Deus é nosso refúgio

1 परमेश्वर आमचे आश्रय व सामर्थ्य आहेत;

संकटात साहाय्य करण्यास ते सदा सिद्ध असतात.

1 जो परमोच्चाच्या आश्रयाखाली राहतो,

तो सर्वसमर्थाच्या सावलीत राहील.

2 मी याहवेहला म्हणेन, "तेच माझा आश्रय व माझा दुर्ग आहेत,

माझे परमेश्वर, ज्यांच्यावर मी भरवसा ठेवला आहे."

3 कारण ते पारध्याच्या पाशापासून

आणि प्राणघातक मरीपासून

तुझे रक्षण करतील.

4 ते आपल्या परांनी तुझ्यावर पाखर घालतील,

त्यांच्या पंखाखाली तुला आश्रय मिळेल;

त्यांचे सत्य तुझी ढाल व गड होईल.

1 याहवेह, माझे सामर्थ्य, माझे तुमच्यावर प्रेम आहे.

2 याहवेह माझे खडक, माझे दुर्ग आणि मला सोडविणारे;

माझे परमेश्वर माझे खडक आहेत, ज्यांच्या ठायी मी आश्रय घेतो,

माझी ढाल आणि माझ्या तारणाचे शिंग* ते माझे शरणस्थान आहेत.

3 स्तुतीस योग्य याहवेहचा मी धावा केला,

आणि माझ्या शत्रूपासून माझी सुटका झाली.

1 परमेश्वरा, माझे रक्षण करा,

कारण मी तुमच्या आश्रयाला आलो आहे.

1 याहवेह माझे प्रकाश व माझे तारण आहेत—

मी कोणाचे भय बाळगू?

याहवेह माझ्या जीवनाचे दुर्ग आहेत—

मला कोणाचे भय आहे?

2 जेव्हा वाईट लोक मला गिळण्यास

माझ्यावर हल्ला करतील,

तेव्हा माझे शत्रू व माझे विरोधकच

अडखळतील आणि पडतील.

3 जरी सैन्याने मजभोवती वेढा घातला,

तरी माझे अंतःकरण भयभीत होणार नाही;

माझ्याविरुद्ध युद्ध जरी पेटले,

तरी मी निश्चिंत राहीन.

1 याहवेह, मी केवळ तुमच्याच ठायी आश्रय घेतला आहे;

मला कधीही लज्जित होऊ देऊ नका;

आपल्या नीतिमत्वानुसार मला सोडवा.

2 तुम्ही आपले कान माझ्याकडे लावा;

त्वरेने येऊन मला सोडवा;

माझ्या आश्रयाचे खडक व्हा,

मला वाचवण्यासाठी बळकट दुर्ग व्हा.

3 कारण तुम्हीच माझे खडक व माझे दुर्ग आहात;

तुमच्या नावाकरिता मला मार्गदर्शन करा आणि मला चालवा.

4 माझ्यासाठी लावलेल्या सापळ्यांमघून तुम्ही मला बाहेर काढा,

कारण तुम्हीच माझे आश्रयदुर्ग आहात.

5 मी माझा आत्मा तुमच्या स्वाधीन करतो;

माझ्या विश्वासयोग्य याहवेह, तुम्ही मला मुक्त केले.

3 मी सदैव जाऊ शकेन असे

माझे आश्रयाचे खडक तुम्ही व्हा;

तुम्ही माझ्या तारणाची आज्ञा द्या,

कारण तुम्हीच माझे खडक व माझे दुर्ग आहात.

8 नश्वर मानवावर भरवसा ठेवण्यापेक्षा,

याहवेहचा आश्रय घेणे उत्तम आहे.

9 अधिपतींवर भरवसा ठेवण्यापेक्षा,

याहवेहचा आश्रय घेणे उत्तम आहे.

5 तरीही माझा आत्मा परमेश्वरामध्ये शांती पावेल;

माझी आशा त्यांच्यापासून आहे.

6 खरोखर तेच माझे खडक, तेच माझे तारण,

तेच माझे दुर्ग आहेत; मी ढळणार नाही.

7 माझे तारण आणि माझा सन्मान परमेश्वरावर अवलंबून* आहे;

तेच माझे भक्कम खडक, माझे आश्रय आहेत.

8 माझ्या लोकांनो, तुम्ही सर्वकाळ त्यांच्यावर भरवसा ठेवा;

आपले हृदय त्यांच्यापुढेच मोकळे करा,

कारण परमेश्वरच आमचे आश्रयस्थान आहेत. सेला

17 हे माझ्या सामर्थ्या, तुमची स्तुतिस्तोत्रे मी गात आहे,

कारण हे माझ्या दयाळू परमेश्वरा,

तुम्हीच माझ्या सुरक्षिततेचे उंच दुर्ग आहात.

1 हे प्रभू, पिढ्यान् पिढ्या

तुम्ही आमचे वसतिस्थान आहात.

2 पर्वत निर्माण होण्यापूर्वी,

सृष्टीची घडण होण्यापूर्वी,

अनादि ते अंतापर्यंत तुम्हीच परमेश्वर आहात!

9 याहवेह, पीडितांसाठी आश्रय आहेत,

संकटकाळी तेच आश्रयाचे दुर्ग आहेत.

10 ज्यांना तुमचे नाव ठाऊक आहे, ते तुमच्यावर भरवसा ठेवतात,

कारण हे याहवेह, जे तुमचा धावा करतात त्यांना तुम्ही कधीही टाकत नाही.

7 हे परमेश्वरा, तुमची अक्षय प्रीती किती अमूल्य आहे!

सर्व मानवजात तुमच्या पंखांच्या छायेत आश्रय घेते.

7 याहवेह चांगले आहेत,

संकटसमयी आश्रयस्थान आहेत.

त्यांच्यावर भरवसा ठेवणार्‍या प्रत्येकाची ते काळजी घेतात.

4 तुम्ही गरिबांसाठी आश्रयस्थान असे आहात,

गरजवंतासाठी त्यांच्या संकटातील आश्रयस्थान आहात,

वादळामध्ये निवारा आहात

आणि उष्णतेमध्ये सावली आहात.

कारण निर्दयी लोकांचा श्वास

हा भिंतीवर चालून येणाऱ्या वादळासारखा आहे,

26 याहवेहचा आदर मनुष्याचा दृढ गड आहे,

आणि त्याच्या मुलाबाळांना सुरक्षित आश्रयस्थान लाभते.

29 याहवेहचा मार्ग निर्दोष मनुष्याचे आश्रयस्थान आहे,

परंतु जे दुष्कर्म करतात त्यांच्यासाठी तो नाश आहे.