1 Katonda kye kiddukiro kyaffe, era ge maanyi gaffe;

omubeezi ddala atabulawo mu kulaba ennaku.

1 Oyo abeera mu kifo eky’ekyama eky’oyo Ali Waggulu Ennyo;

aliwumulira mu kisiikirize kya Katonda Ayinzabyonna.

2 Nnaayogeranga ku Mukama nti, Oli kiddukiro kyange era ekigo kyange;

ggwe Katonda wange gwe nneesiga.

3 Ddala ddala y’anaakuwonyanga omutego gw’omuyizzi,

ne kawumpuli azikiriza.

4 Alikubikka n’ebyoya bye,

era mu biwaawaatiro bye mw’onoddukiranga;

obwesigwa bwe bunaabanga ngabo yo okukukuumanga.

1 Nkwagala Ayi Mukama kubanga ggwe maanyi gange.

2 Mukama lwe lwazi lwange, ky’ekigo kyange ekigumu era ye mununuzi wange,

ye Katonda wange era lwe lwazi lwange mwe neekweka;

ye ngabo yange era ye mulokozi wange ow’amaanyi, era kye kigo kyange ekinywevu.

3 Nkoowoola Mukama asaana okutenderezebwa,

era amponya eri abalabe bange.

1 Onkuume, Ayi Katonda,

kubanga ggwe buddukiro bwange.

1 Mukama gwe musana gwange n’obulokozi bwange;

ani gwe nnaatyanga?

Mukama ge maanyi ag’obulamu bwange;

ani asobola okuntiisa?

2 Abalabe bange n’abantu ababi bonna

bwe banannumba nga baagala okunzita,

baneesittala

ne bagwa.

3 Newaakubadde ng’eggye linaasiisira okunneebungulula,

omutima gwange teguutyenga;

olutalo ne bwe lunansitukirangako,

nnaabanga mugumu.

1 Ayi Mukama, ggwe kiddukiro kyange,

leka nneme kuswazibwa.

Ndokola mu butuukirivu bwo.

2 Ontegere okutu kwo

oyanguwe okunziruukirira.

Beera ekiddukiro kyange eky’olwazi

era ekigo eky’amaanyi eky’okumponya.

3 Nga bw’oli olwazi lwange era ekigo kyange;

olw’erinnya lyo onkulembebere era onnuŋŋamye.

4 Omponye mu mutego gwe banteze;

kubanga ggwe kiddukiro kyange.

5 Nteeka omwoyo gwange mu mikono gyo;

ondokole, Ayi Mukama, Katonda ow’amazima.

3 Onfuukire olwazi obuddukiro bwange,

ekifo eky’amaanyi;

ondokole

kubanga oli lwazi lwange era ekiddukiro kyange.

8 Kirungi okwesiga Mukama

okusinga okwesiga omuntu.

9 Kirungi okuddukira eri Mukama

okusinga okwesiga abalangira.

5 Emmeeme yange ewummulire mu Katonda yekka;

kubanga mu ye mwe muli essuubi lyange.

6 Ye yekka lwe lwazi lwange era bwe bulokozi bwange,

ye kye kigo kyange, siinyeenyezebwenga.

7 Okulokolebwa kwange n’ekitiibwa kyange biri mu Katonda yekka;

ye lwe lwazi lwange olw’amaanyi era kye kiddukiro kyange.

8 Mumwesigenga bulijjo mmwe abantu,

mumutegeezenga byonna ebiri mu mitima gyammwe,

kubanga Katonda kye kiddukiro kyaffe.

17 Ggwe, Ayi Katonda, Amaanyi gange, nnaakuyimbiranga nga nkutendereza;

kubanga ggwe kigo kyange, era ggwe Katonda wange, anjagala.

1 Ayi Mukama, obadde kifo kyaffe eky’okubeeramu

emirembe gyonna.

2 Ensozi nga tezinnabaawo,

n’ensi yonna nga tonnagitonda;

okuva ku ntandikwa okutuusa ku nkomerero y’emirembe gyonna, ggwe Katonda.

9 Mukama kye kiddukiro ky’abo abanyigirizibwa;

era kye kigo kyabwe mu biseera eby’akabi.

10 Abo abamanyi erinnya lyo, Ayi Mukama, banaakwesiganga;

kubanga abakunoonya tobaleka bokka.

7 Okwagala kwo okutaggwaawo nga tekugeraageranyizika.

Ab’ebitiibwa n’abatali ba bitiibwa

baddukira mu biwaawaatiro byo.

7 Mukama mulungi,

kiddukiro mu kiseera eky’okulabiramu ennaku,

era alabirira abo bonna abamwesiga.

4 Ddala obadde kiddukiro eri abaavu,

ekiddukiro eri oyo eyeetaaga,

ekiddukiro ng’eriyo embuyaga

n’ekisiikirize awali ebbugumu.

Omukka gw’ab’entiisa

guli ng’embuyaga ekuntira ku kisenge

26 Atya Mukama alina ekiddukiro eky’amaanyi,

era n’abaana be balibeera n’obuddukiro.

29 Ekkubo lya Mukama kye kiddukiro ky’abatuukirivu, naye abakozi b’ebibi libasaanyaawo.