Deus é nosso refúgio
Deus é nosso refúgio e fortaleza, socorro bem presente nas angústias. Quando o mundo treme, o crente encontra paz sob as asas do Altíssimo.
Refúgio e fortaleza
Deus é nosso refúgio e fortaleza. Quem habita no abrigo do Altíssimo descansa à sombra do Todo-Poderoso.
God go tadau abaaba mo tadau mahi,
dela e togomaalia e hagamaamaa gidaadou i lodo nia madagoaa haingadaa.
Be koai e dugu anga ia gi Dimaadua e benebene,
geia gaa noho i lala nia madamada humalia o Dimaadua Koia e Aamua.
Tangada deelaa e mee di helekai gi Mee,
"Goe go dogu Dangada Daa mo dogu Abaaba.
Goe go dogu God, dela e hagadagadagagee ginai au."
Mee ga benebene mai goe gi daha mo nia mee hagalliga huogodoo ala e de gidee,
ge mai gi daha mo nia hagadilinga magi huogodoo ala ga hidi mai iei goe gaa made.
Mee gaa gahu goe gi ono bakau, gei Mee ga benebene goe hagahumalia.
Dono manawa dahi ga benebene mo di abaaba goe.
Meenei Dimaadua, au e aloho i di Goe!
Goe dela go dogu Dangada Daa.
Dimaadua la go dogu madaloohi, go Mee go dogu abaaba mau dangihi.
Dogu God la go dogu hagaloohi, au e benebene hagahumalia i baahi o Mee.
Mee e abaaba au gadoo be di mee abaaba.
Mee e daa mai au gi daha, ge e benebene au.
Au e gahigahi Dimaadua, gei Mee ga daa mai au gi daha
mo ogu hagadaumee. Hagaamu ina Dimaadua!
Meenei God, hagaloohi ina au, ma Kooe hua dela e hagadagadagagee ginai au.
Dimaadua go dogu haga maalama mo dogu hagamouli!
Au hagalee e madagu i dahi dangada.
Dimaadua e abaaba au gi daha mo nia mee hagalliga huogodoo.
Au hagalee madagu i dahi mee.
Maa digau huaidu ga heebagi mai gi di au belee daaligi au gii made,
digaula ga tibatiba gaa tinga gi lala.
Ma e aha maa digau dauwa dogologowaahee ga haganiga mai i dogu gili,
gei au hagalee madagu.
Ma e aha maa ogu hagadaumee ga heebagi mai gi di au,
gei au e hagadagadagagee hua igolo gi God.
Au e hanadu gi di Goe, meenei Dimaadua, belee hagaloohi Kooe.
Goe hudee heia au gi magedaa.
Goe di God e donu, au e dangi adu gi di Goe gi haga dagaloaha ina au!
Hagalongo mai! Haga dagaloaha ina au dolomeenei!
Goe gii hai dogu gowaa e bala iei au
bolo gi hagaloohi au Kooe,
Goe go dogu hagaloohi e haga dagaloaha au.
Goe go dogu gowaa e hagamalu iei au, mo dogu haga dagaloaha.
Aago ina au mo di dagia au e hagalaamua ai do ingoo.
Benabena ina au gi daha mo di hele dela gu haganoho mai gi di au.
Duulia au gi daha mo nia haingadaa.
Au gu dugu adu au gi di Goe gi madamada humalia ai.
Goe ga haga dagaloaha au, meenei Dimaadua,
Goe la di God manawa dahi.
Goe gii hai di hadugalaa bala hagammuni mau dangihi ni oogu,
mo di gowaa abaaba mau dangihi dela e abaaba au.
Goe go dogu gowaa e bala ginai au mo dogu haga dagaloaha.
Proteção e segurança
O Senhor é a minha rocha e a minha fortaleza. Melhor é confiar no Senhor do que confiar no homem.
Ma koia e humalia maa gidaadou ga kana hua gi Dimaadua
laa hongo tadau hagadagadagagee gi nia daangada.
Ma koia e humalia maa gidaadou ga kana hua gi Dimaadua
laa hongo tadau hagadagadagagee gi nia dagi o henuailala.
Ma go God hua dela e gana ginai au,
deelaa hua go Mee e hagadagadagagee ginai au.
Go Mee hua dela e abaaba gei e haga dagaloaha au.
Mee go dogu Dangada Daa, malaa au e deemee loo di magedaa.
Dogu hagamouli mo dogu hagalaamua le e hai mai i baahi o God.
Mee go dogu abaaba mau dangihi, Mee go dogu gowaa e bala iei au.
Agu daangada, goodou hagadagadagagee gi God i nia madagoaa huogodoo.
Hagi anga ina gi Mee godou haingadaa huogodoo,
idimaa Mee go tadau gowaa e pala iei gidaadou.
Au ga hagaamu Goe, go dogu Dangada Daa, dagu gowaa e bala ginai au
la go God, di God dela e aloho i di au.
Meenei Tagi, Goe go di madau gowaa nogo noho ai i nia madagoaa huogodoo.
I mua dau hai nia gonduu mo dau hai henuailala, Goe go di God dee odi,
gei go di God e noho dono hagaodi ai, gaa hana hua beelaa.
Dimaadua la go di gowaa dela e pala ginai digau ala e lodo daamaha,
di gowaa e noho ai di aumaalia i lodo di madagoaa haingadaa.
Meenei Dimaadua, digau ala e iloo ginaadou Goe,
ga hagadagadagagee adu gi di Goe.
Goe hagalee diiagi di ingoo hua tangada dela ma ga hanadu gi di Goe.
Meenei God, e dahidamee behee go do manawa aloho dee modu!
Gimaadou guu gida madau gowaa e duuli ai gimaadou i lala di malu o bakau.
Em todo tempo
O Senhor é bom e é fortaleza no dia da angústia. A torre forte do nome do Senhor protege os seus em toda circunstância.
Dimaadua le e humalia; Mee e duuli ana daangada i nadau madagoaa haingadaa; e benebene digau ala gaa huli gi Mee.
Digau hagaloale mo digau nadau hagamaamaa ai ga lloo adu gi di Goe
ga hai mee gi di aumaalia i di madagoaa haingadaa.
Goe e abaaba digaula gi daha mo di madangi gono,
e hagamalu digaula i di welengina.
Idimaa nia hagadaumee hagamuamua ga dauwa
be di madangi damana o di magalillili,
Di hagalaamua Dimaadua le e wanga di hagadagadagagee mo di noho baba gi tangada mo dono madahaanau.
Dimaadua e benebene digau ala e donu, gei mee e oho gi daha digau ala e hai nia mee huaidu.