1 To kapalana molaguna. Laguna miana Korah; alaguakea tee suara momalanga.

1 Mia modhadhina i nuncana kajaganina Aulataʼala Momalanga,

bheamboore i nuncana peulusana Kawasana Opu Mokokuasa,

2 bheapogau i KAWASANA OPU,

"Ingkoomo o tampana peulusaku tee o bentena potaangiaku; Aulataʼalaku, iparacaeaku."

3 Incia bhemorambasakako minaaka i katapu,

tee minaaka i panyaki imateaka.

4 Incia bheasalibumbungiakako tee panina,

tee ingkoo bheuʼamani i nuncana peulusana.

Incia atoparacaea tee bheamembali katangkesi tee bentemu.

1 ✝To kapalana molaguna. Minaaka i bhatuana KAWASANA OPU, siitumo o Daud, mopakawaakana lagu incia sii to KAWASANA OPU, wakutuuna KAWASANA OPU arambasaka Daud minaaka i limana Saul tee minaaka i manga musuna. Incia apogau,

2 "Iaku kumaasiakako, e KAWASANA OPU, kakaaku!

3 KAWASANA OPU mboomo kabumbuna bhatuku, bente potaangiaku, tee mopabebasiaku.

Aulataʼala isombaku mboomo gunu bhatu, tee kupeulu i Incia.

Incia o katangkesiku, mopasalaamatiaku minaaka i musuku, tee o tampana peulusaku mamudhaakana sadia kuʼamani.

1 Miktam.* i nuncana pogau Ibrani akomaʼana "bulawa." Zaburuna Daud.

E Aulataʼala, jaganiaku

roonamo Ingkoomo peulusaku.

1 Zaburuna Daud.

KAWASANA OPU o kainawa tee kasalaamatiku,

tee incema buaka iaku bhekumaeka?

KAWASANA OPU o bentena dhadiku,

tee incema buaka iaku bhekurengku?

2 Wakutuuna manga parampo aumba alibuaku

to akande dagiku,

siitumo bhari-bharia bhaliku tee musuku,

manga inciamo mosindolina tee momandawuna.

3 Moomini alibuaku rombongana suludadu mobhari,

i nuncana ngangarandaku inda kumaeka.

Moomini dhaangia tee potimbea to moewangiaku,

iaku sadhaadhaa kuparacaea.

1 To kapalana molaguna. Zaburuna Daud.

2 E KAWASANA OPU, Ingkoomo peulusaku,

bholi utaroakaaku kutopekaea.

Pasalaamatiaku roonamo kaʼadilimu.

3 Perangoiaku,

tee rambasakaaku pekadhei!

Umembalimo gunu bhatu to tampana peulusaku,

mboomo bentena potaangia mopasalaamatiaku.

4 Satotuuna, Ingkoomo gunu bhatuku tee bentena potaangiaku.

Rampaakanamo saromu, kapalaikiaku tee utondaaku.

5 Rambasakaaku minaaka i katapu

itaana musu to arakoaka iaku

roonamo Ingkoomo peulusaku.

3 Membalimo gunu bhatu to tampana mbooresaku

sadia momembalina iumbatiku.

Ingkoo padhamo udhawu parinta mamudhaakana kutopasalaamati

roonamo Ingkoomo gunu bhatu mojaganiaku tee bente potaangiaku.

8 Salabhina kupeulu i KAWASANA OPU,

tee kuparacaea i maanusia.

9 Salabhina kupeulu i KAWASANA OPU,

tee kuparacaea i manga kaogesa.

5 Manga incia tangkanamo ahaejati to apasabua minaaka i kauncuramakana momalangana,

manga incia sadia agau-gau,

tee o muncuna manga incia aemani barakati,

maka i nuncana ngangarandana apekatunda. Sela*

6 E ngangarandaku, tangkanamo i Aulataʼala o namisiku amalimua

roonamo tangkanamo Incia iharapuku.

7 Tangkanamo Incia o gunu bhatuku tee mopasalaamatiaku,

Incia o benteku, iaku inda bhekukohudha.

8 Aulataʼala modhawuaku kasalaamati tee mopamembaliaku kumulia,

Incia o gunu bhatuku momakaa tee o tampana peulusaku.

17 Maka iaku bhekulaguaka kuasamu,

i saeona iaku bhekusambo-sambo roonamo kaasimu molagina,

sababuna Ingkoo mboomo bente mojaganiaku

tee tampana peulusaku i wakutuuna kanarakaaku.

1 Doʼana Musa, bhatuana Aulataʼala.

E Kawasana Opu, Ingkoomo tampamami tapeulu

to saʼumurua.

2 Indapo manga gunu atopadhaangia,

indapo alamu tee dunia sii upamembalia,

Ingkoomo Aulataʼala mobakaa, inda tee auwalina inda tee aahirina.

9 Inciamo bhemohaakimuna dunia sii tee kabanara,

Incia ahaakimu manga lipu tee kaʼadili.

10 Sumaimo KAWASANA OPU amembali tampana peulusa to mia motopisaki,

tampana peulusa i wakutuuna kanarakaa.

7 Kabanaramu mboomo gunu momakaa,

manga kambotumu mboomo andalaogena,

E KAWASANA OPU, Ingkoomo modhambaakana maanusia tee binata.