Deus nunca falha

14 "आता मी लवकरच सर्व जग जाते त्या वाटेने जाणार आहे. तुम्हाला तुमच्या सर्व हृदयाने व जिवाने माहीत आहे की, याहवेह तुमच्या परमेश्वरांनी तुम्हाला दिलेल्या सर्व चांगल्या अभिवचनातील एकही निष्फळ झाले नाही. प्रत्येक अभिवचन पूर्ण झाले आहे; एकही निष्फळ झाले नाही.

45 याहवेहने इस्राएली लोकांना दिलेली जी चांगली अभिवचने होती त्यातील एकही निष्फळ झाले नाही; त्यातील प्रत्येक अभिवचन पूर्ण झाले.

56 "याहवेह धन्यवादित असोत, त्यांनी आपल्या अभिवचनानुसार त्यांच्या इस्राएली लोकांना विसावा दिला आहे. त्यांचा सेवक मोशेद्वारे जी चांगली अभिवचने याहवेहने दिली त्यातील एकही निष्फळ झाले नाही.

19 परमेश्वर मनुष्य नाहीत की त्यांनी लबाडी करावी,

ते मानव नाहीत, की त्यांनी आपले मन बदलावे.

याहवेह बोलणार आणि त्यानुसार करणार नाहीत काय?

त्यांनी अभिवचन दिले आणि ते पूर्ण करणार नाहीत काय?

11 परंतु याहवेहच्या योजना सर्वकाळ स्थिर राहतात;

त्यांच्या हृदयातील हेतू प्रत्येक पिढीसाठी कायमस्वरूपी असतात.

6 तुमची दृष्टी वर आकाशाकडे करा,

आणि खाली पृथ्वीकडे पाहा;

आकाश धुरासारखे विरून नाहीसे होईल,

पृथ्वी वस्‍त्रांप्रमाणे जीर्ण होईल

आणि पृथ्वीवरील लोक चिलटांप्रमाणे मरतील.

परंतु माझे तारण सदासर्वकाळ टिकेल.

माझ्या नीतिमत्तेचा कधीही अंत होणार नाही.

140 तुमची अभिवचने पूर्णपणे पारखली गेली आहेत,

म्हणूनच तुमच्या सेवकाला ती अतिशय प्रिय आहेत.

13 कारण तुमचे राज्य अनंतकाळचे राज्य आहे,

तुमची सत्ता पिढ्यान् पिढ्या चालते.

याहवेह आपल्या सर्व प्रतिज्ञांशी एकनिष्ठ आहेत,

त्यांच्या सर्व कार्यात ते विश्वासू असतात.

14 याहवेह सर्व पतन पावलेल्यांस उचलून घेतात

व ओझ्याखाली वाकलेल्यास आधार देऊन उभे करतात.

5 परंतु तिच्यात असणारे याहवेह नीतिमान आहेत;

ते काहीही अयोग्य करीत नाहीत.

प्रतिदिन सकाळी ते त्यांचे न्यायदान करतात,

आणि कोणत्याही नवदिनी ते असफल होत नाहीत,

तरी अधर्म्यांना लाज काय ते ठाऊकच नाही.

3 कारण प्रगटीकरण त्याच्या नियोजित वेळेची वाट पाहते;

ते अंत समयाबद्धल बोलते

आणि ते खोटे ठरत नाही.

जरी ते विलंबित होते, तरी त्याची वाट पाहा;

ते* निश्चितच येईल

आणि त्याला उशीर होणार नाही.

20 परमेश्वराने कितीही अभिवचने दिलेली असोत, ख्रिस्तामध्ये ती "होय" आहेत. परमेश्वराच्या नावाचे गौरव करीत आम्ही त्यांच्याद्वारे "आमेन" म्हणतो. 21 आता हेच परमेश्वर जे तुम्हाला व आम्हाला असे आपणा दोघांना ख्रिस्तामध्ये स्थिर करतात. त्यांनी आमचा अभिषेक केला आहे, 22 त्यांच्या मालकीहक्काचा शिक्का आमच्यावर मारला आहे आणि आमच्या अंतःकरणात पवित्र आत्मा ठेव म्हणून ठेवला आहे, जे येणार आहे त्याची हमी देत आहे.

23 आपण न डगमगता आपल्या आशेचा भरवसा दृढ धरू; कारण ज्यांनी वचन दिले ते विश्वसनीय आहेत.

13 जेव्हा तुम्ही सत्याचा संदेश ऐकला, आणि तारणाच्या शुभवार्तेवर विश्वास ठेवला, तेव्हा तुमचा ख्रिस्तामध्ये समावेश झाला व तुम्हावरही वचनदत्त पवित्र आत्म्याचा शिक्का मारला गेला, 14 आणि हा आत्मा परमेश्वराच्या लोकांसाठी खंडणी व आपल्याला वतनाचा विसार म्हणून त्यांच्या गौरवाच्या स्तुतीसाठी दिला आहे.

12 जो कोणी व्यक्ती परीक्षेत धीर धरतो तो धन्य आहे, कारण परीक्षेत उतरल्यावर, प्रभूने आपल्यावर प्रीती करणार्‍यांना जो जीवनी मुकुट देण्याचे वचन दिले आहे, तो त्याला मिळेल.