1 S’oossay nuuni naagetti attiyaa saanne nuw wolk’k’aa.

Nuuna metuu gakkiyaa wode,

maaddanaw I ubbaa gede matan de’ee.

1 Ubbaappe D’ok’k’iyaa S’oossan naagettiide de’iyaawe,

Ubbaappe Wolk’k’aama S’oossaa kuwaa giddon ak’ee;

2 Med’inaa Godaw,

«Neeni taw geessuwaanne bak’ata attiyaa sa’aa;

neeni taani ammanitsiyaa ta S’oossaa» yaagana.

3 I neena shankkanchchatuwaa gitiyaappekka,

wod’i wurssiyaa iita harggiyaappekka ashshana.

4 I bare baalletuwaan neena kammana;

Aa k’efetuwaa garssa neeni bak’ataade k’osetta attana.

Aa ammanettussay new gonddalle.

1 Abeet Med’inaa Godaw,

ta wolk’k’aw, taani neena siik’ay.

2 Med’inaa Goday taw wogga zaallaa;

Taani olaappe naagettiyaa miis’aa;

I taana ashshiyaawaa.

Ta S’oossay taani aakko bak’atiyaa ta wogga zaallaa.

I ta gonddalliyaa; I taana ashshiyaa wolk’k’aa;

I taani k’osetta attiyaa sa’aa.

3 Galatay bessiyaa Med’inaa Godaa taani s’eesay;

I ta morkkatuwaappe taana ashshee.

1 Abeet S’oossaw,

taani neekko bak’ateedda diraw, taana naaga.

1 Med’inaa Goday taw poo’onne taana ashshiyaawaa;

yaatina, taani ow yayyanitaa?

Med’inaa Goday ta de’uu naagettiyaa miis’aa;

yaatina, taani ow dagammanitaa?

2 Iita asatuu, ta is’s’iyaawanttunne ta morkketuu

taana wod’anaw taakko wos’s’iyaa wode,

Unttunttu barenttoo d’ubettiide kunddana.

3 Morkkiyaa tooray taana dooddinttokka

ta wozanay yayyena.

Olay ta bolla dooddinttokka,

taani Med’inaa Godan ammanettay.

1 Abeet Med’inaa Godaw, taani neekko bak’atay;

awudenne taana yeellayoppa.

Ne s’illotetsan taana ashsha.

2 Ne haytsaa taakko yegga;

ellekka taana ashsha.

Neeni taani geemmiyaa zaallaanne

taana ashshiyaa mino geessuwaa taw gida.

3 Ee, neeni taw zaallaanne geessuwaa;

ne suntsaa diraw, neeni taana kaaletsanne ne ogiyaa bessa.

4 Neeni taw geemmiyaa sa’aa gidiyaa diraw,

unttunttu taw k’osi wotseedda p’iriyaappe taana neeni naaga.

5 Abeet Med’inaa Godaw, tumuwaa S’oossaw,

Taani ta shemppuwaa ne kushiyan wotsay;✝

neeni taana woza.

3 Neeni taw ubbaa wode geemmiyaa mino zaallaanne,

taana ashshiyaa mino geessuwaa gida.

Ta attana mala ne azaza.

Ee, neeni ta zaallaanne ta geessuwaa.

8 Asan ammanettiyaawaappe,

Med’inaa Godaakko bak’atiyaawe lo"a.

9 Daannatuwaan ammanettiyaawaappe,

Med’inaa Godaakko bak’atiyaawe lo"a.

5 Ta shemppatta S’oossaa s’alalan shemppuwaa demmaaddu;

taani hidootan naagiyaawe aappe yee.

6 Aa s’alalay ta zaallaanne ta atotetsaa;

I taani k’osetta attiyaa sa’aa gidiyaa diraw,

ayinne hirggikke.

7 Ta atotetsaynne ta bonchchuu S’oossaanna;

I ta mino zaallaanne ta geessuwaa.

8 Asaw, ubbaa wode S’oossan ammanettite;

I nuw geessuwaa gidiyaa diraw,

hintte wozanaa k’ofaa aw odite.

17 Abeet taw wolk’k’aa gideedda S’oossaw,

taani neena sabbana.

Ayaw gooppe, taani k’osetta attiyaa sa’aynne

aggena siik’uwaa taana bessiyaa S’oossay neena.✝

1 Godaw, neeni yeletaa ubbaan,

nuuni de’iyaa sa’aa gidaadda.

2 Deretuu med’ettanaappe kase,

woy neeni sa’aa ootsanaappe kase,

med’inaappe med’inaa gakkanawukka neeni S’oossaa.

9 Med’inaa Goday un"etteeddawanttoo bak’ati attiyaawaa;

meto wodiyaankka geli attiyaa geessuwaa.

10 Ne suntsaa eriyaawanttu neenan ammanettiino;

ayaw gooppe, Med’inaa Godaw, neeni neena koyiyaawantta yegga agga beykka.

7 Abeet S’oossaw, aggena ne siik’uu ayiba al"obee!

Asay ne k’efiyaa giddo bak’ati attee.

7 Med’inaa Goday keeka; metuwaa gallassikka bak’ati attiyaasaa; I barekko bak’ati attanaw koyyiyaawantta eree.

4 Neeni hiyyeesaw bak’ati attiyaasaa. Metootanchchawukka bare metuwaa wode bak’ati attiyaasaa, uushuwaappe atiyaa sa’aanne aawaa seelaappe attiyaa kuwaa gidaadda. Ayaw gooppe, mek’etsi bayinna asaa hank’k’uu gimbbiyaa shoc’iyaa uushuwaa malanne

26 Med’inaa Godaw yayyiyaa uraw mino geessuu de’ee. I Aa naanatookka bak’atiide attiyaa sa’aa gidanawaa.

29 Med’inaa Godaa ogii s’illotoo bak’ati attiyaa sa’aa; shin iitaa ootsiyaawanttoo bashshaa.