Deus é nosso refúgio

1 இறைவன் நமக்கு புகலிடமும் பெலனுமாய் இருக்கிறார்,

ஆபத்துக் காலத்தில் நம்மோடிருந்து உதவுகிறவர் அவரே.

1 மகா உன்னதமானவரின் அடைக்கலத்தில் வாழ்கிறவன்,

எல்லாம் வல்லவரின் நிழலில் இளைப்பாறுவான்.

2 நான் யெகோவாவைக் குறித்து, "அவரே என் புகலிடம், என் கோட்டை,

நான் நம்பியிருக்கிற என் இறைவன்" என்று சொல்வேன்.

3 நிச்சயமாகவே அவர் உன்னை

வேடனுடைய கண்ணியிலிருந்தும்,

கொன்றழிக்கும் கொள்ளைநோயிலிருந்தும் தப்புவிப்பார்.

4 யெகோவா தமது சிறகுகளால் உன்னை மூடுவார்;

அவருடைய சிறகுகளின் கீழே நீ புகலிடம் காண்பாய்;

அவருடைய சத்தியம் உனது கேடயமும் கவசமுமாயிருக்கும்.

1 யெகோவாவே, என் பெலனே, நான் உம்மை நேசிக்கிறேன்.

2 யெகோவா என் கன்மலை, என் கோட்டை, என்னை விடுவிக்கிறவர்;

என் இறைவன் நான் தஞ்சம் அடையும் என் கன்மலை,

என் கேடயம், என் மீட்பின் கொம்பு, என் அரணுமாயிருக்கிறார்.

3 துதிக்கப்படத்தக்கவரான யெகோவாவை நோக்கி நான் கூப்பிடுகிறேன்;

என் பகைவரிடமிருந்து நான் காப்பாற்றப்படுகிறேன்.

1 இறைவனே, என்னைப் பாதுகாத்துக்கொள்ளும்,

ஏனெனில் நான் உம்மில் தஞ்சம் அடைகிறேன்.

1 யெகோவா என் வெளிச்சமும் இரட்சிப்புமாயிருக்கிறார்,

நான் யாருக்குப் பயப்படுவேன்?

யெகோவா என் வாழ்க்கையின் அரணாய் இருக்கிறார்,

நான் யாருக்குப் பயப்படுவேன்?

2 தீய மனிதர் என்னை விழுங்கும்படி

எனக்கு விரோதமாக முன்னேறி வரும்போது,

எனது பகைவரும் விரோதிகளுமான

அவர்களே தடுமாறி விழுவார்கள்.

3 ஒரு இராணுவம் என்னை முற்றுகையிட்டாலும்,

என் இருதயம் பயப்படாது;

எனக்கு விரோதமாக யுத்தம் மூண்டாலும்,

அப்பொழுதுங்கூட நான் நம்பிக்கையோடே இருப்பேன்.

1 யெகோவாவே, நான் உம்மிடத்தில் தஞ்சமடைந்திருக்கிறேன்;

என்னை ஒருபோதும் வெட்கமடைய விடாதேயும்;

உமது நீதியினிமித்தம் என்னை விடுவியும்.

2 உமது செவியை எனக்குச் சாய்த்து,

என்னைத் தப்புவிக்க விரைவாய் வாரும்;

என் புகலிடமான கன்மலையாகவும்,

என்னைக் காப்பாற்றும் பலமான கோட்டையாகவும் இரும்.

3 நீர் என் கன்மலையும் என் கோட்டையுமாயிருப்பதால்,

உமது பெயரின் நிமித்தம் எனக்கு வழிகாட்டி என்னை வழிநடத்தும்.

4 நீரே என் புகலிடம்,

ஆகையால் எனக்காக வைக்கப்பட்டிருக்கும் கண்ணியிலிருந்து என்னை விடுவியும்.

5 உமது கைகளில் என் ஆவியை ஒப்புக்கொடுக்கிறேன்;

யெகோவாவே, என் உண்மையின் இறைவனே, என்னை மீட்டுக்கொள்ளும்.

3 நான் எப்பொழுதும் வந்தடையத்தக்க

என் புகலிடமான கன்மலையாய் இரும்;

நீர் என் கன்மலையும் என் கோட்டையுமாயிருப்பதால்,

என்னைக் காப்பாற்றக் கட்டளையிடும்.

8 மனிதனில் நம்பிக்கை வைப்பதைப் பார்க்கிலும்,

யெகோவாவிடத்தில் தஞ்சம் அடைவதே மேலானது.

9 அதிகாரிகள் மீது நம்பிக்கை வைப்பதைப் பார்க்கிலும்,

யெகோவாவிடத்தில் தஞ்சம் அடைவதே சிறந்தது.

5 ஆம், என் ஆத்துமாவே, நீ இறைவனில் மட்டுமே இளைப்பாறு;

என் நம்பிக்கை அவரிடத்தில் இருக்கிறது.

6 அவரே என் கன்மலையும் என் இரட்சிப்பும்

என் கோட்டையுமாயிருக்கிறார்; நான் அசைக்கப்படமாட்டேன்.

7 என் இரட்சிப்பும் என் கனமும் இறைவனிடத்தில் இருக்கிறது;

இறைவன் என் பலமான கன்மலையும் என் புகலிடமுமாய் இருக்கிறார்.

8 மக்களே, எக்காலத்திலும் அவரை நம்புங்கள்;

உங்கள் இருதயங்களின் பாரங்களை அவரிடத்தில் இறக்கி வையுங்கள்;

இறைவனே நமது புகலிடம்.

17 என் பெலனே, நான் உமக்குத் துதி பாடுவேன்;

இறைவனே, நீரே என் கோட்டையும்,

என் அன்பான இறைவனுமாயிருக்கிறீர்.

1 யெகோவாவே, தலைமுறைதோறும்

நீரே எங்கள் வாழ்விடமாய் இருக்கிறீர்.

2 மலைகள் தோன்றுமுன்னும், பூமியையும்

உலகத்தையும் நீர் உருவாக்குமுன்னும்,

நித்தியத்திலிருந்து நித்தியம் வரைக்கும் நீரே இறைவனாய் இருக்கிறீர்.

9 ஒடுக்கப்பட்டோருக்கு யெகோவா அடைக்கலமானவர்;

இக்கட்டான வேளைகளில் அவர் அரணானவர்.

10 உமது பெயரை அறிந்தவர்கள் உம்மில் நம்பிக்கை வைப்பார்கள்;

ஏனெனில் யெகோவாவே, உம்மைத் தேடுகிறவர்களை நீர் ஒருபோதும் கைவிடுவதில்லை.

7 இறைவனே, உமது உடன்படிக்கையின் அன்பு எவ்வளவு அருமையானது!

மனிதர்கள் உமது சிறகின் நிழலிலே தஞ்சம் அடைகிறார்கள்.

7 யெகோவா நல்லவர்,

அவர் ஆபத்து வேளைகளில் புகலிடமானவர்.

அவரில் நம்பிக்கையுள்ளவர்களில் அவர் கரிசனையாயிருக்கிறார்.

4 நீர் ஏழைகளுக்கு அடைக்கலமாயிருந்தீர்;

வறுமையுற்றோரின் துயரில் அவர்களுக்கு அடைக்கலமாயிருந்தீர்.

புயலிலிருந்து காக்கும் புகலிடமாகவும்,

வெயிலிலிருந்து காக்கும் நிழலாகவும் இருந்தீர்.

முரடர்களின் மூச்சு,

ஒரு மதிலுக்கு எதிராக வீசும் புயலைப்போல் இருக்கிறது.

26 யெகோவாவுக்குப் பயந்து நடக்கிறவர்களுக்கு ஒரு உறுதியான நம்பிக்கையுண்டு;

அது அவர்களுடைய பிள்ளைகளுக்கு அடைக்கலம்.

29 யெகோவாவின் வழி நீதிமான்களுக்கு புகலிடம்,

ஆனால் தீமை செய்பவர்களுக்கு அது அழிவு.