5 Intte giddofe oonaska erateththi pacciko oonakka leqqontta ba kiyateththaara ubbaas immiza Xoossaa woosso; izaadeska imettana.

14 Nu Xoossa sinth shiiqanaas nuus diza xalateththi hayssa; nu ay miishshika iza shene mala woossiko izi nu woosaa siyana.

9 Nuni nu nagaraa paaxikko izi nu nagaraa atto gaanaassinne nu qohoppe nuna wursi geeshshanaas izi ammanettidaadenne xillo.

5 Neni polo wozinan

GODAAN ammanetta;

neni ne akeekan zemppofa.

6 Neni biza oge ubbaan

iza sinththasa;

izikka ne biza oge suurisana.

6 Neni biza oge ubbaan

iza sinththasa;

izikka ne biza oge suurisana.

11 Ta inttes halchchida halchcho erays; he halchchozas poloy lo7onne hidota immizaaza, inttena go7izaaza attiin qohizaaz gidenna.

14 Kaaleththo pacen

kawoteththi kundees;

daro zoranchchati de7ikko

saroy dees.

33 Asi saama yeggees;

gido attiin wurseththa polo

immizay GODAA.

1 Laggeteth koyontta asi

ba amo kaallees;

suure pirdaka ubbaa palqqees.

2 Eeyay ba qofa

qonccisanaaro xalla dosees;

gido attiin hara asappe

era ekkanaas dosenna.

3 Iitateththi kadhe kaaleththees;

yeellateththi yishin

kawushshateththi yees.

4 Asa doonappe ke7iza haasayay

ciimma haaththa mala;

aadho erateththa pulttoyka

xongettiza piissa haaththaa mala.

5 Iita as maaddidi,

xilloza pirda geellasizayssi

lo7o gidenna.

6 Eeya asa doonay iza bolla

oosh denththees;

iza doonappe ke7iza qaalay

iza bolla durqqa xeygees.

7 Eeya asa haasayay iza dhayssees;

iza metershati izas

woximade gideettes.

8 Zigiranchcha qaalay mal7o quma mala;

asas duge marace gakkees.

9 Azalla asi dhayssiza asas isha.

10 GODAA sunththi mino gimbe mala;

xillo asi hee woxxidi

iitappe attees.

11 Dureta dureteththi

isttas yuushoy

gimbettida katama mala;

istti bantta dureteththa

ke7ettontta

adussa gimbe mala qoodettees.

12 Asi kundanaappe kase

iza wozinay otorettees;

ashketeththi bonchchofe

sinththatees.

13 Lo7eththi siyontta dishe zaaroy,

izaades eeyateththinne

yeella gidees.

14 Asa ayanay

harge dandayana mala maaddees;

gido attiin ayanay

meqerettichchiko

iza ooni dandayanee?

16 Geeshsha Maxaafati wurikka Xoossa Ayanay kaaleththiin xaafettidayta; isttika as tamaarsanaas, hanqanaas, suurisanaas qasseka xilloteththa ogen kaaleththanaas go7eettes.

17 Hessika Xoossa asi lo7o ooso ubbaas bessizaade gidana malassa.

7 Istti Miisiya geetettizaso gakkana matishe Bitiniya geetettizaso gelana qoppiin Yesusa Ayanay istta diggides.

1 Anxokiyan diza Woosa Keeththan nabetinne astamaareti deettes; heytikka Barnabaasinne Negere geetettiza Simoonara, Qareena dere as Luqiyoosara, Herdoosara issife diccida Minaheranne Sa7oolera wuri issife deettes.* 2 Heyti wuri Godaas goynnishenne xoomishe dishin Xillo Ayanay, «Barnabaasanne Sa7oole ta istta xeygida oosos taas shaakki kessite» gides. 3 Isttika xoomi woossidi ba kushe istta bolla woththidaappe guye moyzida.

31 Histtiko intte ay miikkoka, ay uyikkoka woykko aykko ooththiko wursika Xoossa bonchchos ooththite.

1 Hessa gishshas shaara mala nuna yuuyi aadhdhida daro markkati nuus dishin nuna deexxiza toohonne qasse nuna qachchi oykkiza nagara wursi nuuppe wora yeggidi nu sinththan diza woththaa genccaninne dandayan ane woxxoos.

5 GODAY Solomoones Geba7oonen omars agumon qonccides; Xoossi izas, «Ta nees immana mala ne koyza ay miishshika tana oychcha» gides.

6 Solomooney izas, «Ta aawa Dawiti ne sinththan xilloteththan, tumateththaninne suureteththa wozinan simerettida gishshas ne aylleza gita kiyateth bessadasa; neni he gita kiyateththaa aggontta hach iza kawoteththa araatan uttiza attuma naa izas immadasa.

7 «Abeet GODAWU, ta Xoossawu! Neni tana ne aylleza, ta aawa Dawite sohon kawosadasa; gido attiin tani buro yelaga gidida gishshas asaa wostta ayssanaakko ta erikke. 8 Tani ne aylley neni doorida asaa giddoninne qooday baynda keehi daro asaa giddon de7ays. 9 Hessa gishshas tani ne asaa ayssanaas lo7onne iita shaakkada erana mala taas ne ayllezas akeekiza wozina imma; histtontta aggiko ha gita dereza ooni kaaleththana dandayzee?» gides.

10 Solomooney hessa oychchida gishshas GODAY ufayettides. 11 Qasseka Xoossay iza, «Neni nees layththi aduqqana mala woykko durettana mala, woykko ne morkketi hayqqana mala gidontta deraa wogara ayssanaas aadho erateth oychchida gishshas, 12 hessa ne oychchidayssa ta nees immana; neeppe kase oonaska imettonttanne neeppe guye oonikka demmontta aadho erateththaninne akeekay kumida wozina ta nees immana.

9 Iyoobes machcheya, «Ha7ikka Xoossa bolla diza ne ammanozi mino dizee? Xoossa cayada hayqqa!» gadus.

10 Iyoobikka, «Waanada eeya maccassa haasaya haasayay? Xoossi lo7o miish immiza wode ufayssan ekkoos; ha7i gidikko iita izi nu bolla ehishin iza bolla zuuzumanaas bessizee?» gides. Iyoobi ha ubbaa metoynne waayey iza bolla gakkinkka izi Xoossa bolla iita miish haasaydi nagara ooththibeenna.