Deus nos chamou
Deus nos chamou antes da fundação do mundo. Ele nos conhece pelo nome, nos predestinou para sermos conforme a imagem de Cristo e nos capacita para o chamado.
Chamados por Deus
Os que Deus predestinou, também os chamou. O Seu chamado é irrevogável — fundamentado no propósito eterno e na graça abundante.
आपणु काजे मालम छे की जे माणसे भगवान सी परम करे, तींद्रे वाटे आखी वात मेळीन भलाय काजे उबजाड़े; मतलब हींद्रे वाटे जे भगवानेन अनसारे बुलावला छे। जीनुक भगवान पेहलुत सी नेवाड़ी की हीनुक पेहलुत सी आपणा पुर्यान रुप मां ठेरावे काहाकी बेसका भायस मां चु आखा सी मट्लु भायस बण सके। अळतेन तीनु काजे भगवान पेहलुत सी ठेहरावलु छे, तीनु काजे बुलायु बी; ने तीनु काजे बुलायु, तीनु काजे वारलु ठेहरायु, तीनु काजे वारलु ठेरायु तीनु काजे सेक-सींगार बी आप्यु।
मे जी बी दुवा करो की तीनी आस वाटे भगवान तुहुंंक बुलावलु छे, तीनी आस काजे तुहुंं मन मां वारु जाण लेवु। ने ज बी पाक्का जाण लेणु चाहजे, की भगवानेन नेवाड़्ला माणसेक, चुखला माणसेम सी जड़न्या हकेन सेक धन बेसकु छे। मे जी बी दुवा करो की, तुहुंं ज बी जाण लेवु की, जे ईसु पर भुरसु करे तींद्रे मां काम करने वाळान भगवानेन ताकत, रुकाये नी असी बेसकी मटी छे।
हेरेसी आपणा मालीक ईसुन गवा देणे वाटे, तु घुण लाजवायु, ने मे पोलुस ईसु वाटे जेलेम कुंडाय रयु करीन बी मां लाजवाये; बाकुन भगवान आपे तीना जुर सी ईसुन खुस-खबर सामळावणेन काम वाटे दुख झेलने मां मारु साजल्यु बण। भगवान आपणु छुटकारु आपलु छे, ने आपणुक चुखली जीवाय जीवणे करीन बुलावलु छे। आपणु काहना बी भला कामे कर्या करीन ते नी, बाकुन आपसी मरजीन अनसारे आपसी गीण-दयान साहरे चु आपणुक बचाड़न्यु ने बुलायु। आपणे पर ईसु मसीन साहरे गीण-दया देखाड़नेन युजना, कळ घड़ायणेन पेहले सीत भगवान बणावलु। एक कह्याम आपणुक जी गीण-दया कळ घड़ायणेन पेहले सीत जड़ली। ने हय भगवान छुड़ावणे वाळा ईसु मसी काजे धरती पर मकलीन आपसी जी गीण-दया उजेंतु कर देदु, ने आपसुन खुस-खबरेन परचारेन साहरे जीवाय्न वाट, हय अमर जीवाय्न वाट उजेंतु कर देदलु छे।
हय भगवान जु आखा गीण-दयान झोर छे, तीनाक तुहुंं ईसु मसी मां आपणी जलमेन सेक-सींगार वाटे बुलावला छे, तुहुंंक थुड़ीक वार लग दुख झेलनेन पछे आपसुत तुहुंंक पाक्कु ने काठु ने ताकत वाळु करसे।
A resposta ao chamado
Ninguém pode vir a mim se o Pai não o atrair. Deus escolheu os fracos para confundir os fortes — e nos chamou para a luz.
बाकुन जी वात समज लेवु, जत्यार लग मेसेक मकलन्यु भगवान बास तीनाक बी मनवीन मारे धड़े नी लावे तत्यार लग तीनुक मारे धड़े नी आवाये, असला माणसे काजे मे आकरी दाहड़े, मतलब नीयावेन दाहड़े मर्या-सर्याम सी पछु जीवतु करीन बठु कर दीस।
ए भायसे ने भणस्या, आपणे बुलाये जाणेन ते सुचु की नी डीलेन अनसारे बेसका अकलवाळा, ने नी बेसका ताकत, ने नी बेसका नावसाद्या बुलाय गुया। बाकुन भगवान कळीन डेड़-अकल्या काजे नेवाड़ लेदु की अकलवाळा काजे सरमाड़े, ने भगवान ईनी कळीन ताकतवाळा माणसेक लाजवाड़े करीन तीनु माणसेक नेवाड़ लेदु, तीनु काजे ईनी कळीन माणसे लुल्ला समजे।
ए मारा लाटेक्ला भायस्यो ने बहणस्या। सामळु। भगवान ईनी कळीन गरीब माणसे काजे भुरसा मां मालदार बणावे ने भगवानेन राजेन हकदार्या बणावणे करीन नेवाड़लु छे। जे भगवान काजे परम करे, तीनुक चु आपसा राजेन हकदार्या बणावणे करीन पेहलुत वायदु करलु हतलु।
जु भगवान आपणुक भुतड़ान आंदारला राज मां सी छुड़ायन आपसा लाटेक्ला पुर्यान राज मां ली आवलु छे। ने ईना पुर्यान साहरे आपणुक आपणा पापेन माफी जड़ली छे, आपणुक छुटकारु जड़लु छे।
पतरस तीनुक कह्यु, "तुहुंं पाप भीणी सी मन फेरवीन भगवान भीणी वळु, ने तुंद्रे मायन एकेक जणु आपणा-आपणा पापेन माफी वाटे ईसु मसीन नावेन बपतीस्मा लेवु। ती तुहुंं भगवानेन चुखली-आत्मान वाटु हात करसु, काहाकी भगवानेन चुखली-आत्मान वाटु आपणेन वायदु तुंद्रे वाटे, ने तुंद्री अवल्यात वाटे छे, ने तीनु आखा वाटे छे, जे हींताळ छेटा छे ने तीनुक हामरु मालीक भगवान बुलावणे वाळु छे।"
Confirmando o chamado
Procurai tornar cada vez mais firme a vossa vocação. Deus começou a boa obra e a completará até o dia de Cristo.
हीनी वजे सी ए भायसे आपणे बुलाय जाणेन, ने नेवाड़ लेदा जाणेन पुरावु करनेन भली भाती कुसीस करता जावु, काहाकी कदी असा करसु, ती कदी बी वाटे सी नी भुलवायु। बाकुन हीनी रीत सी तुहुंं हामरा मालीक ने छुटकारु आपण्या ईसु मसीन जलमेन राज मां वारु ईज्जतेन साते जाती रवसु।
ने मेसेक ईनी वात पर पाक्कु भुरसु छे की, जु भगवान तुंद्रे ईचमां वारलु काम सुरु करलु छे, हयुत तीना कामेक ईसु मसीक पछु आवता लग पुरो करसे।
भगवानेन पंगत बुलावला ते बेसका छे, बाकुन नेवाड़ला थुड़ाक छे।