Deus é nosso refúgio

1 Oleske, ko ľidžal o bašaviben. E giľi prekal o učo hangos.

1 Oda, ko pes garuvel paš o Nekbareder,

peske odpočovinela andro ciňos paš o Nekzoraleder.

2 Phenava le RAJESKE:

„Paš tute man denašav te garuvel, tu sal miro hrados,

miro Del pre savo man mukav."

3 Ov tut zachraňinela andral e pasca le lovcoskri

the andral o meribnaskro nasvaľiben.

4 Učharela tut peskre porenca,

tel leskre kridli arakheha o than pro garuďipen,

leskri vernosť hin tiro šťitos the tiri ochrana.

1 Oleske, ko ľidžal o bašaviben. Le RAJESKRE služobňikostar le Davidostar, savo giľavelas kadi giľi le RAJESKE, sar les zachraňinďa savore leskre ňeprijaťeľendar the le Saulostar. Phenďa:

2 Igen tut kamav, RAJEJA, tu sal miri zor!

3 O RAJ hino miri skala, miro zoralo kher the miro zachrancas;

miro Del hin miro zoralo bar, ke savo denašav;

miro šťitos, miro hrados the e zor, savi man zachraňinel.

1 O michtam* le Davidoskro.

Ochraňin man, Devla,

bo ke tute man denašav te garuvel!

1 Le Davidoskro žalmos.

O RAJ hino miro švetlos the miro spaseňje.

Kastar man darava?

O RAJ ochraňinel miro dživipen.

Kastar izdrava?

2 Sar pre mande avle o nalačhe manuša,

hoj man te chan tele,

podgele o pindre mire ňeprijaťeľenge

the olenge, ko pre mande džan, a pele.

3 Te pes pre ma zgeľahas caľi armada,

miro jilo pes na darala;

te pre ma avlehas pro mariben,

the avke furt pačava.

1 Oleske, ko ľidžal o bašaviben. Le Davidoskro žalmos.

2 RAJEJA, ke tu man denašľom te garuvel,

ma domuk šoha, hoj man te ladžav!

Zachraňin man tire spravodľišagoha!

3 Visar ke ma tiro kan

a av man sig te zachraňinel!

Av miri zoraľi skala,

o hrados mira spasakro.

4 Se tu sal miri skala, miro hrados;

ľidža man pre slava tire naveske a dža anglal mande.

5 Cirde man avri andral e sita, so angle mande garude,

bo tu sal miro ochrancas.

3 Av mange miri skala,

kaj man furt šaj avava te garuvel.

Rozhodňinďal tut, hoj man zachraňineha,

bo tu sal miri skala, miro hrados.

8 Feder hin te denašel ko RAJ,

sar pes te mukel pro manuš.

9 Feder hin te denašel ko RAJ,

sar pes te mukel pro vladara.

5 Ča pal oda vakeren,

sar man te cirdel tele pal o učo than.

Rado dikhen o klamišagos;

le vuštenca žehňinen,

ale le jilenca prekošen.

6 Ča andro Del arakhel miri duša o smirom,

ča pre leste man mukav.

7 Ča ov hin miri skala,

miro spaseňje the miro hrados,

ňič manca na čhalavela.

8 O Del man spasinel a del man pačiv.

O Del hin miri zoraľi skala a miro than, kaj man garuvav.

17 Ale me giľavava pal tiri zor,

sako tosara radisaľuvava tire kamibnaske;

bo tu sal miro hrados,

o than, kaj man garuvav, sar mange hin phares.

1 O mangipen le Mojžišoskro, le Devleskre muršeskro.

Rajeja, salas amenge sar kher

pokoleňje pro pokoleňje.

2 Tu salas sigeder, sar sas stvorimen o verchi,

sigeder, sar kerďal calo svetos,

čirlastar salas a furt aveha Del.

9 Ov sudzinela o svetos čačipnaha;

le naroden sudzinela pal o pravos.

10 Andro RAJ pes šaj garuven ola, ko cerpinen;

ov hin o than pro garuďipen andro pharipen.

7 Tiro spravodľišagos hin sar o nekučeder verchi,

tire sudi sar le moroskre hlbini.

RAJEJA, starines tut pal o manuša the pal o džviri.

7 O RAJ hino lačho,

chraňinel peskre manušen andre oda džives, sar lenge hin phares.

Pridžanel pes ke ola,

ko pes ke leste denašen te garuvel.

4 Se tu salas o hrados le čoreske

the o hrados le slabe manušeske andre leskro pharipen;

o than, kaj pes garuvenas angle burka,

the o ciňos andro baro tačipen.

Bo o dziva manuša hine

sar e zoraľi burka, so marel andro muros,

26 Kas hin e sveto dar anglo RAJ, oles hin e zoraľi istota,

the leskre čhave hine tel e ochrana.

29 O drom le RAJESKRO hin o hrados prekal o žužo manuš,

ale zňičinela olen, ko keren o nalačhipen.