7 Shamwari dzinodikanwa, ngatidananei, nokuti rudo runobva kuna Mwari. Mumwe nomumwe anoda akaberekwa naMwari uye anoziva Mwari. 8 Ani naani asingadi haazivi Mwari, nokuti Mwari rudo.

10 Urwu ndirwo rudo: kwete kuti isu takada Mwari, asi kuti iye akatida uye akatuma Mwanakomana wake kuti ave chibayiro chinoyananisa zvivi zvedu.

15 Kana munhu akapupura kuti Jesu ndiye Mwanakomana waMwari, Mwari anogara maari uye iye muna Mwari. 16 Nokudaro tinoziva uye tinovimba norudo rwaMwari kwatiri.

Mwari rudo. Ani naani anogara murudo anogara muna Mwari, uye Mwari maari.

19 Tinomuda nokuti iye akatanga kutida.

16 "Nokuti Mwari akada nyika nokudaro, kuti akapa Mwanakomana wake mumwe oga, kuti ani naani anotenda kwaari arege kufa asi ave noupenyu husingaperi.

8 Asi Mwari anoratidza rudo rwake kwatiri pakuti: Tichiri vatadzi, Kristu akatifira.

4 Asi nokuda kworudo rwake rukuru kwatiri, Mwari, iye akapfuma pangoni, 5 akatiita vapenyu muna Kristu kunyange zvedu takanga takafa mukudarika kwedu, makaponeswa nenyasha.

15 Asi, imi Ishe, mune tsitsi uye muri Mwari ane nyasha,

anononoka kutsamwa, azere norudo nokutendeka.

7 Haiwa rudo rwenyu rusingatongoperi runokosha sei!

Vose vakuru navaduku pakati pavanhu

vanovanda mumumvuri wamapapiro enyu.

3 Nokuti rudo rwenyu runokunda upenyu,

miromo yangu ichakurumbidzai.

1 Vongai Jehovha, nokuti akanaka:

Nokuti rudo rwake runogara nokusingaperi.

18 Ndiani Mwari akaita semi,

anoregerera chivi uye anokanganwira

kudarika kwavakasara venhaka yake?

Hamugari makatsamwa nokusingaperi,

asi munofarira kunzwira ngoni.

11 Pakupedzisira, hama, chisarai. Shingairai kuti mukwaniswe, teererai kuchikumbiro changu, ivai nomufungo mumwe, garai murugare. Uye Mwari worudo norugare achava nemi.