1 Ko e ʻOtua ko hotau hūfanga mo e mālohi, ko e tokoni lahi pea ofi ʻi he mamahi.

1 Ko ia ʻoku nofo ʻi he potu lilo ʻi he fungani māʻolunga, ʻe nofomaʻu ia he malumalu ʻoe Māfimafi.

2 Te u pehē, "Ko Sihova, ko hoku hūfanga ia mo ʻeku kolo:

ko hoku ʻOtua te u falala kiate ia."

3 Ko e moʻoni te ne fakamoʻui koe mei he hele ʻae tangata tauhele,

pea mei he mahaki fakaʻauha.

4 Te ne ʻōʻōfaki koe ʻaki hono fulufulu,

pea te ke falala ki hono lalo kapakau:

ko ʻene moʻoni ko ho fakaū mo ho pā ia.

1 Te u ʻofa kiate koe, ʻE Sihova, ko ʻeku mālohi.

2 Ko hoku makatuʻu ʻa Sihova, mo ʻeku kolo, mo hoku fakamoʻui;

ko hoku ʻOtua, ko hoku mālohi, ʻaia te u falala ki ai;

ko hoku fakaū, mo e mālohi ʻo ʻeku moʻui, mo hoku hūfanga māʻolunga.

3 Te u ui kia Sihova, ʻaia ʻoku ngali mo ia ʻae fakafetaʻi:

ko ia te u moʻui ai mei hoku ngaahi fili.

1 ‌ʻE ʻOtua, ke ke fakamoʻui au: he ʻoku ou falala kiate koe.

1 Ko ʻeku maama mo hoku fakamoʻui ʻa Sihova;

te u manavahē kia hai?

Ko e mālohi ʻo ʻeku moʻui ʻa Sihova;

pea te u manavahē kia hai?

2 ‌ʻI he haʻu kiate au ʻae kau angahala, ko hoku ngaahi fili mo e kau fakamamahi kiate au,

ke kai ʻo ʻosi hoku kakano, naʻa nau tūkia ʻo hinga.

3 Kapau ʻe fakataha ʻae kautau ke tauʻi au,

ʻe ʻikai manavahē hoku loto;

neongo ʻae tuʻu mai ʻae tau kiate au,

te u falala pe ʻi he meʻa ni.

1 ‌ʻOku ou falala kiate koe, ʻE Sihova;

ʻoua naʻa ke tuku au ke u mā:

fakamoʻui au ʻi hoʻo māʻoniʻoni.

2 Fakatokangaʻi ho telinga kiate au;

ke vave hoʻo fakamoʻui au:

ke ke ʻiate au ko e maka mālohi,

ko e fale hūfanga ke fakamoʻui au.

3 He ko koe ko hoku makatuʻu mo ʻeku kolo:

ko ia, ko e meʻa ʻi ho huafa ke ke tataki au, ʻo fakahinohino au.

4 Toho au mei he kupenga kuo nau ʻaʻau fakafufū kiate au:

he ko koe ko hoku mālohi.

5 ‌ʻOku ou tuku atu hoku laumālie ki ho nima:

kuo ke huhuʻi au,

ʻE Sihova ko e ʻOtua ʻoe moʻoni.

3 Ke ke ʻiate au ko e nofoʻanga mālohi ʻaia te u hū maʻuaipē ki ai:

kuo ke fekau ke fakamoʻui au;

he ko koe ko hoku makatuʻu mo hoku hūfanga.

8 ‌ʻOku lelei lahi ʻae falala kia Sihova ʻi he falala ki he tangata.

9 ‌ʻOku lelei lahi ʻae falala kia Sihova ʻi he falala ki he ngaahi ʻeiki.

5 ‌ʻE hoku laumālie, ke ke tatali pe ki he ʻOtua;

he ʻoku meiate ia ʻeku ʻamanaki lelei.

6 Ko ia pe ko hoku makatuʻu mo hoku fakamoʻui: ko hoku hūfanga ia;

ʻe ʻikai faʻa ueʻi au.

7 ‌ʻOku ʻi he ʻOtua ʻa hoku fakamoʻui mo ʻeku fiefia:

ko e makatuʻu ʻo hoku mālohi, mo hoku hūfanga ʻoku ʻi he ʻOtua.

8 Falala maʻuaipē kiate ia; ʻakimoutolu ʻae kakai,

lilingi homou loto ʻi hono ʻao:

ko e hūfanga ʻae ʻOtua kiate kitautolu. Sila.

17 ‌ʻE hoku mālohi, te u hiva kiate koe:

he ko hoku kalofanga ʻae ʻOtua, ko e ʻOtua ʻoku ʻaloʻofa kiate au.

1 ‌ʻE Sihova, ko koe ko homau hūfanga ʻi he toʻutangata kotoa pē.

2 ‌ʻI he teʻeki ai fakatupu ʻae ngaahi moʻunga,

pea teʻeki ai te ke ngaohi ʻae fonua mo māmani,

ʻio, talu mei muʻa ʻo aʻu ʻo taʻengata, ko koe pe ko e ʻOtua.

9 Pea ko e hūfanga foki ʻa Sihova ki he mamahi,

ko e kalofanga ʻi he ngaahi ʻaho fakamamahi.

10 Pea ko kinautolu ʻoku ʻilo ki ho huafa te nau falala kiate koe:

he ko koe, ʻE Sihova, naʻe ʻikai te ke siʻaki ʻakinautolu ʻoku kumi kiate koe.

7 ‌ʻE ʻOtua, hono ʻikai mahuʻinga fau ʻa hoʻo ʻaloʻofa!

Ko ia ʻoku falala ai ʻae fānau ʻae tangata ki he malu ʻo ho kapakau.

7 ‌ʻOku lelei ʻa Sihova, ko e hūfanga mālohi ia ʻi he ʻaho ʻoe mamahi; pea ʻoku ne ʻiloʻi ʻakinautolu ʻoku falala kiate ia.

4 He naʻa ke hoko ko e tokoni ki he kakai paea, ko e mālohi ki he masiva ʻi heʻene mamahi, ko e hūfanga mei he afā, ko e malumalu mei he pupuha ʻoka tatau ʻae tuʻoni matangi ʻoe kakai fakailifia mo e afā ʻoku faʻaki ki he ʻā maka.

26 ‌ʻOku ai ʻae falala mālohi ʻi he manavahē kia Sihova:

pea ʻe maʻu ʻe heʻene fānau ʻae potu hūfanga.

29 Ko e hala ʻo Sihova ko e mālohi ia ki he angatonu:

ka ʻe hoko ʻae fakaʻauha kiate kinautolu ʻoku ngāue ʻi he angahala.