1 Gode da nini Ea ougiaha gaga:musa: dawa:,

amola E da Ea gasaga nini gaga:lala.

E da eso huluane ninima adi bidi hamosu doaga:sea,

fidimusa: momagei diala.

2 Amaiba:le, osobo bagade da fogosea

amola goumi da agele

hano wayabo osodogoi amoga dasea,

ninia da hame beda:mu.

3 Amolawane, hano wayabo da goba gala:le heda:sea,

amola agolo da gasa bagade igugusia, ninia da hame beda:mu.

2 ilia da Ema agoane sia:musa: dawa:,

"Di da na gesu amola na Gaga:sudafa! Di da na: Gode!

Na da Dima fawane dafawaneyale dawa:le, lalegagusa!"

8 Na dunu! Eso huluane Godema dafawaneyale dawa:ma!

Dilia bidi hamosu huluane Ema adoma!

Bai E da ninia wamoaligisu sogebi gala.

9 Se nabasu da banenesi dunu ilima doaga:sea,

Hina Gode da ilia gaga:su wamoaligisu sogebi agoai ba:sa.

10 Hina Gode! Nowa da Dia hou dawa:sea, ilia da Di dafawaneyale dawa:mu.

Nowa da Dima masea, Di da amo dunu hamedafa yolesimu.

9 Di da hano wayabo gasa bagade amo ouligisa.

Di da hano ea gasa bagade gafulusu amo asabolesisa.

4 Hina God gadodafa da Hebene amo ouligisa.

Ea gasa da hano wayabo amo ea fugala: gobe amo baligisa,

amola hano wayabo bagade ea gafulubi gasa amo baligidafa.

29 Hina Gode da isu bagade amola hano gafului amo bu legela sa:i.

35 Amaiba:le, liligi huluanedafa da Yesu Gelesu Ea asigi hou amoga nini afafamu da hamedeidafa. Ninia se nabasea, logo gasa bagade ba:sea, ha:i nabasea, muni hame gagui galea, ninima bogomu gadeneiba:le beda:su amola bogosu doaga:sea, amo da Gelesu Ea asigi hou amoga nini afafamu hamedei.

36 *Gode Sia: da agoane dedei diala,

"Ninia da Dia hou lalegaguiba:le,

eso huluane dunu da nini medole legemusa: sia:nana.

Dunu ilia sibi medole legemusa: oule ahoa,

amo hou defele ilia ninima hamosa!"

37 Be ninia Yesu Gelesu, ninima asigi bagade Dunu, Ema madelagiba:le, baligili osa:le heda:su hou dawa:. 38 Dafawane! Na dawa:! Liligi huluanedafa da Yesu Gelesu Ea ninima asigi hou amoma afafamu da hamedei. Ninia bogosea o ninia esalea, ea asigi hou amoga afafamu da hamedei. A:igele dunu amola Hebene ouligisu dunu, hisi ganodini gasa bagade a:silibu, wali hamobe hou, hobea misunu hou, 39 gadodili liligi, gududili liligi amola Gode Ea hahamoi liligi huluanedafa amo ganodini afaedafa da Gode Ea dogolegei hou amo Hina Gode Yesu Gelesu Ea hamobeba:le ninia dawa: liligi, amoga afafamu da hamedeidafa.

16 Hina Gode da Ilaidia ea lafidili sia:i, amo defele, ofodo ganodini falaua amola ganagu ganodini susuligi di da ebelemu hamedafa ba:i.

39 *Gode da Ea fi dunuma mu mobiga dedeboi.

Amola gasia hadigima:ne lalu iasi.

40 *Ilia Ema edegeiba:le, e da ilima aiyei (quail) sio i.

E da Hebeneganini, ili sadima:ne, ha:i manu i.

41 *E da igi da:iya fabeba:le, hano fudagala:le, musa:le sa:ili,

hano bagadewane hafoga:i sogega hano yogo asi.

25 Na da waha da:i hamoi dagoi.

Na da fifi misi helei.

Be na da Hina Gode noga:i dunu afae fisiagai amo hamedafa ba:i.

Amola noga:i dunu ea mano ha:i manu hameba:le,

edegenanebe hamedafa ba:i.

18 Hina Gode da Ea sia: nabawane hamosu dunu amo noga:le ouligisa.

Amola Ea nana liligi da eso huluane ilia: fawane dialumu.

19 Wadela:i eso da doaga:sea, ilia da se hame nabimu.

Ha:i da doaga:sea, ilia da hame ha:gia:mu.

3 Na da hano hanai soge amoga hano imunu.

Amola hafoga:i soge amo da:iya hano masa:ne hamomu.

Na da Na gasa amo dilia mano ilima sogadigimu,

amola diligaga fi ilima Na hahawane dogolegele iasu imunu.

4 Hame gagui amola gasa hame hahani dunu da bidi hamosu eso amoga,

Dima hobeale, gaga:su noga:i ba:su.

Isu bagade manoba, Di da ili gaga:sa.

Amola eso bagade gia:sea, Dia da ilima ougi olelesa.

Hame asigi nimi bagade dunu da anegagi eso isu mabe agoane

eno dunu doagala:sa.

6 Hina Gode Ea hadigi da esosea gia:i amoga ougi noga:iwane hahamomu. Moilai bai bagade da gaga:i dagoi ba:mu, amola gibu amola isu amoga gagili sali dagoi ba:mu.

2 Dilia da hano lugududafa amo ganodini ahoasea,

Na amola ani masunu.

Dilia bidi hamosu da dilima hame hasanasimu.

Dilia lalu amo ganodini ahoasea, dilia nei dagoi hame ba:mu.

Gasa bagade adoba:su hou da dilima doaga:sea,

dilia da wadela:lesi dagoi hame ba:mu.

8 Eso bagohame ninia se naba. Be amo se nabasu da ninia hou hame banenesisa. Eso enoga ninia da beda:i, be ninia da hame hasalasi. 9 Ninima ha lai dunu bagohame esalebe ba:sa. Be ninia na:iyado dunu amolawane, ninia da eso huluane ba:sa. Ninia se naba, be ninia da:i hodo gugunufinisi hame ba:sa.

7 Hina Gode Ea hou da noga:idafa.

E da bidi hamosu eso amoga Ea fi dunu gaga:sa.

Nowa dunu da Ema sinidigisia, E da noga:le gagagulasa.

8 Gode Hi fawane da mu mobi amo hanoga nabalesisa.

Amola ilia dioi bagadeba:le, ili mae fudagala:ma:ne hamosa.

9 E da oubi ufa: amo mobiga uligilisisa.

10 E da gasi amola hadigi mogima:ne, osobo bagade dogoa sisiga:le dedenesi.

21 Dunu eno da dia hou wadela:ma:ne baligidu sia:sea,

Gode da di gaga:mu. Gugunufinisisu hou da doaga:sea, E da di fidimu.

26 Yesu da ilima amane sia:i, "Dilia da abuliba:le beda:bela:? Dilia dafawaneyale dawa:su hou da fonobahadi." Amalalu, E da wa:legadole, fo amola hano gafului amoma gagabole sia:nanu, fo da yolele, hano da bu ida:iwane ba:i.

27 Ilia da bagadewane beda:i galu. Fofogadigili, ilia gilisili sia: dasu, "Fo amola hano amola Ea sia nababeba:le, goe dunu da nowa dunula:?"

30 Amaiba:le, gisi da wali diala be aya laluga gobele sali dagoi ba:mu. Be Gode da amo gisi abula ida:iwane amoga idiniginisiba:le, ea iasu hou dilima da goe hou bagadewane baligimu. Dilia dafawaneyale dawa:su hou da fonobahadi.

31 Amaiba:le da:i dioiwane mae dawa:ma. ‘Ninia da adi moma:bela:? Ninia da adihano moma:bela:? Ninia da adi abula amoga idiniginisima:bela:?’ amo sia: mae sia:ma.

6 Uda da dunu hame esala soge amo e esaloma:ne Gode da hahamoi, amoga hobea:i. Amoga, eso 1260 amoga a:igele da e ouligimu.

19 *Na da sania amola gamaloa dilia osa:le heda:ma:ne amola dilima ha lai (Sa:ida:ne) osa:le heda:ma:ne, gasa bagade hou dilima i. Dilia da se hame nabimu.