26 Jezu shêkɔ əndje ʉrrr ə pâ kə əndje ə pa: «Ərə ə̂në azü lï lï ndə kə ma nə ne, Ndjapä lï ndə kə ma nə.»

27 Jezu shêkɔ əndje ʉrrr ə pâ: «Ə sə tə ərə ə̂në azü lï lï ndə kə ma nə ne, bale ə də̂ Ndjapä də̂ ne, mbrə ə̂në Ndjapä lï ndə kə ma aərə nɔ̂.»

27 Jezu kîrə əpʉ ə pa: «Ərə ə̂në azü lï lï ndə kə mbrə nə ne, Ndjapä lï ndə kə mbrə nə.»

34 Marə̂ nə pâ kə trawaya nə̂ Ndjapä nə ə pa: «Ərə nə sə kə ma atâ, mbrə ə̂në mə wusə̂ akoshe wu ne kɔ?» 35 Trawaya nə̂ Ndjapä nə kîrə əpʉ kə ətshə ə pa: «Âgbɔ̂ Yîrə̂ sə kə jerə gâ pâ zə, awlra nə̂ Ndjapä ə̂në tshə sə mâ ngâ lafɔ kɔ sə kə sə gâ pâ zə mata tshekojerɔ. Âdârə ə̂në əgblə nə ə̂në bə zu ətshə je kɔ, tshə sə kə sə kpî mbrə Ndjapä; əndje sə kə e ətshə Ɨrɨ Ndjapä. 36 Alizabatə, əyɔ zə, sə də əndu lə yawaza tə̂ ye ndə kə zu əgblə koshe. Azü ê ətshə tə yashe märä, kpəsəye, tshə sə lə mindû amanə bale yipʉ əndu nə̂ ye. 37 Mbrə ə̂në ə̈bə̈ ərə bale kə kra Ndjapä guta gu ne.» 38 Marə̂ pâ: «Mə sə tə yashe kanga nə̂ Əyïlingû. Ərə nə ma kə əmə Lïndə̂ əpʉ ama zə.» Mandânə, trawaya nə̂ Ndjapä nə tshî ətshə tʉ ə rô.

20 Jezu kîrə əpʉ kə əndje ə pa: «Mbrə ə̂në lɔsu e sə kʉ teashe. Djatra əpʉ, mə pa kə e: kədə lɔsu e â sə mə mata ə̂ndjî ayɔ ə̂në əɨrɨ nə kə də̂ mutardə ə̂në ə sə teashe kɔ, e sə kə pa kə kaga səye ə pa: "Äfɔ kotəye ə kä mâ koye", ə sə kə afɔ. Ə̈bə̈ ərə bale sə sə kə ro pâ e ne. [

23 Jezu pâ kə ətshə ə pa: «Bə pa: "Kədə bə lï…"? Ərə nɔ̂ lï ndə kə mbrə nə mbrə əzü ə̂në tshə za lɔsu ye kə Ndjapä!»

24 Âdârə ə̂në, mə pa kə e: Ərə nɔ̂ ə̂në e sə kə yu tshuku nə tə̂ äwä kə yu Ndjapä, e wüsə̂ nə mâ tə̂ lɔsu e ə pa e sɔ̂tə̂ nə gâ ye. Ndjapä sə kə za ərə səkɔ kə e.

23 Əndje zâ koshe səkɔ gâ lə kəna e ə lï də ərə ə̂në Ndjapä zâ ama ndə kə mbrə nə də ərə ə̂në tshə gâmba ndə kə mbrə nə kɔ. E zâ ətshə gâ lə kəna adulu â əndje kû ətshə gâ ala masheyɔ â wô ətshə. 24 Bale, Ndjapä shê ətshə lə takpa tə̂ akuzu, ə djɔ̂ ətshə lə əyo kuzu, mbrə ə̂në kuzu lï lï ndə kə pa ə ro pâ ye ne.