Dia das crianças
As crianças são preciosas aos olhos de Deus. Jesus as acolheu, abençoou e ensinou que delas é o Reino dos Céus — modelos de fé, pureza e humildade.
Jesus e as crianças
Deixai vir a mim as crianças. Jesus abraçou, abençoou e honrou as crianças como modelo de fé para os adultos.
Yanagaw miglong si Jisus, "Pakadiya kanak ya manga mangayseꞌ aw ya-i mayu silan pagtageni! Kay ya manga utaw na dyumawat kanak kasiling na manga mangayseꞌ ini, silan saba ya maka-akup adti Kasakupan na Pighari-an na Tyumanem."
Singalan ya matas dun ni Kasakupan na Tyumanem?
Aw yan uman na allaw, dyumulud kan Jisus ya kanan manga umagakan aw pig-usip nilan sakanan, "Singalan ya to-o matas dun ni Kasakupan na Pighari-an na Tyumanem?" Aw migtawag si Jisus sa sambuk na tagbiꞌ na iseꞌ aw pigpa-indeg nan adti tengaꞌ nilan. Aw piglongan nan ya kanan manga umagakan, "Matinaw saba ya un ku paglongun kamayu: Kun diliꞌ ma-uman ya anenganeng mayu aw diliꞌ kamu magpadalem kasiling na tagbiꞌ na iseꞌ, diliꞌ kamu makaseled adti Kasakupan na Pighari-an na Tyumanem. Manang pangkay singalan ya magpadalem kasiling na iseꞌ ini, yan ya utaw na to-o matas dun ni Kasakupan na Pighari-an na Tyumanem.
Ya pundinganan sa karniro na nyakasuway
"Magpakatadeng kamu na diliꞌ mayu mana-naꞌ ya manga migpadalem na nyangintu-u kanak. Kay paglongun ta kamu na adti asdangan na Ama ku, awun manga anghil na gayed nyakatanaw sa pagpakabetang nilan.
Manang sa pagkitaꞌ na manga mangkatas na magdadugsu-ay aw manga magpalna-uway sa Uldin sa pigpan-imoꞌ ni Jisus, aw sa pagdengeg nilan sa tatawag na manga mangayseꞌ dun ni pamanag na Témplo, to-o silan nyangkadaman. Kay miglong ya manga mangayseꞌ, "Hosana! Deyen tadun ya buwadbuwad ni Dabid!" Yanagaw nyusip silan kan Jisus, "Unu, dyengeg mu ya piglong na manga mangayseꞌ iyan?" Aw tyumubag si Jisus, "E-e, dyengeg ku. Anangaꞌ, walaꞌ mayu kabasa ya pigpasulat na Tyumanem asini muna? Nyakasulat saba na pangkay ya mangayseꞌ dala ya manga magsusu pa, pigpalna-uwan silan na Tyumanem na magdeyen kanan."
Matinaw saba ya un ku paglongun kamayu: Pangkay singalan ya diliꞌ malim dumawat kanak kasiling na pagdawat kanak na manga mangayseꞌ ini, diliꞌ saba silan makaseled adti Kasakupan na Pighari-an na Tyumanem." Pagkatigkas yan, pigsipit nan ya manga mangayseꞌ aw pandungi nan na kanan palad aw pig-atagan nan silan na manga kadyawan magi dun ni kanan pagpanawagtawag.
Aw pagkatigkas yan, kyumamang si Jisus sa tagbiꞌ na iseꞌ aw pigpa-indeg nan dun ni tengaꞌ nilan. Tigkas yan, pigsipit nan ya iseꞌ, aw miglong si Jisus, "Pangkay singalan kamayu ya dumawat sa utaw na madalem kasiling na iseꞌ ini asuntu sa pagdalug mayu kanak, dun da aku nan uman dawata. Aw pangkay singalan ya dumawat kanak, dun da nan uman dawata ya Ama na migpadala kanak."
Instruir e proteger
Instrui a criança no caminho de Deus. Elas são herança do Senhor — presentes sagrados que devemos educar com amor.
Kamu na manga mangayseꞌ, pagka͡agadan mayu ya kamayu mangkatikadeng kay yan ya makatutuk sa Tyumanem. Kamu uman na manga ama, diliꞌ mayu pagpasobla͡an ya pagpitul sa kamayu mangayseꞌ pagaw magkalumay ya ginawa nilan.
Ya palna-u sa manga mangayseꞌ aw mangkatikadeng
Kamu na manga mangayseꞌ, asuntu na nyakasambuk da kamu kan Kristu, pagka͡agadan mayu ya kamayu mangkatikadeng, kay yan saba ya umbaꞌ imo-un. "Pagbasa͡an mu ya kanmu ama aw ina." Yeiy saba ya muna suguꞌ na Tyumanem na awun pakang. Aw ini ya pakang nan: "Basa͡an mu silan pada magkadyaw ya kanmu pag-eyaꞌ aw magkadugay ya pag-eyaꞌ mu asini tas na lupaꞌ."
Aw kamu uman na manga ama, diliꞌ mayu pagpasobla͡an ya pagpitul sa kamayu mangayseꞌ taman na kalatan kamu nilan na ginawa, manang dun ni pagpatulin mayu kanilan, palna-uwi mayu baling silan na dalugun nilan si Kristu.