1 Ang Dios mao ang atong kusog ug tigpanalipod.

Andam gayod siya kanunay sa pagtabang sa panahon sa kalisod.

1 Si bisan kinsa nga mangayo

sa pagpanalipod sa Labing Halangdong Dios

nga Makagagahom, panalipdan niya.

2 Makaingon siya* sa Ginoo,

"Ikaw ang akong tigpanalipod ug lig-ong tago-anan.

Ikaw ang akong Dios nga ginasaligan."

3 Luwason ka gayod niya gikan sa mga lit-ag

ug sa makapatay nga mga balatian.

4 Panalipdan ka niya sama sa usa ka langgam

nga nagpanalipod sa iyang mga piso

ilalom sa iyang mga pako.

Sa iyang pagkamatinumanon, panalipdan ka niya ug labanan.

1 Gihigugma ka nako Ginoo.

Ikaw ang akong kusog.

2 Ikaw, Ginoo, ang akong salipdanan nga bato,

ang akong lig-ong tago-anan ug manluluwas.

Ikaw, Dios, ang salipdanan ko nga bato,

makatago ako diha kanimo.

Ikaw, Dios, ang akong taming,

gamhanang manluluwas ug dalangpanan.

3 Dalaygon ka, Ginoo,

kay kon mangayo ako ug tabang kanimo

ginaluwas mo ako gikan sa akong mga kaaway.

1 O Dios, bantayi ako kay nagdangop ako kanimo.

1 Ang Ginoo mao ang akong kahayag, manluluwas, ug tigpanalipod,

busa wala akoy angayng kahadlokan.

2 Sa higayon nga sulongon ako sa akong daotang mga kaaway aron patyon,

madagma ug malup-og sila.

3 Bisan pa ug libotan ako sa daghang sundalo,

dili ako mahadlok.

Bisan pa ug maggira,

mosalig gihapon ako sa Dios.

1 Kanimo, Ginoo, nagdangop ako.

Ayaw itugot nga maulawan ako.

Luwasa ako, tungod kay ikaw matarong.

2 Pamatia ako ug luwasa dayon.

Panalipdi ako nga daw sama ikaw sa salipdanan nga bato;

panalipdi ako nga daw sama ikaw sa lig-ong tago-anan.

3 Tungod kay ikaw ang akong salipdanan nga bato ug lig-ong tago-anan,

tultoli ug giyahi ako aron mapasidunggan ang imong ngalan.

4 Ilikay ako sa lit-ag nga gipahimutang sa akong mga kaaway alang kanako,

kay ikaw ang akong tigpanalipod.

5 Gitugyan ko kanimo ang akong kinabuhi.*

Luwasa ako, Ginoo, Dios nga kasaligan.

3 Sama ka sa salipdanan nga bato alang kanako;

kanimo ako kanunay modangop.

Nagsugo ka nga luwason ako,

kay ikaw ang akong salipdanan nga bato ug lig-ong tago-anan.

8 Mas maayo pa nga modangop sa Ginoo kaysa mosalig sa isigka-tawo.

9 Mas maayo pa nga modangop sa Ginoo kaysa mosalig sa mga tawo nga anaa sa gahom.

5 Sa Dios lang ako makaangkon

ug kapahulayan kay gihatagan niya akog paglaom.

6 Siya lang ang akong salipdanan nga bato ug manluluwas.

Siya ang akong dalangpanan, busa dili ako malaglag.

7 Anaa sa Dios ang akong kaluwasan ug kadungganan.

Siya ang akong lig-ong salipdanan nga bato,

ang akong tigpanalipod.

8 Kamong mga katawhan sa Dios,

salig kamo kaniya sa tanang panahon!

Isulti kaniya ang tanan ninyong kabalaka

kay siya ang nagpanalipod kanato.

17 O Dios, ikaw ang akong kusog;

mag-awit ako ug mga pagdayeg kanimo

kay ikaw ang akong dalangpanan,

ang Dios nga naghigugma kanako.

1 Ginoo, ikaw ang among dalangpanan sukad pa kaniadto.

2 Sa wala mo pa buhata ang mga bukid

ug ang kalibotan, ikaw na ang Dios,

ug ikaw ang Dios sa walay kataposan.

9 Ginoo, ikaw ang tigpanalipod sa mga dinaog-daog

ug dalangpanan panahon sa kalisod.

10 Nagsalig kanimo ang mga tawo nga nakaila kanimo,

kay wala mo man isalikway ang midangop kanimo.

7 Kabililhon sa imong gugma, O Dios.

Gipanalipdan mo ang mga tawo sama sa pagpanalipod sa langgam sa iyang mga piso

ilalom sa iyang mga pako.

7 Maayo ang Ginoo;

lig-on siya nga dalangpanan sa panahon sa kasamok,

moatiman siya sa mga mosalig kaniya.

4 Ikaw ang dalangpanan sa mga kabos panahon

sa ilang kalisod ug pagpanginahanglan.

Silonganan ka panahon sa bagyo ug ting-init.

Kay ang pagsulong sa mapintas nga mga tawo

sama sa bagyo nga mohapak sa paril,

26 Ang pagtahod sa Ginoo maghatag ug siguridad

ug kalig-on ngadto sa tawo ug sa ilang mga anak.

29 Ang pagsunod sa mga matarong sa pamaagi

sa Ginoo maoy magpanalipod kanila,

apan ang pagsupak niini

sa mga tawong daotan makapalaglag kanila.