1 Kuna twetwe Imulungu yuyo yatumtsumila na iyotwing’a ngupfu,

yeye kotwapfila ng’ani mna ghamatsuwa gha ukughaya.

2 Apfo lelo ng’atutsopfuka baye,

hata isi ing’aghalambuka,

na hata ipfidunda pfing’adedema haghatighati ha ibahali,

3 hata ibahali ing’atibuka na kuduma,

hata ipfidunda pfing’adedema kwa ukutibuka ako kwa ibahali.

2 Nitsomlongela IMNDEWA, "Ghweghwe kwa kimbililo lyangu na ingome yangu,

Imlungu wangu yanikuhuwila."

8 Mwihuwile yeye matsuwa ghose, mwemwe iwanu wose,

ghaghubuleni ighali mna imimoyo yenu hambele hake,

Imulungu yuyo yali kimbililo lyetu.

9 Iwanu iwodununzighwa watsomtsumila IMNDEWA,

naye ka ingome mna ghamatsuwa gha ukughanzika.

10 Iwolimanya litaghwa lyako, wehuwila ghweghwe,

ghweghwe, MNDEWA ng’uwaleka baye awala iwokubama.

9 Ghweghwe kotawala ahala ibahali haitikuka,

ghamawimbi ghake haghakwinuka, ghweghwe koghahotsa.

4 IMNDEWA kamkulu ako kuchanya,

kamkulu ghendo kubita ghamatsi ighoduma,

kubita ghamawimbi gha ibahali.

29 Kaitenda inyahemu inyamale tulu,

na ghamawimbi gha ibahali ghenyamala tulu.

35 Yuhi lelo yatsotubaghula kulawa mna unoghelo wa Kiristu? Pfii maghayo, ukughanzika, ukudununzika, nzala, ukukala chidako, ukuhonzeka au ukukomighwa? 36 Ka Ghamaandiko Mahenzeluka pfogholonga,

"Kwaajili yako twokala mlifwa chilo ne imisi.

Tweghala ne iwang’olo iwoghenda kuchinjighwa."

37 Bae, mna ghano ghose twetwe tuhuma ghendo kubitila yeye iyotunoghela. 38 Kwaapfila tsanimanya ghendo kuduhu ichinu ichidaha kutubaghula na unoghelo wake, si lifwa bae wala ughima, si wamalaika wala pfinyamkela wane ingupfu, si pfinu pfa sambi wala ipfikutsa, 39 si ighali hasi, wala ighali kuchanya, wala chochose ichilumbighwe, kuduhu ichidaha kutubaghula na unoghelo we Imulungu iuli mghati mwa Kiristu Yesu Imtwatsa wetu.

16 Utimbo uli mchiya ng’auhunguke baye, na ghamapfuta ighali msupa ng’aghamalile baye, ka pfipfila lilonga lya IMNDEWA lyayamlongele Eliya yalonge.

39 Katandatsa libingu liwaghubike,

na ghumoto ghuwalangatsile nechilo.

40 Walomba, naye kawaghalila wang’wale,

na kaweng’a ichighate cha kulanga waje weghute.

41 Katula libambalawe, ghamatsi ghalawa,

ghaluta kunyika ka mto.

25 Nene tsa namsongolo na sambi nilala,

lekeni sina mbone baye imunu yana ihaki kalekighwa,

na iwanaghe walombelombe ichijo.

18 IMNDEWA koghamanya ghamatsuwa gha iwanu iwalihela matotso,

na achila chawolekelighwa chitsokala matsuwa ghose.

19 Ng’awatsohumbuka baye mna ghamatsuwa gha ukughaya,

na mna ghamatsuwa gha inzala wawo watseghuta.

8 Twokandamitsighwa chila ubali, lekeni ng’atuhondeka bae, twopfuka lekeni ng’atukuya kuchughu, 9 twoghanzika, lekeni twokwapfilighwa, twokwasighwa hasi, lekeni ng’atulaghighwa bae.

8 Koghakima ghamatsi mna ghamabingu matito,

na ghamabingu agho ng’aghotulika baye kwa utito awo.

9 Keka liduwala mna ichighoda chake cha ufalume,

na kakwanzatsa libingu lyake mchanya mwake.

10 keka liduwala mchanya mwa ghamatsi gha ibahali,

keka ghumbaka ghughole ghumwanga na ichisi.

21 Katsokukinga ahala imilimi ya iwanu haikulonga pfihile.

naghwe ng’utsopfuka baye ahala ukukomighwa hakukutsa.

26 Kawedika, "Hebari mpfuka, mwemwe yamli na noghola ndodo?" Kuya kenuka, kaikembela inyahemu na ghamawimbi, baho litsimbu litulia tuli! 27 Iwanu wose wakangawala ghendo, weghutsa, "Angu ayu munu wachi? Hata libeho na ghamawimbi pfose pfomhulikitsa!"

30 Lelo ka Imlungu koipfatsa apfo imitsani ya kubagho, ili baho leloli, na ilupfi yakwasighwa mna litanuli, angu ng’atsompfatsani mwemwe baye, mwemwe yamli na noghola ndodo?

31 "Apfo mleke kwalangula, kulonga, ‘Tuja choni?’ Au ‘Tukunwa choni,’ au ‘Tupfala choni?’

6 Pinga yula tsakatsumila kunyika, hanu hekilighwe ne Imulungu, ili yatunzighwe kwa ghamatsuwa elufu imwe, mia mbili na sitini.

19 Mtegheletse! Niweng’ani ukulu mwemwe, apfo mwodaha kuwabajugha wanzoka ne iwainge; mtsakuwa na ukulu kwa iwehile wenu wose. Kuduhu ichinu chitsowalagha.