36 Pagkahuman ug sulti ni Pablo, miluhod siya uban nilang tanan ug nag-ampo. 37 Nanghilak silang tanan, ug gigakos ug gihalokan nila si Pablo. 38 Naguol gayod sila tungod kay miingon si Pablo nga dili na sila magkita pag-usab. Unya gihatod nila si Pablo ngadto sa barko.

1 Human sa kasamok, gipatawag ni Pablo ang mga tinun-an. Gidasig niya sila, ug dayon nanamilit siya nga moadto sa Macedonia.

33 Human sa pipila ka adlawng pagpabilin nila didto, mibalik sila sa Jerusalem, sa mga nagpadala kanila. Sa wala pa sila makalakaw giampoan una sila sa mga magtutuo nga mahimong maayo ang ilang paglakaw. [

17 Karon mga igsoon, kon bahin kanamo, gibati na kamig kamingaw kaninyo, bisan bag-o pa lang kaming nakaanha diha. Wala gayod kami malimot kaninyo, gani dako gayod ang among handom ug tinguha sa pagpakigkita kaninyo.

8 Makapamatuod ang Dios nga hilabihan ang akong kamingaw kaninyo; kay gihigugma ko gayod kamo sama sa paghigugma ni Cristo Jesus.

41 Sa dihang nakalakaw na ang bata, migawas si David sa bato nga iyang gitagoan, ug miluhod siya sa atubangan ni Jonatan ug miyukbo sa makatulo agig pagtahod kaniya. Unya naggaksanay* sila ug nanghilak. Labihan gayod ang paghilak ni David.

42 Unya miingon si Jonatan kang David, "Sige, maayo nga paglakaw. Ug hinaut nga tabangan kita sa Ginoo nga dili mapakyas sa atong gipanumpaan kaniya ingon nga managhigala hangtod sa atong mga kaliwat." Unya milakaw si David, ug si Jonatan mibalik sa lungsod.

41 Sa dihang nakalakaw na ang bata, migawas si David sa bato nga iyang gitagoan, ug miluhod siya sa atubangan ni Jonatan ug miyukbo sa makatulo agig pagtahod kaniya. Unya naggaksanay* sila ug nanghilak. Labihan gayod ang paghilak ni David.

8 miingon si Noemi sa iyang duha ka umagad, "Balik na lang kamo sa inyong inahan. Hinaut pa nga pakitaan kamo ug kaayo sa Ginoo, maingon nga gipakita ninyo ang inyong kaayo nganhi kanako ug sa nangamatay ninyong mga bana. 9 Ug hinaut nga itugot sa Ginoo nga maminyo kamo pag-usab aron mapahimutang kamo sa inyong bag-ong panimalay."

Unya gihagkan sila ni Noemi. Nanghilak silag kusog 10 ug miingon kang Noemi, "Mouban kami kanimo sa pagbalik mo ngadto sa imong mga katagilungsod."

11,12 Apan miingon si Noemi, "Pauli kamo sa inyo, mga anak. Nganong mouban pa man kamo kanako? Naghuna-huna ba kamo nga maminyo pa ako pag-usab ug manganak ug mga lalaki nga mahimo ninyong banahon? Dili na kana mahitabo pa kay tigulang na ako. Apan ibutang ta kon makapamana ako karong gabhiona ug unya manganak pa, 13 hulaton ba ninyo silang mangdagko? Dili lang ba una kamo magminyo tungod kanila? Dili kana mahimo, mga anak. Sa pagkatinuod, mas pait ang akong kinabuhi kay kaninyo, kay gipaantos ako sa Ginoo."

14 Misamot na hinuon silag hilak ug kusog. Unya mihalok si Orpah sa iyang ugangan ug mipauli,* apan si Ruth nagpabilin uban kang Noemi.

14 Misamot na hinuon silag hilak ug kusog. Unya mihalok si Orpah sa iyang ugangan ug mipauli,* apan si Ruth nagpabilin uban kang Noemi.

27 Unya, gipabalik ni Moises ang iyang ugangan ngadto sa iyang kaugalingong nasod.

24 " ‘Hinaut nga panalanginan kamo sa Ginoo.

25 Hinaut nga ipakita sa Ginoo ang iyang kaayo

ug kaluoy kaninyo.

26 Hinaut nga magpakamaayo kaninyo ang Ginoo

ug hatagan kamo niya ug maayo nga kahimtang.’

7 Tipigan ka sa Ginoo gikan sa tanang katalagman;

ampingan niya ang imong kinabuhi.

8 Ang Ginoo motipig kanimo

karon ug hangtod sa kahangtoran, bisan asa ka moadto.*

25 Hinaut nga ang grasya sa Dios mag-uban kaninyo.

11 Dinhi lang kutob ang akong sulat kaninyo. Sa kataposan, mga igsoon, nanghangyo ako nga tarungon ninyo ang inyong pagkinabuhi. Sunda ninyo ang akong mga tambag. Paghiusa kamo. Kinahanglan maayo ang inyong relasyon sa matag-usa. Ug kon buhaton ninyo kini, ang Dios nga tinubdan sa gugma ug kalinaw mag-uban kaninyo.

11 Dinhi lang kutob ang akong sulat kaninyo. Sa kataposan, mga igsoon, nanghangyo ako nga tarungon ninyo ang inyong pagkinabuhi. Sunda ninyo ang akong mga tambag. Paghiusa kamo. Kinahanglan maayo ang inyong relasyon sa matag-usa. Ug kon buhaton ninyo kini, ang Dios nga tinubdan sa gugma ug kalinaw mag-uban kaninyo.

12 Pagkumustahay kamo isip managsoon kang Cristo.*

Ang tanang katawhan sa Dios dinhi nangumusta kaninyo.

13 Hinaut nga ang grasya sa atong Ginoong Jesu-Cristo, ang gugma sa Dios, ug ang pagpakig-uban sa Espiritu Santo.*

10 Agig panapos, ipahimangno ko kaninyo nga magmalig-on kamo diha sa Ginoo pinaagi sa iyang gahom.

6 Unya gipanalanginan sila ni Josue ug gipapauli.

61 Adunay usa pa gayod nga miingon kang Jesus, "Ginoo, mouban ako kanimo; apan tugoti una ako nga mopauli ug manamilit sa akong pamilya."

62 Mitubag si Jesus kaniya, "Ang tawo nga magdaro nga magsigeg lingi* dili mapuslanon sa gingharian sa Dios."

20 Gibiyaan ni Eliseo ang mga baka ug gigukod si Elias. Miingon si Eliseo, "Mohalok una ako sa akong amahan ug inahan sa pagpanamilit kanila, unya mouban ako kanimo."

Mitubag si Elias, "Sige, apan ayaw kalimti ang gihimo ko kanimo."

21 Mibalik si Eliseo, ug gikuha niya ang iyang mga baka ug giihaw. Gigamit niyang sugnod ang mga yugo ug mga daro sa pagluto sa karne sa mga baka. Pagkaluto niini, gihatagan niya ang iyang kauban nga mga magdadaro, ug nangaon silang tanan. Unya misunod siya kang Elias ug nahimo siyang katabang niini.