Dificuldades
As dificuldades são parte da vida, mas Deus é refúgio certo em todo tempo de angústia. A Bíblia promete que nenhuma adversidade pode separar os filhos de Deus do seu amor.
Deus é refúgio
Deus é nosso refúgio e fortaleza, socorro bem presente nas angústias. Nada poderá nos separar do amor de Cristo.
God e noho i tadau baahi
God go tadau abaaba mo tadau mahi,
dela e togomaalia e hagamaamaa gidaadou i lodo nia madagoaa haingadaa.
Malaa, gidaadou gi hudee mmaadagu, ma e aha maa henuailala ga ngalungalua
mo nia gonduu ga monnono gi lodo di moana llala,
ma e aha maa nia beau o di moana ga ngoloolo,
gei nia gonduu ga lullulu go nia beau llauehe.
Tangada deelaa e mee di helekai gi Mee,
"Goe go dogu Dangada Daa mo dogu Abaaba.
Goe go dogu God, dela e hagadagadagagee ginai au."
Agu daangada, goodou hagadagadagagee gi God i nia madagoaa huogodoo.
Hagi anga ina gi Mee godou haingadaa huogodoo,
idimaa Mee go tadau gowaa e pala iei gidaadou.
Dimaadua la go di gowaa dela e pala ginai digau ala e lodo daamaha,
di gowaa e noho ai di aumaalia i lodo di madagoaa haingadaa.
Meenei Dimaadua, digau ala e iloo ginaadou Goe,
ga hagadagadagagee adu gi di Goe.
Goe hagalee diiagi di ingoo hua tangada dela ma ga hanadu gi di Goe.
Ma Kooe dela e dagi di moana maaloo,
gei go Kooe dela e mee di hagakila nia beau llauehaa.
Dimaadua e dagi di langi i ono mogobuna.
Ono mogobuna koia e mahi i di ngoloolo o di moana,
ge koia e maaloo i nia beau llauehaa o di moana.
Mee ne hagakila di madangi damana, gei nia beau guu noho.
Gei di maa koai dela e mee di wwae gidaadou gi daha mo di aloho o Christ? Hagalee go di hagamada, di haingadaa, tadaaligi, di hiigai, di hagaloale, di mee haga lliga, be go di made! Idimaa, di Beebaa Dabu e helekai,
"Idimaa Kooe, dela gaa noho ai gimaadou
i lodo di haingadaa o di made
i lodo nia madagoaa huogodoo.
Gimaadou e hai gadoo be nia siibi
ala ga daaligi gii mmade."
Gei deeai, i lodo nia mee huogodoo aanei, gidaadou guu dohu i di aali, mai dono aloho i gidaadou! Au e hagadagadagagee bolo ma deai di mee e mee di wwae gidaadou gi daha mo di aloho o God ai: Hagalee go di made be go di mouli, hagalee go digau di langi be go nia dagi o di langi be go nia mogobuna o di langi, hagalee go di madagoaa dolomeenei be go di madagoaa maalia, hagalee go bahi i nua henuailala be go bahi i lala o henuailala. Deai di mee i lodo ana mee ala ne hai e mee di wwae gidaadou gi daha mo di aloho o God ai, go di aloho dela ne hai mee ginai gidaadou mai tadau Dagi go Jesus Christ.
Provisão nas dificuldades
O Senhor provê mesmo nos tempos mais difíceis. Ele sustentou Elias, protegeu Israel e cuida dos seus com fidelidade eterna.
Di boolo palaawaa mo di loaabi lolo hagalee e odi, guu hai be di hagababa a Dimaadua ne hai gi Elijah.
Dimaadua e holo dana gololangi gi hongo digaula,
gei di ahi e inaina digaula i di boo.
Digaula ne dangi gi Mee,
gei Mee guu wanga gi digaula nia manu mamaangi ‘quail’
ge gu haangai digaula gi maaluu gi nia palaawaa mai i di langi.
Mee ne huge di hadugalaa, gei nia wai gu malingi mai,
guu hali laa lodo di anggowaa be di monowai mmidi.
Au gu madumadua dolomeenei, au gu mouli waalooloo,
gei au digi mmada loo gi nia daangada humalia gu diiagi go Dimaadua,
be go nia dama digaula e tangitangi gi nia daangada i nia meegai.
Dimaadua le e madamada humalia hua i digau ala e hagalongo ang gi de Ia.
Gei ogo digaula ga hai mee gi tenua deelaa, gaa hana hua beelaa.
I lodo di madagoaa haingadaa, gei digaula hagalee e huaidu ang gi ginaadou.
I lodo di madagoaa tau magamaga, gei digaula e logo hua nadau meegai.
"Au gaa wanga nia wai gi nia henua ala e hieinu, gaa hai nia wai gii mmidi laa hongo di gelegele gowaa maangoo. Au gaa llingi dogu Hagataalunga gi hongo godou dama, mo dogu haga maluagina gi hongo do hagadili.
Digau hagaloale mo digau nadau hagamaamaa ai ga lloo adu gi di Goe
ga hai mee gi di aumaalia i di madagoaa haingadaa.
Goe e abaaba digaula gi daha mo di madangi gono,
e hagamalu digaula i di welengina.
Idimaa nia hagadaumee hagamuamua ga dauwa
be di madangi damana o di magalillili,
Dono madamada ga haga malu di waahale gi de welengina i di aa, gaa hai di gowaa deelaa gii noho i di aumaalia, e malu i di uwa mono madangi.
Di madagoaa ma ga hula ai goodou laa lodo di moana, gei Au e madalia goodou, gei nia haingadaa hagalee haga aabulu goodou. Di madagoaa ma ga lloo adu ai goodou laa lodo di ahi, gei goodou hagalee wwele, gei godou haingadaa llauehe hagalee haga mmaemmae goodou.
Força nas provas
Em tudo somos atribulados, mas não esmagados. O Senhor é bom e é fortaleza no dia da angústia — Ele conhce os seus.
Nnagadilinga haingadaa e logowaahee e dau i gimaua, gei deai dono lauwa i gimaua ai. Gimaua gu manawa logo i hunu madagoaa, gei gimaua iei di mau hagadagadagagee i golo. Mau hagadaumee e logowaahee i golo, gei gimaua hagalee bolo gu mada gimaua hua. Hunu madagoaa gei gimaua e lauwa, gei digi lauwa kono.
Dimaadua le e humalia; Mee e duuli ana daangada i nadau madagoaa haingadaa; e benebene digau ala gaa huli gi Mee.
Deenei go di God dela ne hagahonu nia gololangi gi nia wai,
ga dadaahi nia maa bolo gi de daamaha gi di baahi ga malingi.
Mee e haga ngala di malama gi nia gololangi.
Mee e wwae di maalama mo di bouli gi di lain
dela ne hihi go Mee i hongo di moana.
God ga daa mai goe gi daha mo nia hai kai tilikai ala e hagahuaidu goe,
gei Mee ga benebene goe gi daha mo di madagoaa huaidu ma ga dau mai.
Jesus ga heeu, "Goodou e mmaadagu di aha? Godou hagadonu le e lligi!" Gei Mee ga duu aga, ga helekai gi di madangi mono beau gii noho, gei gu kila loo!
Huogodoo gu goboina huoloo, ga helekai, "Tangada behee deenei? Di madangi mono beau hogi e hagalongo gi Mee!"
Ma go God dela e haga madamada nia geinga lodo henua dangi nei, gei daiaa nia maa gaa kili gi lodo di ahi. Malaa e hai behee: Mee hagalee ga haga gahu goodou hagahumalia i dana benebene nia mee aanei? Godou hagadonu le e lligi loo!
"Hudee de nnoomaalia be goodou ga gaamai godou meegai, godou wai, be godou gahu i hee.
Di ahina deelaa gaa lele gi di anggowaa, gi di gowaa a God ne hagatogomaalia gi mee, e madamada humalia ai ei mee i lodo nia laangi e mana maa lua lau modoono (1,260).
Hagalongo! Au gu gowadu gi goodou di mogobuna gii mee goodou di taele i hongo nia gihaa mono ‘scorpion’, gei gi aali goodou laa hongo nia mogobuna o di hagadaumee, deai di mee e hagahuaidu goodou ai.