Dependência
A dependência de Deus é o caminho da verdadeira liberdade. Sem Cristo, nada podemos fazer. Mas em Deus encontramos sustento, direção e força para todo desafio.
Sem Ele nada podemos
Sem mim nada podeis fazer. O cristão que se desconecta da videira seca — mas o que permanece dá muito fruto.
«Au ídibubei, huguya limu. Ha badüleñutiña nuagu, badüleñu au hawagu, haginduba gibe; ladüga siñati hadügün ni kata anhein díreiñu hiña lubéi nuéi.
Góunigibana Bungiu,
ladüga bóubawagu náluaha naramudagun!
Súnwandan anihein lan Nabureme nigibugiñe,
lau Bungiu luéigiñe nóunwenren,
úabei éiguadagüdütina.
Anhoun mábunagun lan Aburemei muna,
málati hawadigimaridun ábunagutiña.
Anhein móunigirun lan Aburemei uburugu,
málati hóunigiruni óunigirutiña.
Mama harüna tuma hefeinte agañeiragüdübaliña;
mama hagía agañeirubalin múa.
Lagañeirun bubafu luma bere!
Lagañeirun larugoungadüna biñuarü,
ladüga buga hínsiñe bun!
Madiheri humá, lageindaguba Bungiu huéigiñe.
Depender do Senhor
Confia no Senhor de todo o coração e não te estribes no teu próprio entendimento. Em todos os caminhos o reconhece.
Afiñebá luagu Bungiu tau sun banigi,
mamalá luagu lualin bichügü.
Haritaguabá luagu Bungiu lidan sun le badügübei,
ábame lanügünibu luéigiñe üma le surubei.
Gürigia lúnbaña haransehan,
Bungiu lun ladundehani héibugun.
Adügati gürigia saragu burí aransehani;
gama lumoun laransehanrügüñein Bungiu agunfulira.
Irisini labiniragülebei Bungiu,
ani manügünti igarigu lúmagua.
Lagumuchaguba sun núgubu
gama lumoun Bungiu, ligía nalagantebei le magumuchaditi
ligía ágüdahabarun nanigi.
Aburemei, Bungiu Suntigabafu,
adügabá lun wayabin lun ítara wamá kei wabéi meha!
Arufudabéi bínsiñehabu woun, ábame wesefurun!
Dan le burí nerederagun aríaguei áraabu,
aba nálügüdagun nungua, nariñaga:
«Halíagiñeba san liabin níderawagun?»?
Lúmagiñeba Nabureme liabin níderawagun,
Aburemei le adügübalin sielu luma múa.
Mígirun lubadibu lun baguyedagun!
Marumugun ligíame le óunigirubalibu!
Lidan yebe nariñagun: «Liriraaguatia nugudi»,
aba biabin Nabureme lau bínsiñehabu, íderaguana.
Wátina lun Aburemei lidan nidiheri,
aganba lumutina aba lesefurunina.
Nabureme óunigirubalina,
kei lóunigiruniña amainiruti mudún mudún,
ligía ua lubéi nemegeirun.
Emeraaguagüda lumutina lidan sagadi le hilumati,
barǘ lumutina larun burí duna le darangilati,
Contentamento e confiança
Aprendi a viver contente em toda situação. A dependência de Deus nos livra da ansiedade e nos firma na paz.
Mabusenruntina hamuga haritagun luagu mégeiñadina lan, lugundun furendeihadina lun gúndaañu nan lau le númati;
Lugundun au le Bubungiute, ragǘ naali búhabu;
ani ariñagaadina bun: "Manufudedabá, íderagua numutibu" ».
Ruti erei lun le buchaalibei uagu,
ru ligía lanwoun lere le uánimabei.
Abagarida humá lidan ubuiduni húmawagua. Manaagua humá hungua; gamadagua humá hama ha gudemebaña. Maritagua humá huougua keisi chu tau.
Lugundun ítara kei gibe lan umegeguni luagu ábanrügü úgubu, ani mama ábanmeme lifisiute sun umegeguni ligía, ítara waña giñe, lau sun gibe wamá, ábanrügüñadiwa úgubu lidan aban luma Kristu, ani sun wagía, ámuñegueinarügü lumegegu ábanmeme úgubu.
Ligía, ha lubéi abagaridubaña según igaburi lánina figóu le hádanbei, siñati hadügüni lugundan Bungiu.
Madiherida humá lubeiti luagu haruga, ladüga barǘ lumuti giñe haruga lidiheridüna lúmagua. Buídurügüti lénrengunga le lanügübei kada weyu lúmagua.
lugundun, kátañadinagia ani kátañanu numutuniña lun wíchuguba lan katei gíbeti bun? Lidan linarün katei, búmagiñe liabin sun katei, le wibihibei búmagiñe ligía wíchugubei bun.