5 Gama lumoun anhein megei lubéi aban hídangiñe lichú aau, amuriahalá luma Bungiu, ábame líchuguni lun, ladüga mánginti ani ruti lau areini houn súngubei.

14 Hemenigitiwa luagu Bungiu, lugundun subudi wamuti luagu ánhawa lan amuriaha furumiñeguarügü katei keisi lugundan, laganbubadiwa lan.

9 gama lumoun anhein wagufesera wafigoun, gayaraabei wemenigidun luagu Bungiu luagu ladügübei lan le richaguabei—feruduna lubéi wafigoun, harumagüda láwame lídangiñe sun wuribani.

5 Afiñebá luagu Bungiu tau sun banigi,

mamalá luagu lualin bichügü.

6 Haritaguabá luagu Bungiu lidan sun le badügübei,

ábame lanügünibu luéigiñe üma le surubei.

6 Haritaguabá luagu Bungiu lidan sun le badügübei,

ábame lanügünibu luéigiñe üma le surubei.

11 Subudi numuti naransehan hubá, aransehani lun buiti mama lun wuribati hun, lun gayaraabei lan níchuguni dan le lunbei liabin buin lau emenigini hun. Au, le Aburemei ariñagubalin.

14 Anhein ua agumadihani buiti, lagünrinchaguba fulasu;

háhaburuguñein saragu eweridihatiña agañeiruni.

33 Gürigia achüürübei ubunuruni,

gama lumoun Bungiu laubei lagumuhóun dimurei.

1 Gürigia ha aritagubaña hawouguounrügü,

luágurügüñein katei le buídubei houn haritagua,

máhatiña giñe haganbun eweridihani buiti.

2 Ha ibidiouguabaña aau, mayumahantiña furendei

hetenirun lúnrügü hapantahan lau le hasubudirubei.

3 Luma wuribani liabin busiganu;

luma anaaguni unguaü liabin minebesei.

4 Ítara liña lererun gürigia kei duna huliliti,

duna éibaaguati kei fusu lánina lichú aau.

5 Mabuidunti lun fulesei hamaniña aguseragüdütiña ha gadurunbaña,

gidá hameime haricha ha madurunbaña.

6 Dáguatiña ibidiougua tau houngua lidoun wuribu lau hererun;

lau hererun áluahatiña abeichúni houngua.

7 Hererun guánarügü ibidiougua tau agadeirubaliña;

lau hererun güratiña gúrudu hagiina guánarügü.

8 Ítara liña marasualugu kei libimen-agei éigini,

gama lumoun chülüti lidoun lilulin agei.

9 Ha magúalibaña hama ha gagünrinchaguadibaña

ñǘbuintiña lun gamulenugua hamá!

10 Aban wáyelesi héreti liri Bungiu,

ñǘdüntiña ha richaguabaña aramudagua lidan.

11 Ha rísibaña, haritaguatiña luagu ítara liña lan harisin

kei aban uburugu le íñuti lubarieirun.

12 Lárigi anaaguni unguaü liabin féridi;

lárigi ǘnabuguni liabin awanseruni.

13 Libidiounigan aau ani nibusigarídünati giñe

hóunabun gürigia lubaragiñe haganbun.

14 Ha sándibaña saragüda hamuti haguraasun;

ánhañati ha maguraasunbaña, kaba ásaaragüdaña?

16 Sun le bürüwañubei tidan Lererun Bungiu, Bungiu guánarügü íchugubalin haritagunrugun wügüriña lun habürüdüni, ani huutu lun tarufudahan, lun tadeinhan, adügatu lun hígiruni gürigia katei le mabuidunbei ani arufudahatu houn gürigia lidan richaguaü.

17 Lun aranseñu hamá lubúeingu Bungiu lun hadügün sun luwuyeri wadagimanu buiti.

7 aba hachülürün luagu fadaguaü le Misia. Ñéingiñe yebe haritagua lun hebelurun lóubawagun Bitinia, gama lumoun máhati lani Hesusu Sífiri lememe Sífiri Sandu.

1 Ñéinñanu profetagu hama máisturugu tidan ligilisi to Antiokíaboun. Wügüriña hagía: Berünawé, Simón, le unbei hariñaga Wuriti, Lusiu le Sirenena, Manaén le agüriarúbei úara luma Erodesi le gumadimati Galiléa, luma Saulu. 2 Luagu aban weyu dan le háhuduragun lun Bungiu, ayunara hagía, aba lariñagun Sífiri Sandu houn:

—Direi huméi Berünawé luma Saulu nun lun wadagimanu le unbei nanúadiraña.

3 Lárigiñeti hafurieidun luma hayunarun, aba híchuguni háhabu hawagu Berünawé luma Saulu, aba hóunahaniña luagu hawadigimari.

31 Anhaün lubeiti eiga o ata o hadügün furumiñeguarügü katei, adüga huméi súngubei lun híchugun uéiriguni lun Bungiu.

1 Ligía lubeiti kei añaha lubéi saragu gürigia ha arufuda hamaalibei hafiñen geyegu wau, gidá waméi sun le eredehabaliwa wawariua, luma figóu le agüragubaliwa, adüga waméi éibaaguni le wabaabei lau erei,

5 Luagu aban áriebu, aba larufudagun Aburemei lungua lun Salomón larumugunrugu, aba lariñagun lun:

—Amuriahabei le babusenrun numa, níchugubei bun.

6 Lóunabeiti Salomón:

—Óusera bumuti buga Dawidi le núguchi lau saragu areini, Dawidi le bubuein, lugundun éibugati lábugiñe úaraguni buma tau sun lanigi. Ligía lébubei bóuseruni lau saragu areini, ru buguya aban isaani lun, lun lañuuruba lan luagu lálana narúeihan, kei lasuseredun uguñe weyu. 7 Buguya, Nabureme le Nubungiute, ru baadina lun narúeihan leweñegua núguchi Dawidi lau sun nibureingidina lan. 8 Gama lumoun anaha arúeiha houn gürigia ha banúadirubaña: Gíbetiña, le lueirin hibe, darí lun siñá lan habahüdǘniwa. 9 Ruba lubeiti aban anigi gaganbaditu nun lun gayara lan nabuguruniña bumutuniña, luma lun nasubudiruni le buídubei lumoun le wuribabei; lugundun kaba gayara labuguruniña bánigu ha ha ítarabaña iibe?

10 Gúndaati Aburemei lau le lamuriahabei Salomón, 11 aba lariñagun lun:

—Ladüga anihán lan bamuriahabei numa, mamuriahantibu ibagari migifeti, ni irisini, ni lun hóunwegun báganiñu, bamuriaha lichú aau lun baganbun luma lun bagumadihan, 12 nadügaali le bamuriahabei bun: Níchiga lichú aau bun libe le úagili luma ni aban bubaragiñe, ani úabei giñe luma ni aban bárigiñe.

9 Tariñagati lúmari lun:

—Ítarameme buba san lau bubuidun? Íñaraguabei Bungiu, hilá báamuga!

10 Lariñaga Hobu tun:

—Madimurehabá libidiounigan bau! Anhein anha wabéi lun buiti le lóunahabei Bungiu woun, kábagia uagu wamahara lun le wuribabei?

Ítara liña lubeiti, lau sun le susereelibei, mafigounhanti Hobu ni íbini lau dimurei.