Deus nos chamou
Deus nos chamou antes da fundação do mundo. Ele nos conhece pelo nome, nos predestinou para sermos conforme a imagem de Cristo e nos capacita para o chamado.
Chamados por Deus
Os que Deus predestinou, também os chamou. O Seu chamado é irrevogável — fundamentado no propósito eterno e na graça abundante.
Ko gita taqe gigilai sa tadira qai roroqua na Tamasa sa isa sa roitiniria doru sakasava pana soana sa votua na jongana, ko sa roiti vei inara sisa pana tadira sa kukuria ura isa sa na ona nyorogua isa pana tadira. Ko ira sa tei gigilariaona tu perangana, sa ira ba sa tei vileria tu perangana ko kode mai tekua sa na uana tana Tuna mekai, ko na Tuna mekai sa sa vei na marene podo kimanaqe goto ira sa na boko tasina marene. Ko ira sa tei vileria tu perangana sa ira ba sa tei soruria tu, ko ira sa tei soruria tu perangana sa ira ba sa tei vatuvisiria tu pa moena mekana, beto ko ira sa tei vatuvisiria tu pa moena mekana sa ira ba sa tei valavataria tu.
Ko tonai sa mai tarevanga vakabere sira na bulomiu poni sa muna boka gigila vatalea agou sa na sakasava jongadi qu tasorunia ko qu korapa vera gegeleniria. Beto muna gigilaria agou sira na isisongo jojonga poreveveidi sa taringunguti vakole vaniria ira na ona tinoni na Tamasa, beto ko muna gigila vatalea agou sa ai lavata ululu jolana vei sa na ona neqi sa kole pana tadagita taqe vasosotoa isa. Ko isa na neqi sa tavaroiti pana tadagita api sa kai muqisi podeke vei tugu na neqi lavata
Ko sa vei sa muke pogoso kekeania sa na vavakatona na veveina na oda Bangara beto na veveiqu ara qa tapiu talenia sisa. Goto mu somana gosororia pana neqi tana Tamasa sira na tapata qa gosoro taleniria na nongoro jongana ara. Na Tamasa isa sa alogita beto sa kukugita sa gita ko ta toania na toa liosona sau. Ko nake oda roiti jongadi sa sa alonigita na Tamasa gita goto pana ona nyorogua mekana beto na ona roroqu vaialona tu na Tamasa sa taqe taalo sa gita. Ko tonai tu sa oqoro podalai na totoso sa vanigita isa tana Karisito Jisu sa na roroqu vaialona isa. Ba kopira na roroqu vaialona isa sa sa tadogoro vakabere pana bola votu lame tana oda inaalo, na Karisito Jisu. Ko na Karisito Jisu sa tei valovea tu sa na mate beto sa vadogoro vakaberenigita pana nongoro jongana sa na toa kepore vinabetona.
Ba pa liguna muna suvere vitigi pana iapeki totoso papakana, sa na Tamasa mekana isa sa pugelia na vairoqu sa mina tuvaka vatuvisigou, mina sori vamaurugou, mina vaneqigou beto mina vaturu vamaurugou sagou. Isa sa na Tamasa sa kukugou ko muna somana isongia agou sa nona neqi kole jolana, ura qu gigilai agou sa na Karisito.
A resposta ao chamado
Ninguém pode vir a mim se o Pai não o atrair. Deus escolheu os fracos para confundir os fortes — e nos chamou para a luz.
Kepore sa kai tinoni mina boka lame taqu, vei minake toni lamenia na Tamaqu isa sa garunusiu ara. Ko isa mina lame taqu sa ara mana vatoa mulea pa rane liligu sisa.
Ego, ka visa tavitiqu, mu doria tu ai tinoni veveimiu sagou totonai sa kukugou na Tamasa ko. Nake sokumiu agou sa na gigalaimiu pana dodogoro tadira na tinoni pa kasia gusu, nake sokumiu agou sa na poreveveimiu, nake sokumiu agou sa na podo lame veimiu pana tatamana poreveveidi. Ba isa tugu na sakasa qai doro veinia na duduvilina ira na tinoni pa kasia gusu sa sa vilea na Tamasa ko sa vakeaniria sira na tinoni gigalaidi; beto ko isa tugu na sakasa qai doro veinia kepore ona neqi ira na tinoni pa kasia gusu sa sa vilea na Tamasa ko sa vakeaniria sira na tinoni neqidi.
Mu vainongoro lame, ka visa tavitiqu jojonga! Na Tamasa tu sa tei vileria tu sira na tinoni golabadi pa kasia gusu ko mai tinoni isisongo pana rarange beto mai somana isongia na binangara, isa sa taringungutiniria na Tamasa ira na tinoni qai roroqua isa.
Isa sa na Tamasa sa alogita pana neqi tana rodomo ko sa vakarovogita pana binangara tana Tuna isa sa roroqua, na Tuna isa sa ruvatagita ko qai taleoso sira noda sela.
Poni sa pira sauniria i Pita, <<Agou doru sa mu okokoto gabala ko mu tapaputaiso pa korapa isongona i Jisu Karisito ko mai taleoso sira na miu sela, beto sa muna tekua agou sa na vaivana tana Tamasa, isa na Gagala Tabuna. Ura na taringunguti tana Tamasa api sa tamugou tugu, tadira na tumiu agou beto tadira doru qai suvere pa souna, ko tadira doru gu ira na Bangara na oda Tamasa mina kukuria,>> sau si Pita.
Confirmando o chamado
Procurai tornar cada vez mais firme a vossa vocação. Deus começou a boa obra e a completará até o dia de Cristo.
Ko inara sa vei, ka visa tavitiqu, ko mu podeke vivitigia ko mu gigila vatalea sa na ginuana sa kukugou beto sa vilegou na Tamasa. Ko vei muna roitiniria agou sira na roiti aipira poni sa kode munake boka tatupe pana miu rarangena na Karisito sagou. Ko na vuana na miu popodeke lavata sa kode muna tekua agou sa na vinamalumu sosotona ko muna tomea sa na binangara kole jolana ta noda Bangara beto na inaalo i Jisu Karisito.
Ura qa vasosoto vatalea ara sa api, na Tamasa isa sa podalainia na roiti jongana tamugou sa isa kode minake beto roitinia sa na roiti jongana isa tinganai ko mina kamua na rane mule lame tai Jisu Karisito.
Ura kubo sira qai tasoru, ba ira ka vivisa gu sa qai tavile,>> sau si Jisu.