Dia das crianças
As crianças são preciosas aos olhos de Deus. Jesus as acolheu, abençoou e ensinou que delas é o Reino dos Céus — modelos de fé, pureza e humildade.
Jesus e as crianças
Deixai vir a mim as crianças. Jesus abraçou, abençoou e honrou as crianças como modelo de fé para os adultos.
Gei Jesus ga helekai, "Dumaalia ang gi nia dama gi lloomoi gi di Au. Hudee daahia digaula, idimaa Teenua King o God di Langi la ni digau beenei."
Di madagoaa deelaa, gei ana dama agoago ga mmaanege adu gi Jesus, ga heeu, "Ma koai dela e kaedahi e aamua i Teenua King o God di Langi?"
Jesus ne gahi mai tamagiigi dulii ga haga duu i mua digaula, ga helekai, "Au e hagi adu di tonu bolo maa goodou hagalee huli gii hai be nia dama lligi, goodou e deemee di ulu i Teenua King o God di Langi. Tangada dela e kaedahi e aamua i Teenua King o God di Langi la go tangada dela e dugu eia gi lala gii hai be tama deenei."
"Goodou hudee haga balumee ina tangada e dahi i digau ala e lligi beenei, gei gi iloo bolo nadau gau di langi e noho i baahi dogu Damana dela i di langi.
Nia dagi hai mee dabu mono gau haga donudonu haganoho gu hagawelewele i di nadau gidee ana hegau humalia ala ne hai, mo di nadau gidee nia damagiigi e wwolowwolo i lodo di Hale Daumaha boloo, "Hagaamuina Tama a David!" Digaula ga heeu gi Jesus, "Goe e longono nia mee digaula ala e helekai ai?"
Jesus ga helekai, "Uaa, au e longono. Goodou digi daulia i lodo di Beebaa Dabu dela e helekai boloo,
‘Goe gu aago di hagaamu gi nia damagiigi,
mo nia dama lligi.’"
Au e hagi adu gi goodou di tonu bolo tangada dela hagalee kae Teenua King o God be di hai o nia damagiigi, la deemee dana ulu i Teenua King o God." Gei mee ga dahi mai nia damagiigi gi lodo ono lima, ga hagadau dugu ono lima gi hongo digaula, ga haga maluagina digaula.
Gei Mee ga gahi mai dana damagiigi, ga haga duu i nadau mua, ga bulubulu mai a mee gi ono lima, ga helekai, "Be koai hua dela e benebene tamagiigi beenei i dogu ingoo, ia ne benebene hua Au, gei tangada dela ne benebene Au, ia ne benebene Au mo Mee dela ne hagau mai Au."
Instruir e proteger
Instrui a criança no caminho de Deus. Elas são herança do Senhor — presentes sagrados que devemos educar com amor.
Aago ina tamagiigi gi di hai o dono mouli, gei mee ga langahia eia i lodo di waalooloo o dono mouli.
"Gei Au go dogu huaidina ga aago au daangada e wanga gi digaula di haadanga lamalia mo di aumaalia.
Nia dama la nia wanga dehuia mai baahi o Dimaadua,
di haga maluagina mai i baahi o Mee.
Nia damagiigi, goodou gi hagalongo gi godou maadua i nia madagoaa huogodoo, idimaa, deenei di hiihai a God.
Nia maadua, goodou hudee heia godou damagiigi gi hagawelewele, gi de duugia hua nadau manawa.
Nia damagiigi, di godou waawa hegau dama Christ belee hagalongo gi godou maadua, idimaa, deenei di mee donu e hai.
"Hagalaamua ina do damana mo do dinana,"
deenei taganoho matagidagi dela iai dono hagababa boloo,
"Nia mee huogodoo la ga humalia i godou baahi,
gei goodou gaa mee di mouli waalooloo
i hongo henuailala."
Nia maadua, hudee heia godou dama gi hagawelewele balumee, aago ina digaula gi nia agoago dama a Christ mono agoago hagamaamaa.
Dimaadua la gi haga maluagina goodou
mo di madamada humalia i goodou.
Dimaadua la gi haga maalama ina goodou
gi ono hadumada, mo di hila adu gi goodou.
Dimaadua la gi haga modongoohia aga
dono manawa dumaalia adu gi goodou,
mo di gowadu gi goodou
di noho i di aumaalia."