Dia dos avós

6 ናይታ ናይቲ

ጪሚዳ ኣሳታስ ካላቻ፤

ዬሊዳይቲ ባንታ ናይታስ ቦንቾ።

17 ጊዶ ኣቲን ጎዳስ ያዪዛይታስ

ኢዛ ሲቆይ ሜርናፔ

ሜርና ጋካናሳ፤

ኢዛ ጺሎቴይካ

ዬሌታፔ ዬሌታ ጋካናሳ።

25 ታኒ ካሴ ዬላጋ ሺን

ሃኢ ጪማዲስ፤

ጊዶ ኣቲን ጺሎ ኣሲ

ጮ ዬጌቲ ኣቲሺን፥

ዎይኮ ኢዛ ዜሬ

ካ ዎሲ ሚሺን

ታኒ ሙሌካ ቤኣ ኤሪኬ።

4 ኢሲ ዬሌታይ ካሊዛ ዬሌታስ

ኔ ኦዳ ኦሶ ዮቴስ፤

ማላሊሲዛ ኔ ኦሶታካ

ቆንጪሳና።

5 ኣይስ ጊኮ ጎዳይ ኪያ፤

ኢዛ ሲቆይ ሜርናሳ፤

ኢዛ ኣማኔቴይ

ዬሌታፔ ዬሌታ ጋካናሳ።✝

14 ኢስቲ ጬጊዲካ ኣይፋና፤

ኢስቲ ኡባ ዎዴ ጪሊሊዳ ማላኔ

ሚኒዳ ማላ ዳና።

15 ኢስቲ፥ «ጎዳይ ሊኬ፤

ኢዚ ታስ ዎጋ ዛላ፤

ኢዛ ቦላ ዎሶይ ዴና» ጋና።

31 ፑሉን ቦንቾ ካላቻ፤

ሄሲ ጺሎቴ

ዱሳን ቤቴስ።

4 ኢንቴ ጪሚዲ

ፑሉማና ጋካናስካ

ኢንቴና ቶኪዛይ ታና፤

ታኒ ታና፤

ታኒ ኢንቴና ሜዲስ፤

ታኒ ኢንቴና ቶካና፤

ታኒ ኢንቴና ካፋና፤

ታ ኢንቴና ኣሻና።

30 ዬላጋቲካ ዳቡሬቴሲኔ

ኣዛሌቴስ፤

ናቴቲካ

ጴቲዲ ኩንዴቴስ፤

31 ጊዶ ኣቲን ጎዳ

ሂዶታ ኦዛይቲ

ባንታ ዎልቃ ኦራጺሴቴስ፤

ኢስቲ ጎሌ ማላ ፒራና፤

ኢስቲ ዳቡሮንታ ዎጻና፤

ኢስቲ ባና፤ ኣርጋጬቴና።

9 «ሂስቲኮ ኢንቴ ዲዛ ዎዴ ኡባን ሃይሳ ኢንቴ ኢንቴ ኣይፌራ ቤኢዳይሳ ኡባ ባሎንታ ማላኔ ኢንቴ ዎዚናፔ ዮንታ ማላ ናጌቲቴ፤ ኢንቴ ናይታኔ ኢንቴ ናይታ ናይታካ ታማርሲቴ።