5 «ታኒ ዎይኔ ሚስ ኣኖ፤ ኢንቴ ቃሴ ሃጋታ፤ ዳሮ ኣይፌ ኣይፊዛዴይ ታናን ዲዛዴኔ ታኒካ ኢዛን ዲዛዴ፤ ጋሶይካ ታ ባይንዳ ኢንቴ ኣይኮካ ኦናስ ዳንዳዬኬታ።

1 ኣቤት ጎዳዉ!

ታ ባቃታ ኣቲዛሶይ ኔና፤

ኔ ኪኦን ታና ቆታ።

8 ታኒ ኡባቶ ጎዳ ሲንሳይስ፤

ኢዚ ታ ኡሻቻን ዲዛ ጊሻስ

ታኒ ኮኮሪኬ።

1 ጎዳይ ኬ ኬጾንታ

ኣጊኮ ኬጺዛይቲ

ጮ ሜላ ዳቡሬቴስ፤

ጎዳይ ካታማ ናጎንታ ኣጊኮ

ናጊዛይቲ ጮ ሜላ ዳፌቴቴስ።

3 ኢስቲ ባንታ ማሻን ኦሊዲ

ሄ ቢታ ኦይኪቤቴና፤

ኢስቲ ጾኒዳይ

ባ ቄሴ ሚኖቴን ጊዴና።

ጊዶ ኣቲን ኔኒ

ኢስታን ኡፋዬቲዳ ጊሻስ

ኔ ኡሻቻ ኩሼይ፥

ኔ ቄሴይኔ

ኔ ሲን ፖኦ ዎልቃይ

ሄሳ ኦዴስ።

14 ኢንቴ ጊሻስ ጎዳይ ኦሌታና፤ ኢንቴፌ ኮዬቲዛይ ጮኡ ጉስ ጻላላ» ጊዴስ።

5 ኔኒ ፖሎ ዎዚናን

ጎዳን ኣማኔታ፤

ኔኒ ኔ ኣኬካን ዜምፖፋ።

6 ኔኒ ቢዛ ኦጌ ኡባን

ኢዛ ሲንሳ፤

ኢዚካ ኔ ቢዛ ኦጌ ሱሪሳና።

9 ኣሲ ባ ዎዚናን

ባ ኦና ሚሽ ሃልቼስ፤

ሃልቾዚ ጎዳይ ጊኮ

ፖሌቴስ።

21 ኣሳ ዎዚናን ዳሮ ሃልቾይ ዴስ፤

ጊዶ ኣቲን

ጎዳ ቆፋይ ፖሌቴስ።

22 ጎዳ ኣንጆይ ዱሬ ኬሴስ፤

ኢዚ ሄ ዱሬቴን

ሜቶ ጉጄና።

26 ታ ዎልቃይኔ ታ ዎዚናይ

ዳቡራናስ ዳንዳዬስ፤

ጊዶ ኣቲን ጾሲ

ታ ዎዚናስ ሚኖቴኔ

ታስ ሜርና ቃዳ።

19 ኣቤት ኡባፌ

ዎልቃማ ጾሳዉ!

ኑና ዛራ፤

ኑኒ ኣታና ማላ

ኔ ኣይፌሶ ኑስ ፖኢሳ።

1 ታኒ፥ «ማዶይ ታስ

ኣዋፔ ያንዴሻ?» ጋዳ

ታ ኣይፌታ

ፑዴ ዙማታኮ ዴንዲስ።

2 ታስ ማዶይ ሳሎኔ

ሳኣ ሜዳ

ጎዳፔ ዬስ።

3 ኢዚ ኔ ቶሆ ሃሊጺሴና፤

ኔና ናጊዛይሲ

ስኬና።

18 ኣቤት ጎዳዉ!

ታኒ፥ «ኩንዳና ሃናይስ» ጊሺን

ኔ ሜርና ሲቆይ ታና ካፊዴስ።

5 ታኒ ኡንኤቲዳ ዎዴ

ጎዳኮ ዋሳዲስ፤

ሂስቲን ኢዚ ታ ዋሶዛ ኣሊዲ

ታና ኡንኦፌ ኬሲዴስ።

1 ጎዳይ ታ ሄንንቻ፤

ታስ ኣይኮይካ ፓጬና።

2 ታና ኣጫ ቆሮን ሼምፒሴስ፤

ጺሎ ሃ ዲዛሶ

ታና ካሌስ።✝

11 ታኒ ሄሳ ጊዛይ ታና ሜቲዳ ጊሻስ ጊዴና፤ ጋሶይካ ታ ኣይ ሃንኮካ፥ «ዲዛይሲ ታስ ጊዳና» ጉስ ታማራዲስ።

13 ጋሶይካ ታኒ ጎዳ ኔ ጾሳይ፥

ታ ኔና ማዳና፤ ያዮፋ

ታ ኔ ኡሻቻ

ኩሼዛ ኦይካና።

29 ሚኖቴ ባይንዳዴስ

ሚኖቴ ኢሜስ፤

ዳቡርዳይሳስ ዎልቃ ጉጄስ።

16 ኢንቴ ኢንቴ ጋርሳን ዶሴቴን ዲቴ፤ ማንቆታራ ኢሲፌቴን ዳናስ ኮዪቴ ኣቲን ኦቶሬቶፍቴኔ ጬቄቶፍቴ።✝

4 ኑፔ ኢሲ ኢሲ ኣሳስ ኢሲ ኣሳቴ ቦላ ዳሮ ቢሊቴቲ ዲዛ ማላ ሄይቲካ ሄ ቢሊቴቲ ኢሲ ማላ ኦሶ ኦንታይሳ፥ 5 ሄሳካ ኑኒ ዳሮታ ጊዲ ኡቲዲ ኪርስቶሳን ኢሲ ኣሾ፤ ኑኒ ኢሶይ ኢሳስ ኣሾ።

8 ኣሾ ሼኔ ማላ ዲዛ ኣሳቲካ ጾስ ኡፋይሳናስ ዳንዳዬቴና።

34 ሄሳ ጊሻስ ዎንቶስ ኬሂ ቆፖፍቴ፤ ዎንቶ ሜቶይ ዎንቶስ ኣቆ፤ ኢሲ ኢሲ ጋላሳይ ባስ ባስ ጊዲዛ ሜቶራ ዴስ።

14 ዳዊቲ፥ «ኡባይ ኔፔ ቤቲዴስ፤ ኑ ኔስ ዛሪ ኢሚዳይ ኔ ኩሼፔ ኤኪዳይሳ፤ ሂስቲን ኑኒ ሃይሳ ማላ ኢሞታ ኢማናስ ታኒኔ ታ ኣሳይ ኦኔ?