1 Imulungu kumwetu siye ayo kimbililo na nguvu,

msaada ukoneka kipindi chose cha magazo.

1 Heyo yokala hana uukalizi wa ayo yeli Uchanha Ng’hani,

yokala kudisisila da ayo yeli na udahi wose.

2 Nomulongela Mndewa Imulungu,

"Gweye ayo kimbililo jangu na ngome yangu,

Imulungu wangu, nikutamanila."

3 Heyo kokukombola na mtego wa imunhu yosaka,

na utamu wa kulokeza ukomaga iwanhu.

4 Kokugubika kwa mitipilo yake,

hasi ya mabawa gake kopata kimbililo,

kutamanilwa kwake kokuwa kamba ngao na zindiko.

1 Nokunogela gweye Mndewa Imulungu, nguvu yangu.

2 Mndewa Imulungu ayo dibwe jangu,

na ngome yangu na mkombola wangu,

Imulungu wangu na dibwe jangu dinikimbilile,

na ngao ya ukombola wangu na ngome yangu.

3 Nomkema Mndewa Imulungu yolondigwa kutogoligwa,

kanikombola kulawa kwa iwanhu onihila.

1 Unikalize gweye Mndewa Imulungu,

kwavija kumwako nikukimbilila.

1 Mndewa Imulungu ayo mulenge wangu,

na ukombola wangu,

niye nimdumbe nani?

Mndewa Imulungu ayo ngome ya ugima wangu,

simdumba munhu yoyose.

2 Wanhu wehile wahanivamila ili wanikome,

awo iwanhu onihila oikwala na kugwa.

3 Hata wakalizi wahanizunguluka,

moyo wangu haudumba kinhu,

hata nahengila mna ing’hondo,

ning’hali nokutamanila gweye.

1 Kumwako gweye Mndewa Imulungu, nokimbilila,

sikuundeke ng’o nigwe kinyala,

kwa haki yako unikombole.

2 Unihulike na unikombole sambi baha,

uwe kumwangu kamba dibwe da kukimbilila,

ngome ya kunikombola.

3 Kwavija gweye ayo dibwe jangu na ngome yangu.

Mbuli ya twaga jako unilongoze na undole goya.

4 Kunilava mna ulwavu wanitegele,

kwavija gweye ayo kimbililo da ugima wangu.

5 Mmakono gako noika loho yangu,

kunikombola, gweye Mndewa Imulungu, Imulungu utamaniligwa.

3 Uwe kumwangu kamba dibwe da kukimbilila,

gweye kulagiza niye nikomboligwe,

kwavija gweye kwa dibwe jangu na ngome yangu.

8 Vinoga kumkimbilila Mndewa Imulungu,

kubanza kuwatamanila wanhu.

9 Vinoga kumkimbilila Mndewa Imulungu,

kubanza kuwatamanila iwakulu wa mwiisi ino.

5 Kwa Imulungu yaiyeka loho yangu yobwihila,

tamanilo jangu dolawa kumwake.

6 Heyo ayo dibwe jangu na ukombola wangu,

heyo ayo ngome yangu niye sigwaya bule.

7 Ukombola wangu na ukulu volawa kwa Imulungu,

heyo ayo dibwe da nguvu na kimbililo jangu.

8 Mweye wanhu, mtamanileni Imulungu siku zose,

Ifunhuleni mizoyo yenu kumwake heyo,

Imulungu ayo kimbililo jetu.

17 Gweye kwa nguvu zangu,

niye nokwimbila kwa deng’ho,

kwavija Imulungu ayo ngome yangu,

Imulungu umemile unogelwa hawishaga.

1 Go Mndewa Imulungu,

gweye kwa kae yetu muulelo wose.

2 Vigongo ving’hali havinakoneka,

na gweye ung’hali hunalumba isi yose,

gweye kwa Imulungu kulawa milele mbaka milele.

9 Mndewa Imulungu ayo ngome ya awo odununzwa,

heyo ayo ngome mkipindi cha magazo.

10 Wose odijuwa twaga jako okutamanila,

kwavija gweye Mndewa Imulungu huwasemwile bule wose okwizila.

7 Unogelo wako hawishaga gweye Mndewa Imulungu, unoga ng’hani!

Wana wa iwanhu okimbilila sisila da mabawa gako.

26 Yomdumba Mndewa Imulungu kana tamanilo ditelele,

na wanage okuwa na hanhu ha kukimbilila.

29 Mndewa Imulungu ayo ngome ya wanhu wang’alile,

lakini kowabananga wanhu osang’hana gehile.