Deus nunca falha

14 "ఇప్పుడు మనుష్యులందరు వెళ్లే మార్గంలోనే నేను వెళ్లబోతున్నాను. మీ దేవుడైన యెహోవా మీకు ఇచ్చిన మంచి వాగ్దానాలలో ఒక్కటి కూడా విఫలం కాలేదని మీ హృదయాలకు మనస్సులకు తెలుసు. ప్రతి వాగ్దానం నెరవేరింది; ఒక్కటి కూడా విఫలం కాలేదు.

45 ఇశ్రాయేలీయులకు యెహోవా చేసిన మంచి వాగ్దానాలలో నెరవేరకుండా ఒక్కటి కూడా లేదు; ప్రతి ఒక్కటి నెరవేరింది.

56 "యెహోవాకు స్తుతి కలుగును గాక! తన వాగ్దానం ప్రకారం ఆయన తన ఇశ్రాయేలు ప్రజలకు నెమ్మది కలుగజేశారు. ఆయన తన సేవకుడైన మోషేకు ఇచ్చిన మంచి వాగ్దానాలన్నిటిలో ఒక్కటి కూడా తప్పలేదు.

19 అబద్ధమాడడానికి దేవుడు మనుష్యుడు కాదు,

మనస్సు మార్చుకోవడానికి ఆయన నరపుత్రుడు కాదు.

ఆయన మాట్లాడి క్రియ చేయరా?

ఆయన వాగ్దానం చేసి నెరవేర్చరా?

11 కానీ యెహోవా ప్రణాళికలు శాశ్వతంగా నిలుస్తాయి,

ఆయన హృదయ ఉద్దేశాలు అన్ని తరాల వరకు ఉంటాయి.

6 ఆకాశాల వైపు మీ కళ్ళెత్తి చూడండి,

క్రిందున్న భూమిని చూడండి;

ఆకాశాలు పొగలా మాయమైపోతాయి,

భూమి వస్త్రంలా పాతబడిపోతుంది

దాని నివాసులు జోరీగల్లా చనిపోతారు.

అయితే నా రక్షణ నిత్యం ఉంటుంది,

నా నీతి ఎన్నటికీ విఫలం కాదు.

140 మీ వాగ్దానాలు పూర్తిగా పరీక్షించబడ్డాయి,

మీ సేవకుడు వాటిని ప్రేమిస్తాడు.

13 మీ రాజ్యం శాశ్వత రాజ్యం,

మీ ఆధిపత్యం తరతరాలకు నిలుస్తుంది.

యెహోవా చేసే వాగ్దానాలన్నిటిలో ఆయన నమ్మదగినవాడు

ఆయన చేసేవాటన్నిటిలో ఆయన నమ్మదగినవాడు.*

14 యెహోవా పడిపోతున్న వారికి సహాయం చేస్తారు,

అలిసిపోయిన వారిని లేవనెత్తుతారు.

5 అయితే యెహోవా నీతిమంతుడు;

ఆయన తప్పు చేయరు.

అనుదినం ఆయన మానకుండా,

ఉదయాన్నే తన న్యాయాన్ని అమలుచేస్తారు,

అయినప్పటికీ నీతిలేని వానికి సిగ్గు తెలియదు.

3 దర్శన సందేశం ఒక నియమిత సమయంలో జరుగుతుంది;

అది అంతం గురించి మాట్లాడుతుంది

అది తప్పక నెరవేరుతుంది.

అది ఆలస్యమైనా, దాని కోసం వేచి ఉండండి;

ఇది ఖచ్చితంగా జరుగుతుంది

ఆలస్యం కాదు.

20 ఎందుకంటే, దేవుని వాగ్దానాలన్ని క్రీస్తులో "అవును" అన్నట్లుగా ఉన్నాయి. అందుకే, దేవునికి మహిమ కలుగడానికి యేసు క్రీస్తు ద్వారా మనం "ఆమేన్" అని అంటున్నాము. 21 మీతో కూడా క్రీస్తులో నిలిచి ఉండేలా, మమ్మల్ని స్థిరపరచి అభిషేకించినవాడు దేవుడే. 22 ఆయనే తన ముద్రను మనపై వేసి మనల్ని తన వారిగా ప్రకటించారు. ఆయన మనకిచ్చిన వాటిని ధృవపరచడానికి మన హృదయాల్లో పవిత్రాత్మను అనుగ్రహించారు.

23 వాగ్దానం చేసినవాడు నమ్మదగినవాడు కాబట్టి, మనం గొప్పగా చెప్పుకొనే నిరీక్షణను గట్టిగా పట్టుకుందాము.

13 మీరు కూడా సత్య వాక్యాన్ని అనగా మీ రక్షణ సువార్తను విని, క్రీస్తులో విశ్వాసం ఉంచినప్పుడు వాగ్దానం చేయబడిన పరిశుద్ధాత్మచేత ముద్రించబడి ఉన్నారు. 14 దేవుని మహిమను స్తుతించడానికి ఆయన స్వాస్థ్యమైన వారికి విడుదల కలిగే వరకు ఈ ఆత్మ మన వారసత్వానికి హామీగా ఉన్నాడు.

12 శోధన సహించినవారు ధన్యులు. పరీక్షలో నిలబడినవారు ప్రభువు తాను ప్రేమించినవారికి ఇస్తానని వాగ్దానం చేసిన జీవకిరీటాన్ని పొందుతారు.