Deus nunca falha
Deus nunca falha. Nenhuma de suas promessas vem ao chão. O que Ele prometeu, Ele cumprirá. A fidelidade de Deus é o fundamento inabalável da nossa fé.
Promessas cumpridas
Nenhuma boa palavra falhou de todas as promessas que Deus fez. Ele é fiel e verdadeiro em tudo o que diz.
"Bambae i no longtaem, mi mi ded. Yufala evriwan i savegud long tingting blong yufala we Hae God ya i givim ol gudgudfala samting ya long yumi, stret olsem we hem i promes bifo finis. Olgeta promes ya blong hem, hem i mekem oli kamtru evriwan, i no gat wan promes nating i stap we i no kamtru.
Hem i holem olgeta promes ya we i mekem long ol bubu blong olgeta bifo, se bambae i mekem i gud long olgeta. I no gat wan long olgeta i foldaon, olgeta evriwan i kamtru.
Hem i talem se, "Yumi evriwan ya, yumi man blong Hae God. Yumi presem hem, from we hem i bin mekem we yumi gat pis, olsem we hem i bin promes* blong mekem. Olgeta gudgudfala promes ya blong hem we i bin givim long Moses, man blong wok blong hem bifo, blong i talemaot long ol bubu blong yumi, hem i holem olgeta, we hem i no mestem wan long olgeta nating.
God i no olsem man,
we i save giaman, hem i no olsem yumi,
we yumi save jenisim tok blong yumi.
Sipos hem i promes blong mekem wan samting, be bambae hem i mas mekem.
Sipos hem i talem tok blong hem, be wantaem nomo,
tok ya i mas kamtru.
Be ol plan blong hem
oli stap stanap strong oltaem.
Tingting blong hem i stap we i stap,
i no save finis samtaem.
Fidelidade eterna
A Palavra do Senhor permanece para sempre. A tua palavra é muito pura e o teu servo a ama profundamente.
!Yufala i luklukgud long skae!
!Yufala i luklukgud long graon ya!
Skae ya bambae i lus olsem smok,
mo graon ya bambae i kam nogud
olsem klos we i olfala,
mo ol man we oli stap long hem,
bambae oli lus olsem ol flae
we oli lus long koltaem.
Be taem mi mi sevem yufala,
bambae yufala i stap gud
gogo i no save finis.
Taem mi mi win,
bambae mi holem yufala i stap gud,
we neva yufala i save lus bakegen.
!Promes blong yu i tru we i tru!
!Mi mi laekem tumas!
Psalms
Yu nomo yu King
mo bambae yu yu stap rul oltaem,
gogo i no save finis.
(Tok i go long ol man.)
Oltaem Hae God i stap holem ol promes blong hem,
mo evri samting we hem i stap mekem
oli gud tumas.
Hem i stap givhan long olgeta
we oli stap long trabol,
mo i stap leftemap olgeta
we oli foldaon.
(Tok i go long Hae God.)
Nating we olgeta ya oli stap mekem olsem, be Hae God i stap oltaem long taon ya. Oltaem, fasin blong hem i stret olgeta, neva hem i mekem samting we i no stret. Evri moning, hem i stap soemaot stret fasin blong hem long ol man blong hem, we i no save mestem. Nating we hem i stap mekem olsem long olgeta, be ol man we fasin blong olgeta i no stret, oli no gat sem nating, oltaem nomo oli stap mekem i nogud."
from we taem blong ol samting ya i no kam yet, be bambae oli mas kamtru i no longtaem. Olgeta samting we mi mi soemaot long yu long vison ya bambae oli mas olsem. Maet yu luk se i tektaem tumas blong kam, be bambae i mas kamtru long stret taem blong hem, mo yu yu mas wet long hem.
Segurança em Deus
Todas as promessas de Deus são sim e amém em Cristo. Fiel é Aquele que prometeu — Ele jamais nos decepcionará.
Jisas ya, hem i olsem ansa we i talem se "Yes" long olgeta promes we God i talem finis. Mo from we yumi joen long hem, taswe yumi save talem se "Amen" blong leftemap nem blong God i go antap. Hemia God nomo ya we i stap mekem mifala wetem yufala, yumi savegud we yumi joen finis long Kraes. Hem nomo i mekem yumi tabu, mo i putum mak blong hem long yumi, se yumi man blong hem. Mo hem nomo i putum Tabu Spirit ya long laef blong yumi, blong soemaotgud we ol promes blong hem bambae oli kamtru long yumi.
I gud yumi holemtaet fasin ya we yumi talemaot finis se i fasin blong yumi, we yumi putum tingting blong yumi i stap strong long God. I gud yumi mekem olsem, from we i tru, yumi save bilif long God, se hem bambae i save mekem ol promes* blong hem i kamtru.
Mo yufala tu we i no laen blong Isrel, Kraes i joen wetem God, nao God i makemaot yufala tu blong yufala i man blong hem. Yufala i harem trutok finis. Hemia gud nius ya we God i yusum blong sevem yufala, mo taem yufala i harem, yufala i bilif long Kraes. Nao God i putum mak blong hem long yufala, se yufala i man blong hem, from we hem i givim Tabu Spirit long yufala, olsem we hem i promes finis. From we Tabu Spirit ya i stap long laef blong yumi, yumi save savegud we bambae yumi save kasem ol samting ya we God i makemaot finis, se oli blong yumi. Tabu Spirit ya i soemaot we God bambae i mekem yumi ya we hem i pemaot yumi finis, bambae yumi fri olgeta. Nao i stret nomo blong yumi stap leftemap nem blong God i go antap oltaem, from fasin ya blong hem we i gudfala tumas.
Taem ol samting oli kam blong traem bilif blong man, be hem i stap stanap strong, hem i save harem gud, from we taem hem i winim ol samting ya we oli kam blong traem hem, God bambae i flasem hem olsem we oli flasem man we i win long faet. Mo praes we God bambae i givim long hem, hemia laef ya we hem i promes finis blong givim long olgeta we oli lavem hem.