28 Bisu liyaabi ti, pasi bisiha bibavangama mu libwe la ba batondo Nzambi, na ba nde hateele we bu huli kesili a nde. 29 Buuna, mu baatu ba Nzambi hatswamini usoolo, nde atswamini uvolo kesili mu ufwanisa bo na Mwana a nde, mana nde aba pasa-bibelo ŋa hati la baana ba ngu ba balahi. 30 Baatu ba Nzambi hatswamini usoolo, nde ateeli kaka bo. Ba nde haateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu bibaayaka muyusu a nde.

18 Nyaha nde ayalusa miisu mi mutima a benu, mana benu litsikaha, ki hiitu hyaakangama mu teelili yi nde haateeli benu, na ki busina bu muyusu a mabwe, ma nde haamiiswehele ba buli la nde. 19 Nyaha nde ayabisa benu, ki bunene bu matwala ma kimuhili, ma nde ali na mo mu bisu banga imiinu. Matwala mo maana, ni ma Nzambi haasalili na ibahala,

8 Ni mu buuna, a hamono tsonyi mu imbangi hi we usa mu Pfumu a bisu. A hamono kaka tsonyi mu me, wu uli kondaayi mu tooni a Pfumu. Ka siinga umono pasi na me mu Musamu wu Mubwe, mu mifudi mi Nzambi ubaava.

9 Nde ni wu ayobolo bisu,

na wu ateele bisu mu mbila ya ngidi,

a mu tooni mavaanga ma bisu ma mabwe ve,

ka mu tooni a kesili a nde mwakulu

na mu tooni bubwe bwa nde.

Nde asa bisu kolo-kolo a nde mu Yisu Kristo,

tswamina mbandili a taangu.

10 Ka nde amiimweese bisu bwo taangu yiniiyi,

mu monihili a Muyobili a bisu Yisu Kristo.

Nde ni wu asukasa matwala ma lipfu,

na mu Musamu wu Mubwe, nde amweese moonyi wu ubaavelekwa.

10 Benu sa libwemono pasi mwaana a taangu hoole. Ka Nzambi wu ubaamweese hyese hya nde hyoosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.

44 Muutu tso mumosi utwala uya huli me ve, tso Taata wu atsindaha me a habehi nde ve. Me tsa tsuula muutu mo wuuna ŋa hati la babaakwa, mu ilumbu hya tsyelele.

26 Baana ba ngu, tsimaani buni benu laaba ŋa Nzambi haateeli benu. Mu talili yi imuutu, ŋa hati la benu, banga tsiki ndulu hoole bali, banga lituma ndulu hoole bali, ba bali mu bibaandu bi byamonehele ndulu hoole bali. 27 Ka Nzambi asoolo bi baatu bubaamono ti ladi, mu ukwisa banga tsiki tsonyi. Na nde asoolo bi baatu bubaamono ti byakolo, mu ukwisa banga a pinyu tsonyi.

5 Yuhaani baana ba ngu a me baa litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi baa mukobe a Ipfumu hi Nzambi hasiidi nzuhisini, huli baa bubaatondo nde.

13 Nde ayobolo bisu hu tsina matwala ma piipidi, na abita bisu hutso Ipfumu hya Mwana a nde wu litondo. 14 Ni mu nde bisu laamiiyoboho mu ma mabi, na masumu ma bisu baamiinyahula.

38 Peetelo akaali bo: «Sobwaani mbiili, na pasi muutu mu benu batondehe mu nduhi a Yisu Kristo. Saani buuna, mana Nzambi amasa masumu ma benu. Ni huuna benu lu uyaka bungodu bu Livupu la Ngidi. 39 Mu tooni ati, nzuhisini la Nzambi baasiidi mu benu, mu baana ba benu. Lahi la Nzambi baasiidi mu boosi ba bali hu matsi ma lala, na mu pasi muutu wu Pfumu Nzambi a bisu hu uteele.»

10 Ni mu buuna, baana ba ngu, hwadaani mu usa mifudi mu usilasa ti ni mbuli, Nzambi ateele benu na asoolo benu mu uba buli la nde. Tso benu livaangi buuna, benu utwala ubwisa imiinu hya benu ve. 11 Ka ni buuna Nzambi husiingasa benu kotili mu Ipfumu hi bilima na bilima, hya Pfumu na Muyobili a bisu Yisu Kristo.

6 Me ndi na hiitu ti: Nzambi wu abaandihi usa isalu hi hibwe ŋa hati la benu, ukwilala mu ubaasa hyo, natee hu tsukusu, mu ilumbu hi Kristo Yisu hu uyafutaha.

14 Mu mbuli, ba balahi bali ba baatsiha, ka ndulu hoole bamiisoolo».