Dificuldades
As dificuldades são parte da vida, mas Deus é refúgio certo em todo tempo de angústia. A Bíblia promete que nenhuma adversidade pode separar os filhos de Deus do seu amor.
Deus é refúgio
Deus é nosso refúgio e fortaleza, socorro bem presente nas angústias. Nada poderá nos separar do amor de Cristo.
God El nien molela lasr ac ku lasr,
Su arulana apkuran nu sesr ke pacl in keok in kasrekut.
Ke ma inge kut ac fah tiana sangeng
Finne kusrusr faclu ac eol uh mokukla nu in acn loal meoa.
Meoa finne ngirngir ac pulkulak,
Ac eol uh finne rarrar ke kusrusr la.
El ku in fahk nu sel,
"Kom mwe loeyuk ac lango luk.
Kom God luk, ac nga lulalfongi in kom."
Mwet luk, kowos in lulalfongi God pacl e nukewa.
Fahkang mwe fosrnga lowos nukewa nu sel,
Tuh El nien molela lasr.
LEUM GOD El nien molela nu sin mwet akkeokyeyuk,
El nien wikla in pacl upa.
LEUM GOD, elos su etekom ac fah lulalfongi kom;
Ac kom tia sisla kutena mwet su tuku nu yurum.
Kom leum fin ku lun meoa,
Kom akmisye noa lulap we.
LEUM GOD El leum fulat inkusrao,
El fulat liki ngirngir lun meoa,
A ku liki noa in meoa u.
El akmisyela paka uh,
Ac noa uh mihsla.
Na su ku in srikutla liki lungse lun Christ? Ya mwe lokoalok, ku keok, ku kalya, ku masrinsral, ku sukasrup, ku mwe sensen, ku misa? Tuh oana Ma Simusla uh fahk,
"Ke sripom kut lemla nu ke misa in pacl nukewa;
Kut oana sheep su kokola in anwuki."
Mo, in ma inge nukewa yohk kutangla lasr in el su lungse kut! Tuh nga etu na pwaye lah wangin ma ku in srikutla liki lungse lal: tia misa ku moul, tia lipufan ku kutena ku inkusrao, tia ma oasr inge ku ma ac fah tuku, tia ma oan lucng liki faclu, ku ma oan ten liki faclu — wangin sin ma orekla nukewa su ac fah ku in srikutla liki lungse lun God, su ma lasr ke Christ Jesus Leum lasr.
Provisão nas dificuldades
O Senhor provê mesmo nos tempos mais difíceis. Ele sustentou Elias, protegeu Israel e cuida dos seus com fidelidade eterna.
Oana ma LEUM GOD El wulela kac nu sel Elijah, pol sac tiana pisala ke flao, oayapa sufa soko ah tiana pisala ke kiris.
God El asroelik sie pukunyeng in sonelosi,
Ac sie e in tololos ke fong.
Elos siyuk, ac El supwama won quail;
El kitalos inkusrao me, tuh elos in kihp.
El ikaselik sie eot, ac kof uh kahkme;
Sororla pac nu yen mwesis oana soko infacl.
Nga matuoh inge; nga moul paht na,
Tusruktu nga soenna liye sie mwet wo in pilesreyuk sin LEUM GOD,
Ku tulik natul in ngusr mwe mongo.
LEUM GOD El karinganulos su aksol,
Ac acn uh fah ma lalos nwe tok.
Elos ac fah tia keok in pacl koluk;
Elos ac fah kihp in pacl sracl.
"Nga fah sang kof nu sin acn malu
Ac oru tuh infacl in soror ke acn pao.
Nga fah okoaot ngunik ac mwe insewowo luk
Nu fin fwilin tulik nutum.
Mwet sukasrup ac mwet mukaimtal elos kaing nu yurum
Ac elos moulla in pacl in ongoiya.
Kom sang nu selos acn in wikla ke pacl in paka,
Ac acn lul ke pacl fol.
Mwet sulallal elos anwuk oana ke eng upa uh fungulya pesinka,
Wolana lal ac fah luliya siti uh liki fol lun len, ac oru tuh in sie acn in molela ma kosreyukla liki af ac paka.
Ke kom fahsr sasla in kof loal uh, nga fah wi kom,
Ac ke kom fahsr sasla infacl uh, kof uh fah tia afinkomla.
Pacl kom fahsr sasla in e uh, kom fah tia folla.
Ac kosran e uh fah tia isikkomyak.
Força nas provas
Em tudo somos atribulados, mas não esmagados. O Senhor é bom e é fortaleza no dia da angústia — Ele conhce os seus.
Pacl puspis akkeokyeyuk kut, tusruktu kut tiana kunausyukla; kutu pacl uh kut alolo, tusruktu kut tiana fuhleak; kalyeiyuk kut, a kut tiana mukaimtalla; ac finne anwuk kut, kut tia misa.
LEUM GOD El wo;
El loango mwet lal in pacl in ongoiya;
El karinganulos su nget nu sel.
God pa nwakla pukunyeng uh ke kof,
Ac liyaung in tia fokelik ke toasriya uh.
El sang sie pukunyeng kosrala malem uh ke fong in Mwesr.
El filiya pekusra uh raunela faclu
In sraclik kalem liki lohsr uh.
God El ac fah loangekom liki kas kikiap lun mwet keim;
Ac molikomla ke pacl mwe kunausten lulap sikyak.
Ac Jesus el fahk, "Efu ku komtal sangeng? Efu ku srikla fuk lulalfongi lomtal an!" Na el tukakek, ac sap ku nu sin eng uh ac noa uh, na in pacl sacna arulana mihsla.
Elos nukewa arulana fwefela ac fahk, "Mwet na fuka se inge? Finne eng uh ac noa uh elos aksol pac!"
God pa yunela mah inima uh, su oan misenge na lutu isisyak ac wanginla. Ya El ac fah tia yunikowosla in arulana wo liki? Sriklana lulalfongi lowos uh!
"Ke ma inge, nik kowos mutawauk in fosrngala mu: ‘Mwe mongo nak ac tuku ya me — ku kof nimuk, ku nuknuk luk?’
Ac mutan sac kaingla nu yen mwesis, nu ke sie acn ma God El akola nu sel, yen ma ac karinginyuk el we ke len sie tausin luofoko onngoul.
Lohng akwoya! Nga sot tari ku nu suwos kowos in ku in longya wet pwasin ac scorpion, ac kowos fah kutangla ku nukewa lun Mwet Lokoalok sac, ac wangin ma ac ku in aklokoalokye kowos.