (savo sas avribarardo paš o guverneris Herodes) the o Saul. Sar služinenas le Rajeske a poscinenas, phenďa lenge o Sveto Duchos: „Odďelinen mange le Barnabaš the le Saul pre odi buči, pre savi len me kidňom avri." Avke poscinenas a modľinenas pes, thode pre lende o vasta a mukle len te džal.
Confiar e seguir
Seja o que for que façais, fazei tudo para a glória de Deus. O sábio ouve a Deus antes de agir.
Savoro, so keren, či chan abo pijen, keren pre slava le Devleskri.
Vašoda te amen hin kajci but švedki, save hine pašal amende sar ajsi bari chmara, čhivas pal peste tele savoro, so amen cirdel tele, a the o binos, so amen phandel andre a ľikeras avri andro denašiben, so hin angle amende.
Ode pes leske rači andro suno sikaďa o RAJ, o Del, a phenďa: „So kames, hoj tut te dav?"
O Šalamun odphenďa: „Tu presikaďal baro lačhipen tire služobňikoske le Davidoske, mire dadeske, bo ov sas verno, čačipnaskro the pačivalo ke tu. Oda baro lačhipen leske presikaďal the akor, sar les diňal čhas, savo adadžives bešel pre leskro tronos. No akana, RAJEJA, Devla miro, tu ačhaďal tire služobňikos kraľiske pal miro dad David, ale me som terno murš a na džanav, sar mištes te ľidžal le manušen. Akana me som kade maškar tire avrikidle manuša, save hine ajci but, hoj pes len na del te zgenel aňi te zrachinel. Mangav tut, de man goďi, sar te ľidžal tire manušen, hoj te sprindžarav, so hin lačho a so nalačho. Bo ko šaj ľidžal kada baro narodos?"
Le RAJESKE sas pre dzeka, so peske o Šalamun mangľa. Phenďa leske: „Mištes kerďal, hoj tuke na mangľal baro dživipen, aňi o barvaľipen, aňi o meriben tire ňeprijaťeľengro, ale mangľal tuke o goďaveripen, hoj mištes te sudzines. Vašoda kerava avke, sar mandar mangľal. Dava tut baro goďaveripen, hoj savoro te rozprindžares; ajso goďaveripen, savo mek šoha ňikas anglal tu na sas aňi na ela.
Leskri romňi leske phenďa: „Mek furt tut ľikeres žužo anglo Del? Koš les a mer!"
Ale o Job lake phenďa: „Vakeres sar varesavi diliňi džuvľi. So, ča o lačho prilaha le Devlestar a o nalačho na?"
Sar pes kada savoro ačhiľa, o Job na kerďa binos peskre vuštenca.