14 Nagsiling si Jesus sa ila, "Pabay-i lang ninyo ang mga bata nga magpalapit sa akon. Indi ninyo sila pagpunggi, kay ang mga pareho sa ila nasakop sa paghari sang Dios."

1 Sang sadto nga tion, nagpalapit kay Jesus ang iya mga sumulunod kag nagpamangkot, "Sin-o gid bala ang labaw sa tanan nga nasakop sa paghari sang Dios?"*. 2 Gintawag ni Jesus ang bata nga gamay kag ginpatindog niya sa ila tunga. 3 Dayon nagsiling siya, "Sa pagkamatuod, kon indi kamo magbag-o kag mangin pareho sa magagmay nga mga bata, indi gid kamo masakop sa paghari sang Dios. 4 Kay ang tawo nga nagapaubos pareho sa sini nga bata, amo ang labaw sa tanan nga nasakop sa paghari sang Dios.

10 "Mag-andam kamo nga indi gid ninyo pag-ibaliwala bisan ang isa sa sining magagmay nga mga bata. Kay ang matuod, ang mga anghel sang Dios nga nagabantay sa ila ara permi sa atubangan sang akon Amay sa langit.

15 Naakig ang manugdumala nga mga pari kag ang mga manunudlo sang Kasuguan sang makita nila ang makatilingala nga mga butang nga iya ginahimo kag sang mabatian nila ang mga kabataan didto sa templo nga nagasinggit, "Dayawon ta ang kaliwat ni David!" 16 Gani nagsiling sila kay Jesus, "Nabatian mo man bala ang ila ginasiling?" Nagsabat si Jesus, "Huo. Ngaa, wala bala kamo kabasa sa sining ginasiling sang Kasulatan:

" ‘Bisan gani ang magagmay nga mga bata

gintudluan mo nga magdayaw sa imo’*?"

15 Sa pagkamatuod, ang bisan sin-o nga indi magpasakop sa paghari sang Dios pareho sang pagpasakop sang mga bata nga ini indi gid malakip sa paghari sang Dios." 16 Dayon ginpangkugos niya ang mga bata, gintungtong niya ang iya kamot sa ila kag ginbendisyunan sila.

36 Dayon nagkuha siya sang bata nga gamay kag ginbutang niya sa ila tunga. Ginsabak niya dayon ang bata kag nagsiling sa ila, 37 "Ang bisan sin-o nga nagabaton sa bata nga pareho sini tungod sa akon,* nagabaton man sa akon. Kag ang nagabaton sa akon nagabaton man sa akon Amay nga nagpadala sa akon."

6 Tudlui ang bata sang husto nga pagginawi, kag dumdumon niya ina bisan tigulang na siya.

13 Ako mismo ang magatudlo sa imo katawhan,* kag mangin maayo gid ang ila kahimtangan.

3 Ang mga anak grasya kag regalo halin sa Ginoo.

20 Kag kamo nga mga kabataan, tumana ninyo ang inyo mga ginikanan sa tanan nga butang, kay amo ini ang gusto sang Ginoo.

21 Mga ginikanan,* indi ninyo pagsilutan sing sobra ang inyo mga kabataan, kay basi kon madula ang ila handom sa paghimo sang maayo.

1 Kamo nga mga kabataan, tumana ninyo ang inyo mga ginikanan, kay nagakadapat gid ini nga himuon bilang matuod nga Kristohanon. 2 "Tahura ang imo amay kag iloy." Amo ini ang una nga sugo nga may promisa. 3 "Agod mangin maayo ang imo kahimtangan kag magalawig ang imo kabuhi diri sa duta."*

4 Kamo nga mga ginikanan,* indi ninyo pagpaakiga ang inyo mga kabataan, kundi sagura ninyo sila sa pagdisiplina kag pagtudlo nga halin sa Ginoo.

24 " ‘Kabay pa nga pakamaayuhon kamo

sang Ginoo.

25 Kabay pa nga ipakita sang Ginoo ang iya kaayo

kag kaluoy sa inyo.

26 Kag kabay pa nga magmaalwan ang Ginoo sa inyo

kag hatagan niya kamo sang maayo nga kahimtangan.’