1 దేవుడు మనకు ఆశ్రయం బలం,

ఇబ్బందిలో ఎప్పుడు ఉండే సహాయం

1 మహోన్నతుడైన దేవుని చాటున నివసించేవారు

సర్వశక్తిమంతుని* నీడలో స్థిరంగా ఉంటారు.

2 యెహోవా గురించి నేను చెప్పేదేమంటే, "ఆయనే నా ఆశ్రయం నా కోట,

నా దేవుడు, ఆయననే నేను నమ్ముకున్నాను."

3 వేటగాని వల నుండి,

మరణకరమైన తెగులు నుండి,

ఆయన తప్పక విడిపిస్తారు.

4 ఆయన తన రెక్కలతో నిన్ను కప్పుతారు,

ఆయన రెక్కల క్రింద నీకు ఆశ్రయం;

ఆయన నమ్మకత్వం నీకు డాలుగాను గోడగాను ఉంటుంది.

1 యెహోవా నా బలమా, నేను మిమ్మల్ని ప్రేమిస్తున్నాను.

2 యెహోవా నా కొండ, నా కోట నా విమోచకుడు;

నా దేవుడు నేను ఆశ్రయించే నా కొండ,

నా డాలు* నా రక్షణ కొమ్ము*, నా బలమైన కోట.

3 స్తుతికి యోగ్యుడైన యెహోవాకు నేను మొరపెట్టాను,

నా శత్రువుల నుండి నేను రక్షించబడ్డాను.

1 నా దేవా, నేను మిమ్మల్ని ఆశ్రయించాను,

నన్ను కాపాడండి.

1 యెహోవాయే నాకు వెలుగు నా రక్షణ

నేను ఎవరికి భయపడతాను?

దేవుడే నా జీవితానికి బలమైన కోట

నేను ఎవరికి భయపడతాను?

2 నన్ను మ్రింగివేయాలని

దుష్టులు నా మీదికి వచ్చినప్పుడు,

నా శత్రువులు నా పగవారు

తూలి పడిపోతారు.

3 సైన్యం నన్ను ముట్టడించినా,

నా హృదయం భయపడదు;

నా మీదికి యుద్ధానికి వచ్చినా,

నేను ధైర్యం కోల్పోను.

1 యెహోవా, నేను మీలో ఆశ్రయం పొందాను;

నన్ను ఎప్పటికీ సిగ్గుపడనీయకండి;

మీ నీతిని బట్టి నన్ను విడిపించండి.

2 మీరు నా వైపు చెవియొగ్గి,

నన్ను విడిపించడానికి త్వరగా రండి;

నా ఆశ్రయదుర్గమై,

బలమైన కోటవై నన్ను కాపాడండి.

3 మీరు నా కొండ, నా కోట;

మీ నామాన్ని బట్టి నన్ను నడిపించండి.

4 నా కోసం ఏర్పాటు చేయబడిన ఉచ్చులో పడకుండ నన్ను తప్పించండి,

ఎందుకంటే మీరు నా ఆశ్రయమై ఉన్నారు.

5 మీ చేతికి నా ఆత్మను అప్పగిస్తున్నాను.

యెహోవా నా నమ్మకమైన దేవా, నన్ను విడిపించండి.

3 నేను ఎల్లప్పుడూ వెళ్లగలిగే,

నా ఆశ్రయదుర్గంగా ఉండండి;

మీరు నా కొండ నా కోట కాబట్టి,

నన్ను రక్షించేందుకు ఆజ్ఞ ఇవ్వండి.

8 మనుష్యులను నమ్మడం కంటే

యెహోవాను ఆశ్రయించడం మంచిది.

9 రాజులను నమ్మడం కంటే

యెహోవాను ఆశ్రయించడం మంచిది.

5 అవును, నా ఆత్మ దేవునిలోనే విశ్రాంతి పొందుతుంది;

ఆయన వలననే నాకు నిరీక్షణ కలుగుతుంది.

6 ఆయన నా కొండ నా రక్షణ;

ఆయన నా కోట, నేను కదల్చబడను.

7 నా రక్షణ నా ఘనత దేవుని పైనే ఆధారపడి ఉన్నాయి;*

ఆయన నాకు శక్తివంతమైన కొండ, నా ఆశ్రయము.

8 ప్రజలారా, ఎల్లప్పుడూ ఆయనను నమ్మండి;

మీ హృదయాలను ఆయన ఎదుట క్రుమ్మరించండి,

ఎందుకంటే దేవుడు మనకు ఆశ్రయము. సెలా

17 మీరు నా బలం, నేను మీకు స్తుతిగానం చేస్తున్నాను;

దేవా, మీరు, నా కోట,

నన్ను ప్రేమించే నా దేవుడు.

1 ప్రభువా, తరతరాల నుండి

మీరే మా నివాస స్థలంగా ఉన్నారు.

2 పర్వతాలు పుట్టక ముందే,

మీరు లోకమంతటిని చేయక ముందే

నిత్యత్వము నుండి నిత్యత్వము వరకు మీరే దేవుడు.

9 అణచివేయబడిన వారికి యెహోవా ఆశ్రయం,

కష్ట సమయాల్లో బలమైన కోట.

10 మీ నామం తెలిసిన వారు మీమీద నమ్మకం ఉంచుతారు,

ఎందుకంటే యెహోవా, మిమ్మల్ని వెదికే వారిని మీరు ఎన్నడూ విడువరు.

7 దేవా! మీ మారని ప్రేమ ఎంత అమూల్యమైనది!

నరులు మీ రెక్కల నీడను ఆశ్రయిస్తున్నారు.

7 యెహోవా మంచివారు,

ఆపద సమయాల్లో ఆశ్రయం ఇస్తారు.

ఆయన మీద నమ్మకముంచే వారిపట్ల ఆయన శ్రద్ధ చూపుతారు.

4 మీరు పేదవారికి ఆశ్రయంగా ఉన్నారు,

అవసరతలో ఉన్నవారికి తమ బాధలో మీరు ఆశ్రయంగా ఉన్నారు,

తుఫానులో ఉన్నవారికి ఆశ్రయంగా,

వేడి నుండి తప్పించే నీడగా ఉన్నారు.

ఎందుకంటే, క్రూరుల శ్వాస

గోడకు తాకే తుఫానులా,

26 యెహోవాకు భయపడేవారందరికి సురక్షితమైన కోట ఉంది,

వారి పిల్లలకు అది ఆశ్రయంగా ఉంటుంది.

29 నింద లేనివారికి యెహోవా మార్గం ఒక ఆశ్రయం,

కాని కీడు చేసేవారికి అది పతనము.