Deus é amor

Ala nan xanuntenyaan na

7 N xanuntenne, en na en bode xanu, amasɔtɔ xanuntenyaan kelixi Ala nan ma, anu naxan yo muxun xanu, na barixi Ala nin, na kanna mɔn Ala kolon. 8 Naxan mi a boden xanuma, na mi Ala kolon, amasɔtɔ Ala nan xanuntenyaan na.

10 Xanuntenyani ito, fa fala en bata Ala xanu, na xa mi a ra, koni a tan bata en xanu, a yi a Dii Xɛmɛn nafa en yulubi xafari saraxan na.

15 Naxan na a tiyɛ a ra fa fala Yesu Alaa Dii Xɛmɛn nan a ra, na kanna bata lu Ala yi, Ala fan na kanni. 16 Alaa xanuntenyana en xa, en bata na kolon, en mɔn bata dɛnkɛlɛya a ma.

Ala nan xanuntenyaan na. Muxu yo lu xanuntenyani, na kanna bata lu Ala yi, Ala fan na kanni.

19 En bata Ala xanu bayo a singe en xanuxi.

16 Amasɔtɔ Ala bata dunuɲa xanu han a bata a Dii Xɛmɛ keden peen fi en ma, alogo muxu yo na dɛnkɛlɛya a ma, na nama halagi fɔ a habadan nii rakisin sɔtɔ.

8 Koni Ala a xanuntenyaan yitaxi en na na kii nin, en mɔn yi yulubi kanne ra waxatin naxan yi, Alaa Muxu Sugandixin yi faxa en xa.

4 Koni Alaa kininkininna gbo, a bata en xanu xanuntenya tilinxin na. 5 En tan naxanye yi faxaxi en hakɛne fe ra, Ala bata en niin bira en yi a Muxu Sugandixin barakani. Ɛ kisixi Alaa hinanna nan xɔn ma.

15 Koni Marigina, i tan nan Ala ra

naxan kininkinin,

i diɲa, i mi xɔlɔn xulɛn,

i ya hinanna nun i ya lannayaan gbo.

7 I ya tinxinna gbo alo geyane.

I ya kiti sa kiin tilin alo fɔxɔ igena.

Daɲɔxɔne nun subene i tan nan yii, Alatala.

3 N xa i to i ya yire sariɲanxini.

N yi i sɛnbɛn nun binyeni gbɛ.

Barika birana Isirayilaa Ala xa

1 Ɛ Alatala tantun amasɔtɔ a fan.

A hinanna luma nɛn habadan!

18 Nde luxi alo i tan, Ala,

i tan naxan i ya yamaan muxu dɔnxɛne

yulubin xafarima,

i tan naxan murutɛn mafeluma?

I ya xɔlɔn mi buma han habadan

amasɔtɔ hinanna rafan i ma.

11 Awa, ngaxakedenne, Ala xa sɛwan fi ɛ ma. Ɛ kata ɛ xa dɛfe, ɛ yi ɛ bode ralimaniya, ɛ lu xaxili kedenna nun bɔɲɛ xunbenli. Nayi, xanuntenyaan kanna nun bɔɲɛ xunbenla kanna Ala luma nɛn ɛ xɔn.