14 "अब ये धरती ले मोर जाय के समय आ गे हवय। तुमन अपन पूरा हिरदय अऊ मन ले जानत हव कि ओ जम्मो भलई के बात, जेला यहोवा तुम्हर परमेसर ह तुमन ले करे रिहिस, ओमा ले एको ठन बात घलो बिगर पूरा होय नइं रिहिस। ओकर हर वायदा ह पूरा होय हवय; ओमा के एको ठन घलो बिगर पूरा होय नइं रिहिस।

45 यहोवा के दुवारा इसरायल बर करे गय जम्मो बने वायदामन ले एको ठन भी अधूरा नइं रिहिस; हर एक वायदा ह पूरा होईस।

56 "यहोवा के महिमा होवय, जऊन ह अपन वायदा के मुताबिक अपन इसरायली मनखेमन ला बिसराम देय हवय। ओह अपन सेवक मूसा के जरिये जऊन बने वायदामन ला करे रिहिस, ओमा के एको ठन घलो नइं छूटिस।

19 परमेसर ह मनखे नो हय, कि ओह लबारी मारय,

ओह मनखे नो हय, कि ओह अपन मन ला बदलय।

का ओह बोलथे अऊ वइसने नइं करय?

का ओह वायदा करथे अऊ ओला पूरा नइं करय?

11 पर यहोवा के योजना ह हमेसा मजबूत बने रहिथे,

ओकर मन के उदेस्य ह पीढ़ी-पीढ़ी तक बने रहिथे।

6 अकास कोति आंखी उठाके देखव,

खाल्हे धरती ला देखव;

अकास ह धुआं के सहीं लोप हो जाही,

धरती ह ओनहा के सहीं जुन्ना हो जाही

अऊ येमा रहइयामन माछीमन कस मर जाहीं।

पर मोर उद्धार ह सदाकाल तक बने रहिही,

अऊ मोर धरमीपन के कभू अन्त नइं होही।

140 तोर वायदामन पूरा परखे गे हवंय,

अऊ तोर सेवक ह ओमन ले मया करथे।

13 तोर राज ह एक कभू खतम नइं होनेवाला राज ए,

अऊ तोर परभूता ह जम्मो पीढ़ी म बने रहिथे।

यहोवा ह अपन जम्मो परतिगियां ला पूरा करे म बिसवासयोग्य अय

अऊ अपन जम्मो काम म घलो बिसवासयोग्य अय।* के आखिरी के दू पंक्ति नइं ए

14 यहोवा ह ओ जम्मो ला संभालथे, जेमन खाल्हे गिरथें

अऊ जऊन मन खाल्हे झुकथें, ओमन ला ऊपर उठाथे।

5 यहोवा, जऊन ह ओकर भीतर हवय, ओह धरमी अय;

ओह कोनो गलत काम नइं करय।

रोज बिहनियां ओह अपन नियाय ला परगट करथे,

अऊ कोनो दिन ओह कोनो बात म नइं चुकय,

तभो ले अधरमीमन ला लाज नइं आवय।

3 काबरकि ये दरसन के बात ह एक ठहिराय समय म पूरा होही;

येह आखिरी समय के बारे म बताथे

अऊ येह गलत साबित नइं होवय।

भले ही येमा देरी होवय, पर ये बात के इंतजार करव;

येह जरूर पूरा होही

अऊ येमा देरी नइं होवय।

20 काबरकि परमेसर के जम्मो परतिगियां ह मसीह म "हां" अय। अऊ एकरसेति, ओकर जरिये, हमन परमेसर के महिमा म, "आमीन"* कहिथन। 21 येह परमेसर ए जऊन ह हमन ला अऊ तुमन ला मसीह म मजबूत बनाय रखथे अऊ ओह हमर अभिसेक करे हवय। 22 ओह हमर ऊपर मालिकाना हक के अपन मुहर लगाय हवय अऊ अमानत के रूप म अपन आतमा ला हमर हिरदय म दे हवय, जऊन ह कि ओकर बात के गारंटी अय।

23 आवव, हमन ओ आसा ला मजबूती ले धरे रहन, जऊन ला हमन स्वीकार करथन, काबरकि जऊन ह वायदा करे हवय, ओह बिसवासयोग्य अय।

13 अऊ तुमन घलो मसीह म मिलाय गे रहेव, जब तुमन सत के बचन ला सुनेव, जऊन ह उद्धार के सुघर संदेस अय। ओमा, जब तुमन बिसवास करेव, त परतिगियां करे गय पबितर आतमा के मुहर तुमन म लगिस। 14 अऊ ये पबितर आतमा ह हमर उत्तराधिकारी बने के गारंटी ए, जब तक कि परमेसर ह ओमन ला जऊन मन ओकर संपत्ति अंय, पाप ले मुक्ति नइं दे देवय, जेकर ले ओकर महिमा के इस्तुति होवय।

12 धइन ए ओ मनखे, जऊन ह जिनगी के परिछा म डोले नइं; काबरकि ओह चोखा निकलके जिनगी के ओ मुकुट ला पाही, जेकर वायदा परभू ह अपन मया करइयामन ले करे हवय।