1 Pachia tuh aening khynnaw te

thawzung nynh thua,

vawsaw ccyh lya zungzae

oun bawmtu nynh thua.

1 Ahang Huaccepaw kya-e

khynnaw kya na umpaw,

Athunghuapaw kya-e mynlyh kaw

na umpaw nang nynh

2 Bawipaw kyakhe, "Ka khynnaw te

ka rhawlungrua athuapaw

ka Pachia kha ka doliaku,"

cite na hopah cih.

3 Aning nynh nang kha kaangsyatupaw

kaang kyate thuasah,

chi khopaw ccinaw kyate thuasah

ae luesah cih;

4 a sake ming nynh

nang kha ae bong cih zah,

a sake kaw khe khynnaw na mue cih;

a lungzinaw tuh khawriaphua te

rhawtuk-zunghe athua cih.

1 Pou Bawipaw , ka thawzung

na thuapaw nang kha kae sungsah.

2 Bawipaw tuh ka lungpi,

ka rhawlungrua, yn luesahtu,

ka Pachia, ka khynnaw lungpi,

ka khawriaphua,

yn khumpaw saki te

ka rekunaw nynh thua.

3 Thehoysah lan angaekuhpaw

Bawipaw kha ka ko,

tukeiccuze ka rhaw hae kyate

khum ka thua cih.

1 Pou Pachia, na kya ka reku keiccuze

yn thungkhawtua.

1 Bawipaw tuh ka awnaw te

kae yn khumtu nynh thua;

Hum raw mou ka rih cih?

Bawipaw tuh ka hiinnaw

a rekunaw nynh thua;

Hummou ka ripah cih?

2 Kae yn rawsepaw rhaw hae,

ccungccaw hoylei hae paw nynh

ka ngesaw kha ae lan

he yn rawse hae tuh,

thykuh hae zah a khuliakuh hae.

3 Rhawkaw phu nynh kae kha

rawsete yn sannua hae zemah,

ka thinlung tuh rih lan khyh;

kae kha rawsete rhaw a tho hae zemah,

zynkunaw ka hoi cih.

1 Pou Bawipaw , na kya ka rekuh;

maethyate yn nung nan;

na dingnaw te yn luesah tua.

2 Na nakaring kha ka kalan

yn tuaku tua lah,

arangte beih yn khumtua.

Nang tuh ka hanlan khynnaw

lungpi thua lah,

kae kha khum khylan sihkakinpaw

rhawlungrua thuatua.

3 Nang tuh ka lungpi te

ka rhawlungrua nynh na thua ccaccing;

pawccecize na min hanlan

yn cciakhae lah, yn muihsah tua,

4 yn syakhaw hae paw kaang kyate

yn luesah tua,

pawccecize nang tuh

ka khynnaw nynh na thua.

5 Ka muisaw hynh na kuih kya kae ap;

Pou Bawipaw , alungzipaw Pachia,

kae kha nae shawkhaw vae.✝

3 Ka hanlan khynnaw lungpi thua lah,

kae kha khum khylan atynpaw

rhawlungrua thuatua,

pawccecize nang tuh ka lungpi te

ka rhawlungrua nynh na thua.

8 Ccungccaw doliaku laeze

Bawipaw doliaku tuh ahoyhua.

9 Laephi bawi doliaku laeze

Bawipaw doliaku tuh ahoyhua.

5 Ka muisaw nynh Pachia rou kha

daebabi lan a ngaehoi,

pawccecize ka ngaehoinaw tuh

amaw kya rou nynh a um.

6 Amaw rou hynh nynh ka lungpi,

ka khumnaw te ka khynnaw athua;

kae tuh yn piasah kho lan khyh hae.

7 Ka luenaw te ka sung-enaw tuh

Pachia kya nynh a um;

athungpaw ka lungpi,

ka khynnaw tuh Pachia nynh thua.

8 Pou ccungccaw hae, Pachia kha

doliakuh zungzae oh;

nae thinlung kha amaw malang khe

hungpah oh;

Pachia tuh aening khynnaw nynh thua.

17 Pou ka thawzung,

na kalan thehoysahnaw hlaw ka sah cih,

Pou Pachia, nang tuh

ka rhawlungrua nynh na thua,

atynpaw sungsahnaw yn langsapakuhpaw

Pachia nynh na thua.

1 Bawipaw, nang tuh she takyh kya

kae khynnaw nynh na thua.

2 Mua hae na rae mawze,

laephi pynpi na rae mawze

nang tuh athonaw kyate

athangnaw kyacia

Pachia nynh na thua.

9 Bawipaw tuh tuaasahkunaw

a teing hae paw hanlan

rekunaw thua zah,

vawsaw tung lya rekunaw nynh thua.

10 Te na min a nyh hae paw nynh

nang kha ae doliaku hae,

pawccecize, pou Bawipaw ,

nang ae ccung hae paw kha

na vua boi khyh hae.

7 Pou Pachia, atynpaw na sungsahnaw tuh

pawcih baban aphute!

Ccungccaw balyn tuh

na sake mynlyh kyakhe a rekuh cih hae.

7 Bawipaw tuh ahoy,

vawsaw tung ccyh lya

khynnaw hmin nynh thua;

amaw kya a rekuh hae paw kha

thungkhaw hae zah,

4 Pawccecize nang tuh ryachi hae hanlan

khynnaw na thua zah,

anyaa hae paw nynh

mih vawsaw lya khynnaw,

khise kyate luenawpaw rekunaw te

khuaninso kyate

luenawpaw mynlyh nynh na thua.

Rysawthah hae paw thinrianaw tuh

khuaccihsaw lya-e khise hawte

atho vae ze thuasah,

26 Bawipaw raw a rihpaw tuh

zynkunaw varyng hoi zah,

a ccaaw hae mah

khynnaw a hoi cih hae.

29 Bawipaw laanpi tuh

miding hanlan rekunaw nynh thua,

thuasalama hoyleinaw

a rae hae paw kha a ro hae.