Dia das crianças
As crianças são preciosas aos olhos de Deus. Jesus as acolheu, abençoou e ensinou que delas é o Reino dos Céus — modelos de fé, pureza e humildade.
Jesus e as crianças
Deixai vir a mim as crianças. Jesus abraçou, abençoou e honrou as crianças como modelo de fé para os adultos.
ယေရှုဟှလည်း "သားဂန်းလေ ငါ့နားဟှို လာပါစေ။ ဆီးတားဂေ့န။ ကောန်းဂန်နိုင်ငံတော်ဟှာ အယ်မျိုးသူလေရဲ့ နိုင်ငံဖြစ်လေဟှယ်" ဆိုဘီး မိန့်တော်မူလေဟှယ်။
ဖယ်သူဟှာ ကီးမြတ်ဆောင်းနူး
အယ်ခီမာ တဗဲ့တော်လေဟှ ယေရှုနားဟှို လာဂေ့ဘီးဟှာ "ကောန်းဂန်နိုင်ငံတော်မာ ဖယ်မျိုးသူဟှ ကီးမြတ်ဆောင်းနူး" ဆိုဘီး မေးလျှော့-က်ဂေ့လေဟှယ်။
ယေရှုဟှ သားဂန်းတယော့-က်ဟှို သူ့နားဟှိုခေါ်ဘီးဟှာ တဗဲ့တော်လေရှေ့မာ ရပ်ခိုင်းလေဟှယ်။ အယ်ဘီးန ကိုယ်တော်ဟှ "ငါ မှန်ပြောမယ်၊ နန်းနို့လေ ပ္လောန်းလဲဘီးဟှာ အယ်သားဂန်းဟှားမျိုး ဖြစ်ဘဲဟှ ဆိုဟှာ ကောန်းဂန်နိုင်ငံတော်ဟှို ရော့-က်ရဟှို့ မှုဟှ။ အယ်ကြောန့် အယ်သားဂန်းမျိုး စိနှိခ္လဟှူသူဟှာ ကောန်းဂန်နိုင်ငံတော်မာ ကီးမြတ်ဆောင်း ဖြစ်ဟှယ်။
ပျော့-က်ဟှူသိုးရဲ့ ပေါင်ဥပမာကြောန်း
"နန်းနို့လေဟှာ ဖယ်မူသားဂန်းဟှိုမှလည်း ထီမဲ့မြင်လော့-က်မိဘဲ့နေအောန် ဒိထားဂေ့ပါ၊ နန်းနို့လေဟှို ငါပြောဟှယ်။ အယ်သားဂန်းလေရဲ့ ကောန်းဂန်တမန်လေဟှာ ကောန်းဂန်ဘောင်မာ ရှိတော်မူဟှူ ငါ့ဖရဲ့ မျစ်နှာတော်ဟှို မြဲဒမ်း ဖူးဗြင်ရဂေ့ဟှယ်။
ယဇ်ပုရောဟိတ်ဂီးလေန ကျမ်းပြုဆရာလေဟှာ ကိုယ်တော်ပြုဟှူ အံ့ဩဘွယ်မှုရာလေဟှို ဗြင်ဟှားဘီး သားဂန်းဟှားလေဟှလည်း "ဒါဝိဒ်ရဲ့သားတော် ဟောရှဏ္ဏဖြစ်ပါစေ!" ဆိုဘီး ဗိမာန်တော်ထဲမာ ကြွေးကြော်ဂေ့ဟှူ ခီမာ သူးနို့ဟှာ စိဆိုးဂေ့လေဟှယ်။ အယ်ကြောန့် သူးနို့ဟှ "အယ်သားဂန်းဟှားလေ ကြွေးကြော်နေဂေ့ဇာဟှို ကြားဘဲ့လော" ဆိုဘီး ကိုယ်တော့်ဟှို မေးလျှော့-က်ဂေ့လေဟှယ်။
ယေရှုဟှ "ငါကြားဟှယ်။ ‘သားဂန်းဟှားလေန နို့စို့ဟှားလေရဲ့ နှောက်ထဲဟှ ချီးမွမ်းဇာဟှို ပြင်ဆင်တော်မူဘီ’ ဆိုဘီး ရေးဟှားဟှူ ကျမ်းစာဟှို နန်းနို့ဖတ်ဖူးဂေ့ဟှလော" ဆိုဘီး မိန့်တော်မူလေဟှယ်။
ငါ မှန်တိုင်းပြောမယ်၊ ဘုရားသခင်ရဲ့ နိုင်ငံတော်ဟှို သားဂန်းတယော့-က်မျိုး လတ်ခံဘဲဟှူလူဟှ နိုင်ငံတော်ဟှို လောင်းဝ ဝမ်ရလေ့ဟှို့ မှုဟှ" ဆိုဘီး တဗဲ့တော်လေဟှို မိန့်တော်မူလေဟှယ်။ အယ်ဘီးန ကိုယ်တော်ဟှာ သားဂန်းလေဟှို ခီလိုက်ဘီး သူးနို့ထတ်မာ သူ့ရဲ့ လတ်လေဟှို တန်ဟှယ်။ အယ်ဘီးဟှာ သူးနို့ဟှို ကောန်းဂျီးပေးလေဟှယ်။
အယ်ဘီးန ကိုယ်တော်ဟှ သားဂန်းတယော့-က်ဟှို ခေါ်ဘီးဟှာ သူးနို့ ရှေ့မာ ရပ်ခိုင်းလေဟှယ်။ ကိုယ်တော်ဟှာ သူ့ဟှို ပိုက်ဘီးဟှာ သူးနို့ဟှို ပြောလိုက်ဇာဟှ၊ "ဖယ်လူဘဲ့ဖြစ်ဖြစ် အယ်သားဂန်းလေထဲဟှ တယော့-က်ဟှို ငါ့နာမဟှို ထော့-က်ဘီးဟှာ လတ်ခံဟှယ် ဆိုဟှာ ငါ့ဟှို လတ်ခံဟှယ်။ ဖယ်သူဘဲ့ဖြစ်ဖြစ် ငါ့ဟှို လတ်ခံဟှယ် ဆိုဟှာ ငါ့ဟှိုဘဲ့ လတ်ခံဇာ မှုဟှ ငါ့ဟှို စေလွှတ်လိုက်ဟှူ သူဟှိုလည်း လတ်ခံဟှယ်။"
Instruir e proteger
Instrui a criança no caminho de Deus. Elas são herança do Senhor — presentes sagrados que devemos educar com amor.
သားမီးလေ၊ မိဖစကားဟှို ရာရာမာ နားထောန်ဂေ့ပါ။ မိဖစကားဟှို နားထောန်ဟှူဇာဟှာ သခင်ဘုရား နှစ်သက်တော်မူဟှူဇာ ဖြစ်ဟှယ်။
မိဖလေ၊ ကိုယ့်သားမီးလေဟှို စိဆိုးအောန် ပြုဂေ့န။ အယ်မျိုးပြုဟှယ် ဆိုဟှာ သူးနို့လေဟှာ အားလျော့စိပျစ်ဂေ့လေ့မယ်။
သားမီးလေန မိဖလေကြောန်း
သားမီးလေ၊ သခင်ဘုရားရဲ့ လိုတော်တိုင်း မိဖစကားဟှို နားထောန်ဂေ့ပါ။ မိဖစကားဟှို နားထောန်ဇာဟှာ မှန်ဟှူမှု ဖြစ်ဟှယ်။ ဂဒိတော်မာပါဟှူ ပထမပညတ်ဟှ "နန့်ရဲ့ မိဖဟှို ရိုသေပါ၊ အယ်ဆိုဟှာ နန်ဟှာ ကောန်းဇားဘီး မ္လေဂီးထတ်မာ သတ်ရှယ်လေ့မယ်" ဆိုဘီး ဖြစ်ဟှယ်။
မိဖလေ၊ သားမီးလေဟှို စိဆိုးအောန် လောက်ဂေ့န။ သူးနို့လေဟှို သခင်ဘုရား လိုတော်တိုင်း ပြုစုပျိုးထောန်ဂေ့ပါ။