Deus é amor

परमेश्वर प्यार हुन

7 हे प्रिय, नाव आबुर दाबुर दा प्यार ईट्टेव, यतिकी प्यार परमेश्वर से आद, जो यावारा प्यार माळतान, आव परमेश्वर से पैदा आग्यान अदिक परमेश्वर उक जान्सतान. 8 जो प्यार ईटालुन आव परमेश्वर उक जान्सालुन, यतिकी परमेश्वर प्यार हुन.

10 प्यार इदुर दा हैलेच कि नाव परमेश्वर से प्यार माळदेव, लेकीन इदुर दा आद कि आव नाम से प्यार माळदुन अदिक नाम पापगोळ्द माफ अन साटी तान पार उक कळुदुन.

15 जो यावारा ईद मान्स कोमतान कि यीशु परमेश्वर उन पार हुन, परमेश्वर आऊन दा बन्सकु ईरतान, अदिक आव परमेश्वर दा

16 जो प्यार परमेश्वर नाम से ईटतान, अदरी नाव जान्स कोंडेव अदिक नामी आऊन विश्वास आद. परमेश्वर प्यार हुन, अदिक जो प्यार दा बन्सकु ईरतान आव परमेश्वर दा बन्सकु ईरतान, अदिक परमेश्वर आऊन दा बन्सकु ईरतान.

19 नाव इदुरसाटी प्यार माळतेव, कि पयले आव नाम से प्यार माळदुन.

16 "यतिकी परमेश्वर दुनिया से हिंग प्यार ईटदुन कि आव तान ऊंद ठैसा पार कोट बुट्टुन, ताकी जो यावारा आऊन मा विश्वास माळ्यान आऊन नाश आगबाळुल, लेकीन आऊक अनन्त जीवन सिकुल.

8 लेकीन परमेश्वर नाम मा तान प्यार इन भलाई ई रीति देल प्रगट माळतान कि याग नाव पापी अच ईरेव आग भी मसीह नाम साटी सोत्‍तुन.

4 लेकीन परमेश्वर जो दया अन्द धनी आन, तान आ धोळ प्यार इन कारण यार देल आव नाम से प्यार माळदुन, 5 याग नाव अपराधगोळ्द कारण सोतकु ईरेव रा नामी मसीह अन्द सांगुळ जित्‍ता माळदुन अनुग्रह देल अच नीम्द उद्धार आत,

18 नीन घाई परमेश्वर येल आन जो अन्याय इक क्षमा माळुल अदिक तान निज भाग इन ऊळ्द लॉकुर्द अपराध इक मुच्‍च बुळुल? आव तान क्रोध इक हमेशा बनुस्कु ईरालुन, यतिकी आव करुणा से प्रीती ईटतान.

आखरी अभिवादन

11 इदुरसाटी हे वार्टुरा अदिक आकतींगेरा, खुश ईरी; सिद्ध आगतेला होगी; हिम्मत ईटी; ऊंदा मन ईटी; मेल मिलाप देल ईरी. अदिक प्यार अदिक शांती इन दाता परमेश्वर नीम सांगुळ ईत्‍तान.