1 Nzambi niandi suamunu kieto

ayi zingolo zieto ;

niandi nsadisi wu zithangu zioso mu ziphasi.

1 Mutu wowo wumvuandanga ku tsi suamunu ki Nzambi yizangama,

wela vundila ku tsi kitsusula ki Nzambi

ngolo yoso.

2 Ndiela tuba mu diambu di Yave :

Niandi suamunu kiama ayi suamunu kiami kingolo.

Nzambi ama, mu niandi ndintula diana.

3 Bukiedika niandi wela ku vukisa mu ntambu

ntambi wu zinuni,

ayi mu nsongo weti vonda.

4 Wela ku fukidila mu zitsala ziandi

ayi ku tsi mavavi mandi, wela bakula suamunu.

Kikhuikizi kiandi kiela ba nkaku aku

ayi baka kiaku kizangama.

1 Yave, ndikuzolanga, ngeyo zingolo ziama.

2 A Yave, niandi ditadi diama,

tinunu kiama ki ngolo,

ayi ngeyo nkudi ama.

Nzambi ama, niandi ditadi diama ;

mu niandi ndintombila suamunu,

niandi nkaku ama, ayi phoka yi phulusu ama,

ayi tinunu kiama ki zangama.

3 Ndiela tela Yave, niandi fueni mu zitusu

ayi ndiela vuka mu bambeni ziama.

1 A Nzambi, wukheba mu luvovomo

bila kuidi ngeyo nditombila suamunu.

1 Yave niandi kiezila kiama ayi phulusu ama.

Nani ndilenda mona tsisi e ?

Yave niandi suamunu kingolo mu luzingu luama.

Nani ndilenda mona boma e ?

2 Mu thangu batu bambimbi, bela kuiza ku ntualꞌama

mu diambu di dia nsuni ama ;

mu thangu bambeni ziama ayi bobo bandendi bela kuiza kunduanisa,

bela bumina thutu ayi bela bua.

3 Ka diambu ko nkangu wu masodi wunzungididi,

ntimꞌama wulendi mona tsisi ko ;

Ka diambu ko mvita yibuidi mu diambu diama,

ndilendi zimbisa diana ko.

1 Kuidi ngeyo, Yave ndintombila suamunu ;

kadi khumbu yimosi ndifua tsoni ;

wukhula mu busonga buaku.

2 Yinika dikutu diaku kuidi minu,

Yiza nsualu, mu kukhula !

Kuidi minu, bika wuba ditadi diama dingolo disuamina,

suamunu kingolo, mu diambu di kuphukisa.

3 Sumbu didi ti ngeyo ditadi diama dingolo

ayi suamunu kiama kingolo.

Mu diambu di dizina diaku

bika wuthuadisa ayi wundiatisa.

4 Bika wuthotula mu ntambu wu bathambila,

bila ngeyo suamunu kiama.

5 Mu mioko miaku ndintambika pheve ama ;

Wukhula, a Yave, ngeyo Nzambi yi kiedika.

3 Ba ditadi diama diodi di kutsuekanga ;

momo ndilenda kuenda mu zithangu zioso

vana lutumunu mu kuphukisa

bila widi ditadi diama

ayi tinunu kiama ki ngolo.

8 Bulutidi mboti mu suaminanga mu Yave

viokila mu tula diana mu mutu.

9 Bulutidi mboti mu suaminanga mu Yave

viokila mu tula diana mu bana ba mintinu.

5 Ba mu ndembama, a muelꞌama, mu Nzambi kaka !

Diana diama kuidi niandi dimbanga.

6 Niandi kaka ditadi diama ayi phulusu ama ;

niandi suamunu kiama ki ngolo ;

Ndilengi bua ko.

7 Phulusu ama ayi nzitusu ama kuidi Nzambi bidi ;

niandi ditadi diama dingolo, suamunu kiama.

8 Tulanganu diana dieno mu niandi

mu thangu zioso, a batu.

Luyalumuna mintima mieno kuidi niandi

bila Nzambi niandi suamunu kieto.

17 A ngeyo zingolo ziama,

ndinyimbila nzitusu mu diambu diaku ;

ngeyo Nzambi, ngeyo tinunu kiama kingolo ;

Nzambi ama yi luzolo.

1 Yave, ngeyo wuba buangu kieto kivuanda

mu tsungi ka tsungi.

2 Tuamina miongo mibutuka

voti tuamina wuvanga ntoto ayi nza ;

tona mu thangu ka thangu, ngeyo widi Nzambi.

9 Yave niandi suamunu ki mutu weti yamusu ;

suamunu kingolo mu thangu yi ziphasi.

10 Babo bazebi dizina diaku,

bela tula diana diawu mu ngeyo.

Bila ngeyo, Yave, wuyekulanga ko

bobo bakutombanga.

7 Tala phila luzolo luaku lu ngolo lukambu thalu !

Luidi luzangulu ayi lukululu va khatitsika batu

bobo bansuaminanga ku tsi phozi yi mavevi maku.