Deus nos chamou
Deus nos chamou antes da fundação do mundo. Ele nos conhece pelo nome, nos predestinou para sermos conforme a imagem de Cristo e nos capacita para o chamado.
Chamados por Deus
Os que Deus predestinou, também os chamou. O Seu chamado é irrevogável — fundamentado no propósito eterno e na graça abundante.
ဘုရားသခင်ဟှို ရှစ်ဟှူသူ၊ ကြံစည်တော်တိုင်း ခေါ်တော်မူရှင်းခံရဟှူ သူလေရဲ့ ကောန်းဟှူ ကျိုးလေတွပ် ရှိမျှဂူလောင်းဟှာ တညီတညွတ်ဒဲ ပြုစုဂေ့ဟှယ် ဆိုဇာဟှို နို့လေ သိဂေ့ဟှယ်။ ဘုရားသခင် ဝီးကော့-က်တော်မူဟှူ သူလေဟှာ သူ့ရဲ့သားတော်ရဲ့ ပေါင်သဏ္ဌာန်တော်န တူဟှို့တွပ် ရှေးမဆွဟှနေဘီး ခွဲခန့်မှတ်သားဟှားလေဟှယ်။ အယ်မျိုး ဝီးကော့-က်မှတ်သားဟှူကြောန်းဟှ သားတော်ဟှာ ညီလေဘောင်ဂီးထဲမာ နောန်ဂီးဖြစ်ဟှို့တွပ် ဖြစ်ဟှယ်။ အယ်မျိုး ခွဲခန့်မှတ်သားဟှားဟှူသူလေဟှို ခေါ်တော်မူဘီးဟှာ သန့်ရှင်းဖြောန့်မတ်ဟှူရာမာ တည်စေတော်မူဟှယ်။ အယ်မျိုး တည်စေဟှူသူလေဟှိုလည်း ချီးမြှော့-က်တော်မူဟှယ်။
ဘုရားသခင်ဟှာ နန်းနို့ရဲ့ စိနှလောင်းမျစ်စိဟှို ဖွမ့်ဟှို့တွပ်န ခေါ်ဟှားဟှူဇာနဆိုင်ဟှူ မျှော်လင့်ဇာဟှာ ဖယ်မျိုးဇာဖြစ်ဟှယ် ဆိုဇာရော၊ သန့်ရှင်းဟှူသူလေဟှ ခံရဟှူမွီဟှာ ဖောင်းသရေတော်န ဖယ်မျှလော့-က် ကြွယ်ဝဟှူဇာရော၊ ကိုယ်တော်ရဲ့ စွမ်းသတ္တိန ပ္လဲ့ဇောင်ဟှူ တဂိုးရှီဝါရဲ့ လောက်ဆောန်ဇာအားဖြင့် ယောင်ကြည်ဟှူ နို့လေထတ်ဟှို ရော့-က်လာဟှူတဂိုးဟှာ ဖယ်မျှလော့-က်ထူးခြားဘီး ရရာတိုင်း ကီးဟှယ် ဆိုဇာဟှိုရော နန်းနို့လေဟှာ သိဟှို့တွပ် ငါဆုတောန်းဟှယ်။
အယ်ကြောန့် နို့လေရဲ့ သခင်ဘုရားကြောန်းဟှို သတ်သေခံဟှူ ဇာဘဲ့ဖြစ်ဖြစ်၊ ခရစ်တော်တွပ် ကျဉ်းသားဖြစ်ဟှူသူ နို့လေတွပ်ဘဲ့ဖြစ်ဖြစ် ယှစ်ကြော့-က်ဘဲန ဘုရားသခင် ပေးတော်မူဟှူ တဂိုးတော်ဟှို ရဟှူတိုင်း ကောန်းမြတ်ဟှူ ဒန်းကောန်းတွပ် ငါ့နတူးဒူ ဆင်းရဲဒေါက်ခဟှို ခံပါ။ ဘုရားသခင်ဟှာ နို့လေကျင့်ဟှူ ကျင့်ဟှို ထော့-က်ထားတော် မှုဘဲန ရှေးကာလရော့-က်ခန်ဂဒဲဟှ ယေရှုခရစ်အားဖြင့် နို့လေတွပ် ကိုယ်တော်တိုင်ဘဲ့ ကြံစည်တော်မူဟှူ ကျေးဇူးတော်တိုင်း နို့လေဟှို ကယ်တန်ဘီး သန့်ရှင်းဟှူသူရာမာ ခေါ်ဟှားတော်မူဟှယ်။ အယ်ကျေးဇူးတော်ဟှာ နို့လေရဲ့ကယ်တန်ရှင် ယေရှုခရစ်တော် ပေါ်ထွပ်တော်မူဟှူ ဇာအားဖြင့် ခု ထန်ရှားနေဟှယ်။ အယ်သခင်ဟှာ သေရှင်းဟှို ဖယ်ရှားဘီး သတ်နတူးဒူ ဖော့-က်ပ္လန်ဇာမှေ့ဘဲဟှူ ဒန်းကောန်းအားဖြင့် ထန်ရှားစေတော်မူဘီ။
ယေရှုခရစ်တော်အားဖြင့် နို့လေဟှို ထာဝရ ဖောင်းသရေတော်ထဲဟှို ခေါ်တော်မူဟှူကျေးဇူး ဂူလောင်းဟှို ပြုတော်မူဟှူ ဘုရားသခင်ဟှာ ဆင်းရဲဒေါက်ခလေဟှို ရှစ်ဟှားခံစားရဟှူ နန်းနို့လေဟှို စောင်လင်စေဘီး တည်ကြည်ခိုင်ခံ့ မြဲမြံစေတော်မူလေ့မယ်။
A resposta ao chamado
Ninguém pode vir a mim se o Pai não o atrair. Deus escolheu os fracos para confundir os fortes — e nos chamou para a luz.
ငါ့ဟှို စေလွတ်ဟှူ ဖဟှ သူးနို့ဟှို ဆွဲခေါ်ဟှ ဆိုဟှာ လူလေဟှာ ငါ့နားဟှို လာနိုင်ဂေ့ဟှ။ ငါ့နားဟှို လာဟှူလူလေဟှို နော့-က်ဆောင်းနေ့မာ ငါဟှာ ရှင်ပ္လန်ထမြော့-က်စေမယ်။
ညီကို မောန်နှမလေ၊ နန်းနို့ဟှို ဝီးကော့-က်ဟှူ ကြောန်းရာဟှို ပ္လန်ဘီး ဆင်ခြင်ကေ့ဂေ့ပါ။ လူ့အဗြင်အားဖြင့် ပြောရမယ် ဆိုဟှာ နန်းနို့လေဟှို ခေါ်ဟှူဇာဟှာ ပညာရှိဟှူသူလေ၊ အသရေရှိဟှူသူလေ၊ မန်းမျိုးမန်းနွယ်လေ လှော့-က်ဘီးပါဟှ။ အယ်ဘေမဲ့ ဘုရားသခင်ဟှာ သူ့ရဲ့ ကြံစည် ရည်ရွယ်ချစ်အားဖြင့် ပညာရှိလေဟှို ယှစ်ရစေဟှို့တွပ် လောကမာ မိုက်မဲဟှူသူလေဟှို ဝီးကော့-က်တော်မူဟှယ်။ စွမ်းသတ္တိရှိဟှူ လူလေဟှို ယှစ်ရစေဟှို့တွပ် လောကမာ အားနဲဟှူ သူလေဟှို ဝီးကော့-က်တော်မူဟှယ်။
ငါရှစ်ရဟှူ ညီကို မောန်နှမလေ၊ နားထောန်ဂေ့ပါ။ ယောင်ကြည်ရှင်းမာ ကြွယ်ဝဟှူ လူလေဖြစ်ဂေ့ဟှို့တွပ်၊ ဒိထားဟှားဟှူ နိုင်ငံတော်ဟှို မွီခံရဟှူလူလေ ဖြစ်ဂေ့ဟှို့တွပ် ဘုရားသခင်ဟှာ လောကမာ ဆင်းရဲဟှူလူလေဟှို ဝီးကော့-က်ဟှားဇာ မှုဟှလော။
ဖဘုရားသခင်ဟှာ နို့လေဟှို မှောန်မိုက်ရဲ့တဂိုးဟှ ကယ်နှုတော်မူဘီးဟှာ သူရှစ်မြတ်နိုးတော်မူဟှူ သားတော်ရဲ့ နိုင်ငံတော်ထဲဟှို ခေါ်သွမ်းတော်မူဟှယ်။ နို့လေဟှာ အယ်သားတော်အားဖြင့် ဝီးနှုရှင်းဖြစ်ဟှူ ပြစ်လေ ခွမ့်လွှတ်ရှင်း ကျေးဇူးဟှို ရရှိဂေ့ဟှယ်။
ပေတရုဟှ "နန်းနို့ ပြစ်လေဟှို ခွမ့်လွှတ်ပေးဇာခံရဟှို့တွပ် နောန်ဒရဂေ့ဘီး ယေရှုခရစ်တော်ရဲ့ နာမန နန်းနို့ ယော့-က်စီတိုင်း ဗတ္တိဇံဟှိုခံဂေ့။ အယ်ဆိုဟှာ နန်းနို့ဟှာ ဆုလတ်ဆောန်ဖြစ် သန့်ရှင်းဟှူဝိညာဉ်တော်ဟှို ရဂေ့လေ့မယ်။ ဖြားဖြစ်ကြောန့်နူးဆိုဟှာ ဘုရားသခင်ရဲ့ ဂဒိတော်ဟှာ နန်းနို့ တွပ်ရော၊ နန်းနို့ သားမီးလေတွပ်ရော၊ ဝီးမာရှိနေဟှူ လူလေတွပ်ရော ဖြစ်ဟှယ်။ တနည်းအားဖြင့်ဆိုဟှာ နို့လေရဲ့ ဘုရားသခင်ခေါ်ဟှားခံရဟှူ လူလေ ဂူလောင်းတွပ်လည်း ဖြစ်ဟှယ်" ဆိုဘီး သူးနို့ဟှို ပြောလေဟှယ်။
Confirmando o chamado
Procurai tornar cada vez mais firme a vossa vocação. Deus começou a boa obra e a completará até o dia de Cristo.
အယ်ကြောန့် ညီကို မောန်နှမလေ နန်းနို့ခံရဟှူ ခေါ်တော်မူရှင်းန ဝီးကော့-က်တော်မူရှင်းဟှို တည်မြဲစေဟှို့တွပ် ပိုဘီး ကြိုးစားအားထုဂေ့ပါ။ အယ်မျိုးပြုနေမယ် ဆိုဟှာ ထိမိဘီးလဲဇာန မြဲဒမ်း ကင်းလွတ်လေ့မယ်။ နော့-က်ဘီး နို့လေဟှို ကယ်တန်တော်မူဟှူ သခင်ယေရှုခရစ်ရဲ့ ထာဝရ နိုင်ငံတော်ထဲဟှို ဝမ်စားဟှူခွမ့်ဟှို နန်းနို့လေဟှို ကြွယ်ဝအောန် ပေးသနားတော် မူလေ့မယ်။
နန်းနို့မာ အယ်မျိုးကောန်းမြတ်ဟှူမှုဟှို စဘီးလောက်ဟှူ ဘုရားသခင်ဟှာ ယေရှုခရစ်တော်ရဲ့ နေ့ရစ် ရော့-က်လာခီထိ အယ်မှုဟှို ပီးအောန်လောက်မယ်ဆိုဇာဟှို ငါဟှာ ယောင်ကြည်စိခ္လဟှယ်။
အယ်ဘီးန ယေရှုဟှ "ဖိခေါ်ခံရဟှူ သူလေ ဘောင်းဂီးရှိဘေမဲ့လည်း ဝီးကော့-က်ခံရဟှူ သူလေဟှာ နဲလေဟှယ်" ဆိုဘီး မိန့်တော်မူလေဟှယ်။