5 Mada’a, na’o 'age matengo taninga sigolona 'ai 'akala soro’unu enanga 'i kuranga mangale ma duhu sa’olo unanga 'o 'ahu na’o 'o sanga dola’aku re bo-baja, unanga gena-ge balasu 'o golo’o ra Ma Jou’ongu Madutu. Ḏua Ma Jou’ongu Madutu ḏuanga i’a 'o pula’a 'akala soro’unu ra guna ḇato Rai 'akala re sinyingara sa-sanangi kama kuḏubungu ua.

14 Re ngene wo talaḏi Ma Jou’ongu Madutu kananga mojongo ua, sababu ngene wo ngaku mode-mode’e Unanga ra dawongo ngene nanga go-golo’o na’o ngene wo manyiata mete’e Unanga 'ai mau.

9 Mada’a siḏibo ḏi’i, na’o ngene wo mangaku nanga ḏosa-ḏosa ra Ma Jou’ongu Madutu, Unanga 'o 'adili madutu re 'a sitotomo 'Ai jaji: Unanga 'a singi-ngiranga nanga ḏosa-ḏosa re na si’ofi ngene nanga sala mo-moini.

5 Ngana balasu no ngaku ti-tiai Ma JOU re awa no masidiriwa tani wo-waro masiretene lai ngido. 6 No 'elingi Ma JOU, wakutu no 'a’a 'oru ḇato, la Unanga ḏuanga i’a 'O sinyanyasele 'ani 'ahu.

6 No 'elingi Ma JOU, wakutu no 'a’a 'oru ḇato, la Unanga ḏuanga i’a 'O sinyanyasele 'ani 'ahu.

14 Na’o bangsa rimoi kama bi-biri’i ua, ḏua 'i wejere,

mada’a na’o ngowa’a ga’a pula’a duga re domolo repe, ḏua 'i salamata .

33 Loterei ya upa’a di’a disa waro 'ahu ma ḏo-ḏagi,

mada’a pa’i Ma JOU ḇato ga’a 'O sitantukanga ma sa-sangoro.

1 Ngowa-ngowa’a ga’a pa’i mafikiri 'ai diri masiretene,

'aḏi nyanyaḏi 'ahu ma wola i’a,

re 'aḏi rubutu ngowa’a ga’a manga di-dibanga.

2 Ngowa’a ga’a 'aḏi emono wo-waro, ananga 'aḏi nyafusu ua wo-waro lai ngido

mada’a 'aḏi nyafusu pa’i 'aḏi sijarita manga 'akala ma sanga.

3 Na’o ngowa’a 'aḏi 'a’a kajahatana, ngowa’a ya’u sipa-pake ua,

re na’o ngowa’a 'aḏi 'a’a 'ori i’a ga’a sipula’a mara’a, ngowa’a ḏuanga i’a ya’u sije-jengere.

4 Ngowa’a manga demo ma tero sa’olo ḇanyo ga’a lai ngido,✝

'akala soro’unu ma cimi ma tero sa’olo ḇanyo 'uisi kama togumu ua.

5 Rousu ua na’o ngini ni pa’ala kaci moi toma ngowa’a kajahatana,

re ni dawongo ua ngowa’a loasa re banari.

6 Ngowa’a ga’a 'aḏi emono wo-waro, ananga gena-ge manga demo-demo 'i sibaolo ma’u tolabe,

re ananga manga madanga 'i aworo ngowa’a ya’u ca’olo.

7 Ngowa’a ga’a 'aḏi emono wo-waro, ananga gena-ge 'aḏi sijira manga diri sababu manga madanga masiretene,

manga demo-demo gena-ge ma tero sa’olo jojoḏi di’a ananga masiretene.

8 Ngowa’a tukanga fitana, ananga manga demo ma tero sa’olo ngo-ngoromo ga’a lai sa’i,

ga’a ngowa’a 'aḏi nyafusu ya nyamolo.✝

9 Ngowa’a ga’a pamalasa toma munara,

ananga raḏi dadi ioronongoḏu toma ngowa’a tukanga sijira.

10 Ma JOU 'ai lomanga ma tero sa’olo manara ga’a lai te’e,

ngowa’a loasa re banari 'aḏi wiḏi toma ngi’i gena-ge, la 'aḏi sanga salamata.

11 Limau ga’a te’e di’a ngowa’a rema-enanga, enanga gena-ge manga harata,

re 'aḏi magoro ino harata gena-ge ma tero gegelo dounu ga’a lai gau’u.

12 Ngowa’a ga’a momole, ananga ḏuanga i’a 'aḏi eta’a,

mada’a ngowa-ngowa’a maholo, ananga ḏuanga i’a ngowa’a ya’u silamo’o.

13 Na’o ngini ni sangoro siḏa, mada’a ni 'isene mo-moini nyangu,

gena-ge haga re ni sipula’a mara’a.

14 Ngowa’a manga 'akala re sinyingara, enanga nga’unu 'i tahana susa re sangisara,

mada’a matengo i’a mai ua nga’unu 'o si-la 'akala re sinyingara ga’a 'i rapo’o.

16 Mo-moini gena-ge 'i silefo ḏua toma Boku 'Ofi-'Ofi ma dara, enanga gena-ge ra Ma Jou’ongu Madutu ino. Boku 'Ofi-'Ofi gena-ge rema faeda di’a ngowa’a ga’a doto’o do-doto’o banari, di’a ḇangata re sidiai 'ori i’a ma rapu, re sidoto’o ngowa’a, la 'aḏi 'ahu mete’e Ma Jou’ongu Madutu 'ai 'akala ma mau ḇato.

17 Dadi ngowa’a ga’a de-de’oso Ma Jou’ongu Madutu, ananga nga’unu 'aḏi siḏagi tamanga munara 'oru ḇato 'i ti-tiai.

7 Wakutu 'aḏi ngadolo toma daeraha Misia ma bati, ananga tai’i 'aḏi osama toma daeraha Bitinia, mada’a Ma Ngagara 'Ofi-'Ofi ra Yesus ya’u simaha ua ananga 'aḏi si’a.

1 Toma 'orasa gena-ge toma Jama’ata Antiokhia ma sigolona, 'age rema nabi-nabi re guru-guru: 'a Barnabas, 'a Simeon ga’a si’aro’o Niger* 'a Lukius da’a limau Kirene ino, 'a Menahem -- 'Olana Herodes 'ai nongoḏu 'angoto -- re 'a Saulus. 2 Wakutu ananga 'aḏi silamo’o re siḏubuso Ma Jou’ongu Madutu re 'aḏi puasa, Ma Ngagara 'Ofi-'Ofi ya’u sigaraki manga 'akala re sinyingara, "Cumutu re siwola i’a 'a Barnabas re 'a Saulus di’a Ngoi, la ananga 'aḏi 'a’a munara ma’u mete’e sa’olo Ngoi ta sifato pasala ḏua."

3 Pasala i’a, ananga 'aḏi puasa re 'aḏi manyiata, ya siteru manga giama ra Barnabas re 'a Saulus tamanga sae’e ma re’u re ya’u 'utusu.

31 Dadi, 'oru ḇato ngini ni 'a’a - ni oromo bolo ni ka’e - ni si’a’a mo-moini, la ngowa’a 'aḏi silamo’o Ma Jou’ongu Madutu 'ai lomanga.

1 Sababu gena-ge, ngene nena-ne nyengara wo kanau mangale sakisi ma siḏa gena-ge ma repe, ma tero sa’olo kakamo ga’a 'i sigoloḏi ngene. Dadi ngene balasu wo dadi ma tero sa’olo ngowa’a lalara ga’a upa’a 'ori i’a ga’a 'i siḏubuso bolo 'i raiti ra unanga. So’o gena ḏi’i, ngene balasu wo upa’a 'ori i’a ga’a 'i siḏubuso re ḏosa ga’a 'i masiraiti i’a ra ngene. Re ino ngene wo lalara re wo matahana sangisara reo tahana tau-taunu, la nga’unu wa siḏuanga talaḏi tandingi toma biono i’a.