6 మీ పిల్లలను సరియైన మార్గంలో నడవమని నేర్పించండి,

వారు పెద్దవారయ్యాక కూడా దాని నుండి తొలగిపోరు.

24 బెత్తం వాడని తండ్రి తన కుమారునికి విరోధి

కుమారుని ప్రేమించేవాడు వానిని శిక్షిస్తాడు.

7 నీతిమంతులు నిందలేని జీవితాలు జీవిస్తారు;

వారి తర్వాత వారి పిల్లలు ధన్యులు.

24 నీతిమంతులైన పిల్లల తండ్రికి గొప్ప ఆనందం;

జ్ఞానం గలవానికి తండ్రిగా ఉన్నవాడు వాని వలన సంతోషిస్తాడు.

26 యెహోవాకు భయపడేవారందరికి సురక్షితమైన కోట ఉంది,

వారి పిల్లలకు అది ఆశ్రయంగా ఉంటుంది.

12 మీ దేవుడైన యెహోవా మీకు ఇచ్చే దేశంలో మీరు ఎక్కువకాలం జీవించేలా మీ తండ్రిని తల్లిని గౌరవించాలి.

3 పిల్లలు యెహోవా ఇచ్చే స్వాస్థ్యం,

గర్భఫలం ఆయన ఇచ్చే బహుమానం.

4 యవ్వనకాలంలో పుట్టిన పిల్లలు

వీరుని చేతిలో బాణాలవంటివారు.

5 వారితో తన అంబులపొదిని

నింపుకున్నవాడు ధన్యుడు.

గుమ్మంలో తమ విరోధులను ఎదుర్కొన్నప్పుడు

వారు అవమానం పొందరు.

15 అయితే యెహోవాను సేవించడం మీకు అయిష్టంగా అనిపిస్తే మీరు ఎవరిని సేవించాలో, యూఫ్రటీసు నది అవతల మీ పూర్వికులు సేవించిన దేవుళ్ళను సేవించాలో లేదా మీరు నివసిస్తున్న అమోరీయుల దేశంలోని దేవుళ్ళను సేవించాలో ఈ రోజు ఎంచుకోండి. అయితే నేనూ, నా ఇంటివారు మాత్రం యెహోవానే సేవిస్తాము."

13 మెలకువగా ఉండండి; విశ్వాసంలో నిలకడగా ఉండండి; ధైర్యం కలిగి బలవంతులై ఉండండి.

20 అతని తండ్రి దగ్గరకు వెళ్లాడు.

"వాడు ఇంకా దూరంగా ఉండగానే, వాని తండ్రి వాన్ని చూసి, వానిపై జాలిపడి, పరుగెత్తుకొని వచ్చి వాని కౌగిలించుకుని వాని మెడ మీద ముద్దు పెట్టుకున్నాడు.

21 "అప్పుడు వాడు తన తండ్రితో, ‘నాన్నా, నీకు పరలోకానికిని విరోధంగా నేను పాపం చేశాను. ఇప్పటినుండి నేను నీ కుమారుడను అని అనిపించుకోడానికి కూడా అర్హున్ని కాను’ అని అన్నాడు.

22 "కాని వాని తండ్రి తన పనివారితో, ‘త్వరగా! విలువైన వస్త్రాలను తెచ్చి ఇతనికి ధరింపచేయండి, వీని చేతికి ఉంగరం పెట్టి, కాళ్లకు చెప్పులను తొడిగించండి. 23 ఒక క్రొవ్విన దూడను తెచ్చి వధించండి. మనం విందు చేసుకుని ఆనందిద్దాము.