1 தேவன் நமக்கு அடைக்கலமும் பெலனும்,

ஆபத்துக்காலத்தில் அனுகூலமான துணையுமானவர்.

1 உன்னதமான தேவனுடைய மறைவில் இருக்கிறவன்

சர்வவல்லவருடைய நிழலில் தங்குவான்.

2 நான் யெகோவாவை நோக்கி:

நீர் என்னுடைய அடைக்கலம்,

என்னுடைய கோட்டை, என் தேவன்,

நான் நம்பியிருக்கிறவர் என்று சொல்லுவேன்.

3 அவர் உன்னை வேடனுடைய கண்ணிக்கும்,

பாழாக்கும் கொள்ளை நோய்க்கும் தப்புவிப்பார்.

4 அவர் தமது சிறகுகளாலே உன்னை மூடுவார்;

அவர் இறக்கைகளின் கீழே அடைக்கலம் புகுவாய்;

அவருடைய சத்தியம் உனக்கு பெரிய கவசமும், கேடகமுமாகும்.

1 என் பெலனாகிய யெகோவாவே, உம்மில் அன்புகூருவேன்.

2 யெகோவா என் கன்மலையும், என் கோட்டையும்,

என் இரட்சகரும், என் தேவனும், நான் அடைக்கலம் புகும் என் கோபுரமும்,

என் கேடகமும், என் இரட்சிப்பின் கொம்பும்,

என் உயர்ந்த அடைக்கலமுமாக இருக்கிறார்.

3 துதிக்குப் பாத்திரராகிய யெகோவாவை நோக்கிக் கூப்பிடுவேன்;

அதனால் என்னுடைய எதிரிகளுக்கு நீங்கலாகிப் பாதுகாக்கப்படுவேன்.

1 தேவனே, என்னைக் காப்பாற்றும், உம்மை நம்பியிருக்கிறேன்.

1 யெகோவா என் வெளிச்சமும் என் இரட்சிப்புமானவர்,

யாருக்குப் பயப்படுவேன்?

யெகோவா என் வாழ்வின் அடைக்கலமானவர்,

யாருக்கு பயப்படுவேன்?

2 என்னுடைய எதிரிகளும் என்னுடைய பகைவர்களுமாகிய பொல்லாதவர்கள் என் சரீரத்தை விழுங்க,

என்னை நெருங்கும்போது அவர்களே இடறிவிழுந்தார்கள்.

3 எனக்கு விரோதமாக ஒரு இராணுவம் முகாமிட்டாலும், என் இருதயம் பயப்படாது;

என்மேல் போர் எழும்பினாலும், இதிலே நான் நம்பிக்கையாக இருப்பேன்.

1 யெகோவாவே, உம்மை நம்பியிருக்கிறேன்;

நான் ஒருபோதும் வெட்கமடையாதபடி செய்யும்;

உமது நீதியினிமித்தம் என்னை விடுவியும்.

2 உமது செவியை எனக்குச் சாய்த்து,

சீக்கிரமாக என்னைத் தப்புவியும்;

நீர் எனக்குப் பலத்த கோபுரமும்,

எனக்கு அடைக்கலமான கன்மலையுமாக இரும்.

3 என் கன்மலையும் என் கோட்டையும் நீரே;

உமது நாமத்தினிமித்தம் எனக்கு வழிகாட்டி,

என்னை நடத்தியருளும்.

4 அவர்கள் எனக்கு மறைவாய் வைத்த வலைக்கு என்னை நீங்கலாக்கிவிடும்;

தேவனே நீரே எனக்கு அடைக்கலம்.

5 உமது கையில் என் ஆவியை ஒப்புவிக்கிறேன்;

சத்தியபரனாகிய யெகோவாவே,

நீர் என்னை மீட்டுக்கொண்டீர்.

3 நான் எப்பொழுதும் வந்தடையக்கூடிய கன்மலையாக இரும்;

என்னை இரட்சிப்பதற்குக் கட்டளையிட்டீரே;

நீரே என்னுடைய கன்மலையும் என்னுடைய கோட்டையுமாக இருக்கிறீர்.

8 மனிதனை நம்புவதைவிட,

யெகோவா மேல் பற்றுதலாயிருப்பதே நலம்.

9 பிரபுக்களை நம்புவதைவிட யெகோவா மேல் பற்றுதலாயிருப்பதே நலம்.

5 என்னுடைய ஆத்துமாவே, தேவனையே நோக்கி அமர்ந்திரு;

நான் நம்புகிறது அவராலே வரும்.

6 அவரே என்னுடைய கன்மலையும், என்னுடைய இரட்சிப்பும்,

என்னுடைய உயர்ந்த அடைக்கலமுமானவர்;

நான் அசைக்கப்படுவதில்லை.

7 என்னுடைய இரட்சிப்பும்,

என்னுடைய மகிமையும் தேவனிடத்தில் இருக்கிறது;

பெலனான என்னுடைய கன்மலையும் என்னுடைய அடைக்கலமும் தேவனுக்குள் இருக்கிறது.

8 மக்களே, எக்காலத்திலும் அவரை நம்புங்கள்;

அவர் சமுகத்தில் உங்களுடைய இருதயத்தை ஊற்றிவிடுங்கள்;

தேவன் நமக்கு அடைக்கலமாக இருக்கிறார். (சேலா)

17 என்னுடைய பெலனே, உம்மை பாடிப் புகழுவேன்;

தேவன் எனக்கு உயர்ந்த அடைக்கலமும்,

கிருபையுள்ள என் தேவனுமாக இருக்கிறார்.

1 ஆண்டவரே, தேவனே நீர் தலைமுறை தலைமுறையாக

எங்களுக்கு அடைக்கலமானவர்.

2 மலைகள் தோன்றுமுன்பும்,

நீர் பூமியையும், உலகத்தையும் உருவாக்குமுன்னும்,

நீரே அநாதியாய் என்றென்றைக்கும் தேவனாக இருக்கிறீர்.

9 சிறுமைப்பட்டவனுக்குக் யெகோவா அடைக்கலமானவர்;

நெருக்கப்படுகிற காலங்களில் அவரே தஞ்சமானவர்.

10 யெகோவாவே, உம்மைத் தேடுகிறவர்களை நீர் கைவிடுகிறதில்லை;

ஆதலால், உமது பெயரை அறிந்தவர்கள் உம்மை நம்பி இருப்பார்கள்.

7 தேவனே, உம்முடைய கிருபை எவ்வளவு அருமையானது!

அதினால் மனிதர்கள் உமது இறக்கைகளின் நிழலிலே வந்தடைகிறார்கள்.

7 யெகோவா நல்லவர், இக்கட்டு நாளிலே பாதுகாப்பான கோட்டை; தம்மை நம்புகிறவர்களை அறிந்திருக்கிறார்.

4 கொடூரமானவர்களின் சீறல் மதிலை மோதியடிக்கிற பெருவெள்ளத்தைப்போல் இருக்கும்போது, நீர் ஏழைக்குப் பெலனும், நெருக்கப்படுகிற எளியவனுக்குத் திடனும், பெருவெள்ளத்திற்குத் தப்பும் அடைக்கலமும், வெயிலுக்கு ஒதுங்கும் நிழலுமானீர்.

26 யெகோவாவுக்குப் பயப்படுகிறவனுக்குத் திடநம்பிக்கை உண்டு;

அவனுடைய பிள்ளைகளுக்கும் அடைக்கலம் கிடைக்கும்.

29 யெகோவாவின் வழி உத்தமர்களுக்குப் பாதுகாப்பு,

அக்கிரமக்காரர்களுக்கோ கலக்கம்.