Dificuldades
As dificuldades são parte da vida, mas Deus é refúgio certo em todo tempo de angústia. A Bíblia promete que nenhuma adversidade pode separar os filhos de Deus do seu amor.
Deus é refúgio
Deus é nosso refúgio e fortaleza, socorro bem presente nas angústias. Nada poderá nos separar do amor de Cristo.
Nguluwi ka hamwe na hetwe
Nguluwi ndo honhu ha hetwe ha kubilimila na mong’ho wa hetwe,
heye ndo utanzi wa hetwe mazuwa gose mhela wa magazo.
Ahyo hatudumba choneche,
hanga limachinyhina holilawila na vidunda kugwa mbahali,
hanga bahali yobuguma na kukabusa
na vidunda hovikakama kwa kukabusa kwake.
Ndolonga kwa Mkulu Nguluwi,
"Hegwe ndo honhu ha heni ha kubilimila na ngome ya heni,
Nguluwi wa heni yondilingitumbila."
Hemwe wanhu, mitumbile kwa Nguluwi mazuwa gose,
mumchumulile Mkulu gawele mnhumbula za hemwe.
Nguluwi ndo honhu ha hetwe ha kubilimila.
Mkulu Nguluwi ndo ngome kwa walingubunzwa,
heye ndo honhu ha kikala goya mihela ja magazo.
Walingukuzela, gwa Nguluwi wangitumbila kwa hegwe,
kwa vila hegwe Mkulu Nguluwi huwalechile walingukupala.
Hegwe kwangulongoza kutiguka kwa bahali,
nhigu yake hoikwinuka, kwanguidita isindamale.
Heye ndo mkulu kusinda kubogoma kwa mazi makulu,
ndo mkulu kusinda nhigu za bahali,
Mkulu Nguluwi yalingikala kuchanya kana mong’ho.
Nakachidita chila chivuluvumbi chikulu chisindamale,
nayo nhigu naileka.
Whaani yotubagula na igano lya Kilistu? Ndaze, ndo kugaya ama kugazigwa ama magazo ama nzala ama kwisilwa nguwo ama hali nongwa ama kubagama? Kota Maandiko Matakatifu vyogalingulonga,
"Kwa chiwalo cha hegwe, twangukopoligwa chila zuwa,
twanguditilwa kota ming’holo jilinguhilikwa kudumuligwa singo."
Ila, kuli mbuli azi zeng’ha, tusumya ng’hatu kwa kukolela heye yatuganile. Mina ndivizela ng’hatu kota haduhuli chinhu chiweza kutubagula na igano lya heye, ne kubagama ne ukomu ne wahilisi wa kilanga ama wala walingulongoza kilanga ne galingulawila sambi ne golawila hamba ne ludali, ne gala gawele kuchanya ne gala gawele hasi ng’hatu. Haduhu choneche chilumbigwe, chiweza kutubagula na igano lya Nguluwi liwele kuli Yesu Kilistu Mkulu wa hetwe.
Provisão nas dificuldades
O Senhor provê mesmo nos tempos mais difíceis. Ele sustentou Elias, protegeu Israel e cuida dos seus com fidelidade eterna.
Utimbo haumalile kuli chijilo na mafuta ga kuli ibuli hagamalile, nayali hihila kota ulonzi wa Mkulu Nguluwi woyamlonjele Eliya.
Nguluwi nakawika ng’hungugu kota chigubiko mchanya wa wanhu wa heye
na chiluli leka yawalangazile nechilo.
Nawalanda naye nakawegalila ng’hwale,
nakawagutiza ibumunda kulawa kilanga.
Loyatulile italawe mazi nagalawa,
kota lwanda nagakola kuli chiwala.
Nandali msongolo na sambi nda sekulu,
ila nasimuwene yatanganiche nakalechigwa,
ama wana wa heye wodedeza chilyo.
Mkulu Nguluwi kangulolelaga ukomu wa wanhu walihela nongwa,
na uhalizi wa hewo wochikala mazuwa gose.
Hawobasigwa soni hojifika mihela jihile,
mazuwa ga lufemba wowa na chilyo chekwa.
"Ndoiboholela mazi isi iwele na ng’halu,
na kulavya nzanda kuli isi ikalile.
Ndowagalila muhe wa heni walelwa wa hemwe,
ndowatambichiza wana wa hemwe.
Nakuwa ngome ya wazunwa,
honhu ha kubilimila, kwa walihela chinhu.
Hegwe ndo honhu ha kubilimila mhela wa chivuluvumbi,
lubehelo mhela wa ivuche.
Wawele na nhumbula zihile wangututowa kota chivuluvumbi chilingutowa lukanzi,
Ukulu wa heye wowa ndo lubehelo lwa hewo kuli ivuche lya nemisi na honhu ha kubilimila na ngawo ya hewo mhela wa nhigu na nhonya.
Homkola kuli mazi tendema,
ndowa hamwe na hemwe,
homkola kuli nzanda,
haziwasumya kwa mong’ho.
Homjenda kuli chiluli,
hamlakazwa,
milapi ja chiluli hajiwadumya.
Força nas provas
Em tudo somos atribulados, mas não esmagados. O Senhor é bom e é fortaleza no dia da angústia — Ele conhce os seus.
Twangugazika kuli chila ubanzi ila hambe tudumigwe, twanguwa na lunhwinhwi ila hatulingutweguka nhumbula, Twangugazika ila hatulingulechigwa ne utanzi, hanga natugwisigwa hasi, hatudumigwe.
Mkulu Nguluwi kagoya,
heye ka ngome ya kikala goya mhela wa magazo.
Heye kanguwamilaga weng’ha walingubilimila kikala goya kwa heye.
Kangugahindilaga mazi kuli ng’hungugu yake,
nayo ng’hungugu hailingutulika kwa itunyo lyake.
Kanguigubikaga nyelezi ikangale,
kwa kutandazula ng’hungugu mchanya mwake.
Nakawika msitali wa upeo kugawanula ulanga na mazi ga bahali,
leka uwe mbaka wa lumuli na jiza.
Kokwamilwa goya kulawa kuli kutowigwa kwa umyango wa wanhu,
kudumya hokukuyila, haudumba.
Yesu kawalonjela, "Hemwe wanhu muwele na makundo mado, leka choni mwangudumba?" Hamba nakenuka na kuilonjela yila nhigu na mbeho nayali iputa, inyamalile na inyamalila tulu. Wanhu weng’ha nawabubuwala, walonga, "Ayu munhu wachi? Mbaka Nhigu na mbeho vyangumuhulichiza."
Wone Nguluwi kangujivaliza ahi misolo ja kumgunda jiwele lehano na mitondo jangutajigwa mchiluli, ndaze, hambe yawavalize goya ng’hatu hemwe muwele na makundo mado?
"Leka mleche kuwa na lunhwinhwi. ‘Tolya choni? Tonwa choni? Na tovala choni?’
Yula mdala nakabilimila kuchiwala, koyawele na honhu hoyawichigwe na Nguluwi, leka wamhe chilyo ako, kwa mhela wa mazuwa elufu imwe na miya mbili na makumi sita (1,260).
Lole nandiwapa ludali lwa kubiga mizoka na nyinje na ludali hali mong’ho weng’ha lwa yula mng’honyo, kuduhuli choneche chiwalumiza.