Deus é nosso refúgio

Yave yina yidikaka yinza kele na beto

1 Mukunga ya bana ya Kole yina ba yimbilaka na lutwadusu ya mfumu ya miyimbidi. Ba yimbilaka yawu na nsambi yina ke pesaka ndinga ya fyoti.

Nzambi nkebi ya beto

1 Muntu yina ke zingaka na kisika yina Nzambi ya Kulutila Kuzangama ke bumbamaka,

yandi ke pemaka na mpewo ya Nzambi-Mpungu.

2 Mu me tuba na Yave: «Nge kele kiswamunu ya munu, kibaka ya lukengolo ya munu,

Nzambi ya munu yina mu ke sadilaka kivuvu!»

3 Ya tsyelika ni yandi ke kuulaka nge na mutambu ya muntu ya mbingu,

yandi ke nyakisaka nge na kiyoolo yina ke kufwaka.

4 Nzambi ke fuka nge na bansala ya yandi,

nge ke kuzwa kiswamunu na yisi ya mapapu ya yandi.

Kukwikama ya yandi ke keba nge mutindu kinwanunu ya nene yina ke kebaka ntulu.

Matondo na Nzambi na manima ya kununga mvita

1 Mukunga ya mfumu ya miyimbidi. Mukunga ya Davidi kisyelo ya Yave. Yandi tangaka mambu yayi na kati ya mukunga, na kilumbu yina Yave kuulaka yandi na maboko ya bambeni ya yandi nyonso mpe na maboko ya Sawule.

2 Yandi tubaka: Yave mu zola nge, nge kele ngolo ya munu!

3 Yave nge kele ditadi ya munu, kibaka ya munu ya lukengolo, kikuudi ya munu!

Nge kele Nzambi ya munu, ditadi ya nene ya munu kisika mu ke bumbamaka!

Nge kele kinwanunu yina ke kebaka nzutu ya munu,

ngolo yina ke vuukisaka munu, kiswamunu ya munu!

Nzila ya luzingu

1 Mukunga ya Davidi.

Oo Nzambi bumba munu.

Ni nge kele kiswamunu ya munu.

Lukengolo ya munu kele na Yave

1 Mukunga ya Davidi.

Yave kele Nsemo mpe Muvuukisi ya munu,

mu ke vwanda na boma ya nani?

Yave kele Kiswamunu ya munu,

mu ke vwanda na boma ya nani?

2 Ntangu bantu ya yimbi ke kwiza na kudya musuni ya munu,

ni bawu, bayina ke nyokolaka munu,

bambeni ya munu ke bula mabaku mpe ke kubwa.

3 Kana nkonga ya binwani kwiza nwanisa munu,

mu ke vwanda ve na boma.

Kana mvita kusalama na munu,

mu ke kangama na kivuvu.

Yave, nge kele lukengolo ya munu

1 Mukunga ya mfumu ya miyimbidi.

Mukunga ya Davidi.

2 Yave, nge kele kiswamunu ya munu,

mu kutala nsoni ve!

Na ludedomo ya nge, kuula munu.

3 Teka dikutu ya nge na kuwa lusambulu ya munu,

kwiza nswalu, vuukisa munu!

Vwanda ditadi ya nene yina ke kebaka munu,

kibaka ya lukengolo yina ke vuukisaka munu!

4 Ya tsyelika, nge kele ditadi ya munu ya nene,

kibaka ya lukengolo yina ke kebaka munu,

samu na Nkumbu ya nge,

nge ke nata munu,

nge ke twadisa munu.

5 Nge ke basisa munu na mutambu yina ba me tambila munu,

samu ti nge kele kibaka ya munu ya lukengolo,

3 Vwanda samu na munu ditadi ya nene yina kele kiswamunu samu na munu,

kisika yina mu ke kwizaka bumbama ntangu nyonso.

Nge me baka lukanu ya kuvuukisa munu,

samu ti nge kele ditadi ya munu ya nene, kiswamunu ya munu!

8 Ya me lutila mbote na kuzwa kiswamunu na sika ya Yave,

kasi kutula ve kivuvu ya nge na muntu.

9 Ya me lutila mbote na kuzwa kiswamunu na sika ya Yave,

kasi kutula ve kivuvu na bantu ya mfunu.

5 Bawu ke na kubanza kaka na kukatula yandi na kisika ya yandi ya kuzangama.

Bawu ke na kuyangalala na mambu ya luvunu.

Na bayinwa ya bawu, bawu ke na kusakumuna.

Kasi na kati ya bantima ya bawu, bawu ke na kuvweza. Kupema

6 Kaka ni na sika ya Nzambi mu ke na kuzwa kizunu,

kivuvu ya munu ke na kukatuka na sika ya yandi.

7 Kaka ni yandi kele ditadi ya munu ya nene mpe mpulusu ya munu.

Yandi kele mbanza ya munu ya kutungama na bibaka ya lukengolo,

mu ke kubwa ata fyoti ve.

8 Mpulusu mpe nkembo ya munu kele ni na sika ya Nzambi,

ditadi ya munu ya nene, ngolo ya munu, kiswamunu ya munu kele ni na sika ya Nzambi.

17 Kasi munu, mu ke yimbila ngolo ya nge,

na suka, mu ke kembila kukwikama ya nge.

Nge kele mbanza ya munu ya kutungama na bibaka ya lukengolo,

kiswamunu ya munu na ntangu ya mpasi.

Lusambulu ya kyadi

1 Lusambulu ya Moyize, muntu ya Nzambi.

Yave, nge me vwanda kiswamunu ya beto,

bambandu na bambandu.

2 Ntete-ntete myongo kubutama,

ntete nge kuyidika ntoto mpe yinza,

mankululu na mankululu nge kele Nzambi.

9 Ni yandi ke fundisaka yinza na ludedomo,

yandi ke fundisaka makanda ya bantu na kusungama nyonso.

10 Bika ti Yave kuvwanda kiswamunu samu na muntu yina ba ke na kukwamisa.

Bika ti yandi kuvwanda mutindu kibaka ya lukengolo na bantangu ya mpasi.

7 Ludedomo ya nge kele ya kuzanguka mutindu myongo ya Nzambi.

Banzengolo ya nge kele ya kusunda mutindu mubu.

Yave, nge ke vuukisaka bantu mpe bibulu.

7 Yave kele mbote,

yandi kele kiswamunu na ntangu ya mpasi,

yandi ke bakaka bunkete ya bayina ke bumbamaka na sika ya yandi,

4 Samu ti nge vwandaka kiswamunu ya muntu yina kondwaka ngolo,

kiswamunu ya mputu na ntangu ya kyadi,

kibumbamanu na ntangu ya kitembo ya ngolo,

mpewo na ntangu ya tiya,

ya tsyelika, mupepe ya bantu ya lulendo

kele mutindu kitembo ya ngolo yina ke mwangisaka bibaka.

26 Muntu yina ke zitisaka Yave kele na kiminu ya ngolo, mpe yandi ke vwanda kiswamunu ya bana ya yandi.

29 Banzila ya Yave kele lukengolo samu na bantu ya kusungama, kasi na bantu ya yimbi, yawu kele mwangusulu.