Deus nunca falha

14 «Nɔ̀un nà, nà ga ʋa zaazu. Niizu à suɠwɛɛ ga pagɔ wo-yiimaʋɛ ta wa-ɠisiɛi zu, ga Ɠɔoɠɔ GALAGI wa-ƓALAGI ná-minazeɠe kpɔɛ ʋagɔiti ma wooi gila kpalaa suɲaka la yɛni. Ti pɛ daazeeliʋɛ wo ʋɛ, gila kpalaa suɲaka la yɛni.

45 Faanɛɛi kpein Ɠɔoɠɔ GALAGI ma minazeɠeni ga é kɛ Izilayɛle nuɓusɛiti bɛ, ʋele ɠana naa pɛ daazeelini la, tanɔpɛ suɲaka la ɠɛni yɛni.

56 «Mamagi ɠa Ɠɔoɠɔ GALAGI ʋɛ, tɛigi é dooɠogi veai ná-nuɓusɛiti Izilayɛle nuiti bɛ, eɠɛʋelei é minazeɠeni la, mazɔlɔɔ minazeɠe goo ʋagɔi kpein é puuni ná-botiɠɛ nui Moize laaʋɛ, tanɔpɛ ge la yɛni ʋoluzu, nii daa la zeelini.

19 GALA ge la ga nuɓusɛi, é ʋa zɛɛi wo,

ɓaa nu vulu, é ʋa zeɠe kpɔɛ wooi ʋa.

Nii é bogai, é la naa ɠɛa ɓaa?

Toɠa woo wo, é la su vai ɠɛa?

11 Ɠɔoɠɔ GALAGI ná-tɛnɛ gooiti ta ɗa yɛ ná yeenɔpɛ,

ta koozu ɠaaɠisiɛiti ta yɛ ná ɠɔ.

6 À wɛlɛ maazu ʋelei geeɠɔlɔgi ʋa,

naa ʋolu wo wɛlɛ buu ʋelei zooi ma.

Geeɠɔlɔgi ɠa ɲɛɛlɛ eɠɛ duului,

zooi wɔlɔzaɠa, é loo ya eɠɛ seɠei,

gaa nuiti undaaʋili eɠɛ diiliiti.

Kɛlɛ kizo fai gè ʋaazu la,

naa ɠa yɛ ná ɠɔ,

kwɛ ge la ɠɛa nà-kɛɛwotii ma lelebodai ʋa.

140 Ɗa-minazeɠegi ma ladalai ɠulaʋɛ kɛlɛma,

naa ɠa é ba, ti nɛɛʋɛ bɛ̀, nɛ̀i gè ga ɗa-wotiɠɛ nui.

13 Ɗa-masadai ɠa ga ɠɔoɠɔ masadai,

ɗa-ɠundiɠilai ɠa yɛsu ná, yeeɠɛɠalaiti pɛ su.

Ɠɔoɠɔ GALAGI ɠa ga wooɠɛɠila nu ná-minazeɠegiti su,

daavegɛ ga nuɓɔɠɔlai fai kpein su é kɛɛzu.

14 Ɠɔoɠɔ GALAGI ɠa ɗa naati suzo, niiti ti loozu,

é naati sɔle, niiti ti ɓiligai.

5 Anɛɛ naa ʋe, Ɠɔoɠɔ GALAGI ɠa ná, taazuʋɛ,

é ɗa ɓɔɠɔ lɛ ga telebo nu ʋe,

é la faa ɲɔu nɔpɛ kɛɛzu.

Sobu-o-sobu, zeɠema la ba, toɠa ná-tukpɔiti gaaleʋezu.

Kɛlɛ faa ɲɔu ɠɛ nui la ɗa ga unfe pɛ.

3 Yeeɠɛɠalai la dɛ zeelini

ga kulakɛlɛmai tɛi daa ʋa zeeli,

kɛlɛ toɠa na maaɓuɠa kɛɛyeei ʋa,

é la valiboga pɛ.

Sulɛbi pa, maaɓɔun,

mazɔlɔɔ daa ɠa zeeli nɔ ti,

é la zeɠea ma pɛ.

20 Mazɔlɔɔ GALA ná-minazeɠegi pɛ daazeeliʋɛ ga Yesu maaʋele. Deɠɛmu da bosu ga tɔun maaʋele ga «amina», nii a kɛ lɛbiyai ve GALA bɛ. 21 Gi ʋɛɛ wo ʋa, GALA ka é ade ɠiliai Kilista ʋa kpe, é yiimazeɠe ga adeye. 22 GALA ka é yeeʋogi ʋilɛgai ade ʋa, ga de ɠɛ ga nɔnɔiti, é ná-Zɛnvu Ɲadegai ʋu ade-yiimaʋɛti ga faanɛɛiti ti ʋaazu naati ma ʋoogi.

23 Ade da-ɠitogi zo kpaan, nii ade ma vaa wosu, mazɔlɔɔ zɔi é minazeɠegi wogai, toɠa ga wooɠɛɠila nu.

13 Wa-ɠilibalai maaʋele ma wa Kilista, wa ɓalaagi, siɛgi zu wo gaama ɓɔɛi mɛnini da, Woo Niinɛ Ʋagɔi é ʋaazu ga kizo fai wo ʋɔ, wo ɠidaaleʋeni Kilista ma. GALA ge poogi veeni wo ya ga Zɛnvu Ɲadegai, nii é ma minazeɠegi woni. 14 Naama Yɛnvui ɠa ga faanɛɛiti ti-ma ʋoogi, niiti GALA ka ti ve ade ya, siɛgi zu ade ti maalolisu da, naa ɠa a kɛ ade maaʋele ma maamusɛi ve ná-lɛbiyai ʋɛ.

Suɠɔɠɔgi ta tɛgai

12 Undaanɛ nu ɠa ga naama nui, zɔi é losu kpaan suɠɔɠɔgi zu, mazɔlɔɔ suɠɔɠɔgi ʋoluma, toɠa pilɛ sɔlɔɔ masa bɔɔlɔgi zɔlɔɔ ga ɠɔoɠɔ zɛnvui, nii GALA ge minazeɠea la naati bɛ, niiti ti nɛa ʋɛ.